Վոլպայա գյուղը կառուցվել է 11-րդ դարում: Այն քայլ առ քայլ և մանրակրկտորեն այն վերանորոգվել է՝ պահպանելու գինեգործական ժառանգությունը, որը թվագրվում է 1172թ.: Պահպանելով շրջակա միջավայրը և տեղական ավանդույթները՝ Castello di Volpaia կալվածքի խաղողի այգիները մշակվում են օրգանական պարարտանյութերի օգտագործմամբ, և, առաջին հերթին, աճեցվում է Սանջիովեզե տեսակի խաղող: Վոլպայայի հպարտությունն է հին, տեղական Սանջիովեզե տեսակի խաղողի կլոնի այգին՝ Կազանովայի խաղողի այգին, որը աճեցվել է՝ պահպանելու Վոլպայայի հնագույն կլոնների գենետիկ բազմազանությունը: Վոլպայայի բարձրությունը /ծովի մակարդակից 617մ/ և ավազաքարը Վոլպայայի գինիներին հաղորդում են առանձնահատուկ փայլ, թարմություն և էլեգանտություն Չիանտի Կլասսիկո շրջանում: Սակայն Վոլպայան շատ ավելին է: Այն ունի 914 ակր հողատարածք, ներառյալ 114 ակր մակերեսով խաղողի այգին, մոտավորապես 42 ակր ձիթապտղի ծառեր, ինչպես նաև պարսպապատ գյուղ, առանձնատներ և անտառներ: Վոլպայայի պատմական գյուղատնտեսական արժեքը պահպանելու նպատակով Ստիանտի Մաշերոնի ընտանիքը՝ Castello di Volpaia սեփականատերերը, աշխատում են պահպանել գյուղի ստեղծագործական ու մշակութային ժառանգությունը, որի արդյունքում մեր առջև բացվում է գյուղական համայնք, որը պատմում է աշխարհին գինու պատմության և մշակույթի մասին:
