Ռոմն արտադրվում է Բարբադոս կղզում 1600-ական թթ. կեսերից, երբ եվրոպացիները շաքարեղեգը բերեցին Կարիբյան կղզիներ` օգտվելով շաքարեղեգի աճեցման համար արևադարձային շրջանի իդեալական պայմաններից` բավարարելու համար շաքարի աննախադեպ աճող համաշխարհային պահանջարկը: Քանի որ շաքարեղեգը բոլոր ռոմերի հիմնական բաղադրամասն է, այս խմիչքն արտադրվում էր շաքարեղեգի պլանտացիաների գործարանների հարևանությամբ: Բարբադոսում այս քաղցրահամ խմիչքը կարճ ժամանակում գերազանցեց ծխախոտի արտահանումը` դառնալով ամենաարտահանվող ապրանքատեսակը, իսկ նրա արտադրությունն աճեց անսպասելի չափով: "Malibu"-ն ստեղծվել է այս գեղատեսիլ կղզու սպիտակ ավազե ափին, որտեղ 1893թ., գերմանացի Սթեյդզ եղբայրները հիմնեցին այժմ արդեն աշխարհահռչակ "West Indies Rum Distillery"-ն և ձեռնամուխ եղան յուրահատուկ թեթև ռոմի արտադրությանը: Համարյա հարյուր տարի անց"Malibu"-ն` կարիբյան համային հավելումով այս բարձրակարգ ռոմը, դուրս եկավ միջազգային ասպարեզ: "Malibu"-ի ` թեթև ռոմի և կոկոսի խառնուրդի համը` ամփոփված աշխարհահռչակ ճերմակ շշի մեջ, 1980թ. գերեց Միացյալ Թագավորությունը, այնուհետև այլ եվրոպական երկրներ և, ի վերջո, 1983թ. ԱՄՆ-ն: "Malibu"-ն այժմ նոր մակարդակի վրա է դնում խառնուրդային խմիչքների ստացման արվեստը` իր ապրանքատեսականուն ավելացնելով նոր համեր. արևադարձային բանան, մանգո, մարակույա, արքայախնձոր, սեխ:
