Լեգենդար կալվածքը կառուցվել է 1525թ., երբ Ժան դե Պոնտակը գնել է խաղողի այգին: Ֆրանսիական հեղափոխությունից հետո այն ունեցել է մի քանի սեփականատեր, իսկ ամրոցը գնել է Քլարենս Դիլլոնը 1953թ.: Առ այօսր Օ Բրիոնը պատկանում է նույն ընտանիքին և կառավարվում է նրա թոռ՝ Լյուքսեմբուրգի արքայազն Ռոբերտի կողմից: Բորդոյի պատմության մեջ Օ Բրիոնը առաջին գինին էր, որն ուներ այն նույն անվանումը, ինչ տարածքը: Այդ ժամանակ գինիները վաճառվում էին անանուն: Առաջին շատոն էր, որն անցավ զտում և հնեցում կաղնեփայտե տակառներում: 1955թ. այն միակ դասակարգված Գրան Կրյուն է Գրավ գինեգործական շրջանում, և, իհարկե, համար 1-ը! 1983թ. Դիլլոն ընտանիքը գնեց La Mission Haut-Brion /Լա Միսյոն Օ Բրիոն/՝ Օ Բրիոնի հարևանությամբ: Շատ հետաքրքիր է համեմատել խաղողի տարբեր բերքահավաքները: Որոշ բերքահավաքներ, օրինակ 1961թ. կամ 1989թ., արտացոլում են աշխարհի լավագույն կարմիր գինիներից մեկի՝ Château Haut Brion-ի աննկարագրելի համը: Շատոյի երկրորդ գինին, որը նախկինում անվանվել է Բահանս, այժմ կոչվում է Clarence de Haut-Brion /Քլարենս դե Օ Բրիոն/: Երկրորդ գինու արտադրությունը թվագրվում է 17-րդ դարին: Château Bahans Haut Brion անվանումը սկսվում է 20-րդ դարի սկզբից և կրել է ամրոցի ու այն ընտանիքի անվանումը, որին պատկանել է այդ տարածքը, որը դարձել է Օ Բրիոնի խաղողի այգի: Քլարենս Դիլլոն ընտանիքի կողմից այն գնելու 75-րդ տարելիցից մի քանի տարի անց նրանք որոշեցին վերանվանել երկրորդ գինին և շշալցնել այն առաջին գինու շշերում: 2007թ-ի խաղողի բերքահավաքից սկսած՝ այն հայտնի դարձավ որպես Clarence de Haut Brion /Քլարենս դե Օ Բրիոն/: Château Haut Brion երկրորդ գինին հիանալի բալանսավորված, մետաքսյա փափկությամբ, կարմիր մրգերի ու ծխախոտի բույրերով համադրված գինի է:
