35հա մակերես զբաղեցնող Château Bernadotte-ը կառուցվել է 1860թ-ին, իսկ Կրյու Բուրժուա կալվածքը գտնվում է Սեն-Սովեր կոմունայում, որը արևմուտքից սահմանակից է Պոյակ գինեգործական տարածքին: Այն ձեռք է բերվել 1997թ-ին Շատո Պիշոն Լոնվիլլ Կոմտեսս դ՛Լալանդ գինու գործարանի կողմից, որն էլ հետագայում գնվել է Լուի Ռոդերեր շամպայնի գործարանի կողմից: 2012թ. դեկտեմբերից Բերնադոթը պատկանում է Հոնգ Կոնգի Քինգ Փաուեր Գրուփին: Կալվածքում աճում են խաղողի հետևյալ տեսակները՝ Կաբերնե Սովինյոն 51%, Մերլո 45%, Կաբերնե Ֆրան 3%, Պետի Վերդու 1%: 1հա վրա խաղողի խտությունը կազմում է 9,000՝ միջինը 30 տարեկան խաղողի վազերով: Հողերը հիմնականում մանրախճավոր են, որոշակի քանակով կավի պարունակությամբ ավազոտ, և շատ լավ են դրենաժավորվում: Գինու արտադրությունը սկսվում է 23 խոշոր, ջերմաստիճանի կարգավորմամբ, չժանգոտվող պողպատե տակառներում: Խնձորակաթնային /մալոլակտիկ/ խմորումը սկսվում է տակառներում: Շատո Բերնադոթի գինիները հնեցվում են 30%-ոց նոր ֆրանսիական կաղնեփայտե տակառներում 12-ից 18 ամիս՝ կախված խաղողի բերքահավաքի որակից և տեսակից՝ տարեկան 150,000 շիշ միջին արտադրողականությամբ:
