Շոտլանդական բարձրավանդակը առաջացել է 500 մլն տարի առաջ` լայնամասշտաբ ժայթքումների հետևանքով և հանդիսանում է աշխարհում ամենահին ժայռային կազմավորումներից մեկը: Այն նաև Եվրոպայում վայրի բնության վերջին խոշորագույն հատվածն է և վիսկիի արտադրության համար բացառիկ նպաստավոր կլիմայական պայմաններ ունի: Հենց այս գեղասքանչ և հինավուրց վայրը ներշնչեց արտասովոր ձեռնարկատիրական ոգի և հեռատեսություն ունեցող Ջեյմս Ֆլեմինգին` Սփեյսայդի1 հենց սրտում հիմնել վիսկիի սեփական գործարան` ստեղծելու համար բացառիկ նուրբ և բարձրակարգ վիսկի: Այս նպատակով նա Աբերլուր կոչվող փոքրիկ քաղաքում մի տարածք, ինչպես նաև անզուգական մաքրությամբ Սուրբ Դրոստան ջրհորը գնեց: Կառուցման աշխատանքները սկսվեցին 1879 թ.: Ֆլեմինգն ինքը նախագծեց ոչ միայն արտադրամասերի ճարտարապետական կառուցվածքը, այլև սարքավորումների և աշխատատեղերի դասավորությունը` հիմնական շեշտը դնելով արտադրության հետագա արդիականացման և ընդլայնման վրա: Մեկ տարի անց վիսկին արտադրվում և սպառվում էր մեծ քանակությամբ, իսկ գործարանը ծաղկում և բարգավաճում էր: Լրագրող Ալֆրեդ Բերնարը շոտլանդական վիսկիի գործարանների իր հետազոտության ընթացքում 1880-ական թթ. Աբերլուր այցելելով` նկարագրում է Ջեյմս Ֆլեմինգի նոր հաստատությունը որպես "կատարյալ և ժամանակակից գործարան": "Aberlour Distillery"-ն, սակայն, բարգավաճում և շահույթ էր բերում ոչ միայն իր սեփականատիրոջը` Ջեյմս Ֆլեմինգին, այլև տեղական համայնքին: Աբերլուրը հեռավոր, մոռացված փոքրիկ քաղաք էր և ուներ միայն տարրական դպրոց և փոքրիկ եկեղեցի: Սակայն 1880-ական թթ. դրությունը կտրուկ փոխվեց: Ջեյմսի ընկերությունը փողոցների գազային լուսավորություն և հեռախոսագիծ անցկացրեց, կառուցեց տեղական կառավարման մարմինների համար գրասենյակներ, հիվանդանոց, անտուն մարդկանց համար ապաստարան, կամուրջ` Սփեյ գետի վրա, կարիքավորների համար հատուկ հիմնադրամ ստեղծեց: Ֆլեմինգին հարգում և սիրում էին բոլորը, և նա իրավամբ համարվում է Աբերլուր քաղաքի հիմնադիրը: Չափազանց համեստ մարդ լինելով` նա գերադասում էր իր բարեգործությունները գաղտնի պահել, և դրանք կատարողը հանրությանը հայտնի դարձավ միայն նրա մահից հետո` 1895թ.: Ջեյմս Ֆլեմինգը թաղված է գործարանի բակում գտնվող հասարակ գերեզմանում, և քաղաքն ու նրա շենքերը ամենալավ հուշարձանն են նրա համար: Իր ողջ կյանքի ընթացում նա հետևում էր Ֆլեմինգ ընտանիքի պարզ և իմաստուն կարգախոսին, որը պատկերված է "Aberlour"-ի բոլոր շշերի վրա. "Թող կատարածդ գործերը խոսեն քո մասին": Եվ չնայած վերջին 100 տարիների ընթացքում ժամանակակից տեխնոլոգիաների և արդիականացման շնորհիվ գործարանն անխուսափելի փոփոխվել է, նրա ամբողջականության կարևորագույն մասեր, ինչպես նաև ավանդական աշխատելաոճը և Ֆլեմինգի կարգախոսը մնացել են անփոփոխ: Այստեղ` "Aberlour Distillery"-ում, բնությունը, ավանդույթները և վիսկիի վարպետների հմտությունը միավորվել են` ստեղծելու իրավամբ անգերազանց վիսկի, որը "Aberlour"- ի ոգին է:
