Գտնվելով լանջի գագաթին` դեպի Դորդոն գետը բացվող տեսարանով` Սեն Էմիլիոն գյուղի հարևանությամբ, Château Laroque /Շատո Լարոք/ միջնադարյան ոճով կառուցված կալվածք է: Այստեղ դեռևս պահպանվում է 12-րդ դարում կառուցված աշտարակը, իսկ մնացածը վերակառուցվել է 17-րդ դարում Լյուդովիկոս XIV թագավորի ճարտարապետական ոճով. այստեղից էլ գալիս է “Փոքր Վերսալ” անվանումը: Այսօր այն համարվում է Սեն Էմիլիոնի 61 հա մակերեսով խոշորագույն տնտեսությունը, որից 27հա զբաղեցնում են լավագույն հողատարածքները և հին խաղողի այգիները, որոնք օգտագործվում են Château Laroque Saint-Émilion Grand Cru Classé արտադրելու համար:
