"Chivas Regal"-ը պրեմիում կարգի ամենահեղինակավոր խառնուրդային շոտլանդական վիսկին է աշխարհում, որը բոլոր մայրցամաքներում տարեկան վաճառվում է ռեկորդային քանակով` 50 մլն շիշ: Արդեն երկու դար անբասիր հեղինակություն վայելող այս խմիչքն արտադրվում է լեռնային Շոտլանդիայի անզուգական Սփեյսայդ շրջանում` ավելի քան 150 երկրներում հանդիսանալով բարձրակարգ շոտլանդական վիսկիի հոմանիշ: Իսկ ամեն ինչ սկսվեց դեռևս 1801 թ.` Աբերդինում գտնվող նպարեղենի մի փոքրիկ խանութից, որը, շնորհիվ այնտեղ վաճառվող բացառիկ և էկզոտիկ ապրանքատեսականու` բարձր ճաշակի հոմանիշ էր դարձել: Այստեղ վաճառվող վիսկիները հատկապես մեծ համբավ էին վայելում. ազնվականությունն ու բարձր խավի ներկայացուցիչները հաճախ երկար ճանապարհ էին կտրում` դրանք գնելու և վայելելու համար: Սակայն 1830-ական թթ. խանութի սեփականատեր դարձած Ջեյմս և Ջոն Չիվաս եղբայրներն ավելիին էին ձգտում. նրանք երազում էին ստեղծել առավել կատարյալ համային ու բույրային հատկանիշներով վիսկի, և, միախառնելով վիսկիների իրենց բացառիկ և թանկարժեք նմուշները, նրանք, ի վերջո, հասան այն կատարելությանը, որին ձգտում էին: Շոտլանդիայի գեղատեսիլ բնության մեծ երկրպագու Վիկտորիա թագուհին շատ էր սիրում հանգստանալ այս գողտրիկ երկրում, և 1840-ական թթ. Աբերդինի արվարձաններում նրա համար կառուցվեց Բալմորալ ամրոցը: Թագուհուն բարձրակարգ սննդի ու խմիչքի մատակարարման անհրաժեշտություն առաջացավ, և 1843 թ., ըստ արժանվույն գնահատելով Չիվաս եղբայրների անկրկնելի վիսկիների որակը, թագուհին նրանց իր բազմաթիվ արքայական կարգադրագրերից առաջինով արքունական պաշտոնական մատակարարի կարգավիճակ շնորհեց: Չիվաս եղբայրների սահմանած բարձր որակի չափանիշները խստորեն պահպանվեցին նաև նրանց հետնորդների կողմից: "Chivas Brothers"1 ընկերության կուպաժի լեգենդար վարպետ Չարլզ Հովարդը 1909 թ. ստեղծեց իսկական գլուխգործոց` 25 տարվա հնեցմամբ բոլորովին նոր` "Chivas Regal 25 Year Old" վիսկին, որն ամերիկյան սպառողին ներկայացնելու պատմական որոշում կայացվեց: Աշխարհում առաջին ուլտրա-պրեմիում կարգի այս վիսկին, կտրելով Ատլանտյան օվկիանոսը, հայտնվեց Ամերիկայում` Նյու Յորքի հասարակության բարձր խավերում հասնելով աննախադեպ հաջողության և մի քանի ամսում դառնալով ականավոր ամերիկացիների կողմից ամենասիրված ու ամենապահանջված խմիչքը: Սակայն Առաջին համաշխարհային պատերազմը և Ամերիկայում կիրարկված "չոր օրենք"-ը, ի վերջո, ունեցան իրենց անխուսափելի ազդեցությունը: Եվ թեև "Chivas Regal 25 Year Old"-ի արտադրությունը ժամանակավորապես կասեցվեց` դարձնելով այն անձնական հավաքածուներում բացառիկ նմուշ, "Chivas Regal" ապրանքանիշը չանհետացավ համաշխարհային ասպարեզից: 1950-ական թթ. այն իր երկրպագուներին ներկայացավ "Chivas Regal 12 Year Old”, իսկ 1997 թ.` "Chivas Regal 18 Year Old" վիսկիներով: Սակայն ամենանշանակալից իրադարձությունը, անշուշտ, "Chivas Regal 25 Year Old"-ի երկար սպասված վերադարձն էր: Իր համանուն նախորդի ստեղծումից մոտ 100 տարի անց` 2007 թ., "Chivas Brothers"-ի կուպաժի ներկայիս վարպետի` Քոլին Սքոթի շնորհիվ ստեղծված "Chivas Regal 25 Year Old"-ը մեծ հանդիսավորությամբ կրկին ներկայացվեց հանրությանը` գերազանցելով նույնիսկ իր լեգենդար նախորդի հաջողությունը: Անփոփոխ ոճ, համ և որակ, աշխարհին լավագույն վիսկին մատուցելու անզիջում նվիրվածություն և վարպետություն. Չիվաս եղբայրների ժամանակներից ի վեր սերնդե սերունդ փոխանցվող այս արժեքներն են ընկած "Chivas Regal" վիսկիների հաջողության հիմքում:
