Գտնվելով Սոտերն գինեգործական տարածքի հինգ կոմունաներից մեկում՝ Պրեյնակում, Château Bastor-Lamontagne-ը ունի սիլիկային-մանրախճավոր հողում աճող 52հա մակերեսով ձգվող խաղողի այգիներ, և այդ հողի շնորհիվ արտադրվում են հարուստ համով հիանալի գինիներ: Կալվածքը ստացել է իր անվանումը Բորդոյի խորհրդարանի խորհրդական Շևելի դե լա Մունտենի անունից, որը 1711թ. դարձել է կալվածատերը: Բելեյմեյի հայտնի 18-րդ դարի քարտեզի վրա այն անվանվել է “Բաստոր” և արդեն իսկ բավականաչափ խոշոր է եղել: Դղյակը մեծ ազդեցություն է թողել 19-րդ դարում՝ շնորհիվ Ամեդի Լարյուի, որին նույնպես պատկանել է Պեսակում գտնվող Շատո Օ Բրիոն գինեգործական տնտեսությունը: Շատո Բաստոր-Լամոնտանյան մշտապես նախապատվությունը տվել է մրգային համադրությանը: Հաճախ այն համարվում է “ժամանակակից Սոտերն”, էլեգանտ է, ներդաշնակ և հաճելի օրվա ցանկացած պահին: Չնայած նրան, որ այն կարող է ավելի երկար հնեցվել, Բաստոր-Լամոնտանյան հաճելի է ըմպել նաև ավելի քիչ հնեցմամբ՝ շնորհիվ իր նրբահամության: Շատոյի պատմության մեջ նոր գլուխը սկսվում է 2014թ-ից, Մուլին և Կաթիարդ ընտանիքների կողմից կալվածքը գնելուց հետո, որոնք իրենց հետ բերեցին էնտուզիազմ և մեծ փորձառություն:
