Վոն Մում ընտանիքը, ում հետնորդների մեջ բարոններ և ասպետներ են եղել, իր արմատներով հասնում է 12-րդ դար: 1761 թ. Փիթեր Արնոլդ Մումը գինու արտադրություն և դիստրիբուցիայի բիզնես հիմնեց Կոլոնյում: Ֆրանսիայի և Գերմանիայի միջև բարի դրացիական հարաբերությունների շնորհիվ 19-րդ դարի սկզբում, Մումի 3 որդիները, Յակոբուսը, Գոտլիեբը և Ֆիլիպը շամպայնի տուն հիմնեցին Ռեյմսում, քաղաք, որտեղ կատարվում էին Ֆրանսիայի թագավորների թագադրման արարողությունները. եղբայրները քաջ գիտակցում էին Եվրոպայի արքայական ընտանիքների կողմից այդքան գնահատված այս գինու վաճառքի ներուժը: 1827 թ. շամպայնի այս տունն արդեն պաշտոնապես հիմնադրվեց Ռեյմսում: Վստահ լինելու համար, որ իրենց արտադրած շամպայններն ամենաբարձր որակն ունեն, "G.H. Mumm" տունն արագ որոշում կայացրեց այն ժամանակ դեռևս անսովոր մատակարարման ռազմավարություն գործածել. նրանք խաղողահյութի կամ մաճառի գնելու փոխարեն գնում էին խաղողը` այն լավագույն շրջաններում աճեցնողներից: Սա "G.H. Mumm"-ին հնարավորություն տվեց վերահսկել խաղողի որակը` այն համաձայնեցնելով տան “միայն լավագույնը” կամ “բացառապես լավագույն շրջաններից” քաղաքականությանը: Խաղողն աճեցնողների հետ այս ուղիղ կապի մեկ այլ առավելությունն այն էր, որ սա հնարավորություն էր տալիս տանը` վերահսկելու շամպայնի արտադրության կարևորագույն փուլը` խաղողի մամլումը: 1852 թ. Ջորջ Հերման դե Մումը` Տան հիմնադիրներից մեկի որդին, ստանձնեց Տան ղեկավարությունը` այն վերանվանելով "G.H. Mumm & Co": Առաջին քայլը, որ նա ձեռնարկեց, նոր նկուղների և նոր հարմարությունների կառուցումն էր, ինչպես նաև գործարանի վերազինումը սարքավորումներով, որոնք լավագույնս համապատասխանում էին այն ժամանակվա պահանջներին: Հասարակական ազատության լայնախոհ ջատագով լինելով` նա ստեղծեց պարգևատրումների մի համակարգ, ինչպես նաև որոշեց դժբախտ պատահարների և վնասվածքների դեպքում իր աշխատողներին վճարվող չափաբաժին` օժանդակելու համար այն աշխատակիցներին, որոնք արտադրությունում աշխատել են 5 տարուց ավել` նեցուկ լինելով նրանց համաձայն նրանց տարիքի և վնասվածքի աստիճանի: 1875 թ. "Mumm" շամպայնին շնորհվեց Պատվո լեգիոնի կարմիր ժապավեն, որի շնորհիվ շամպայնը վերանվանվեց “Condon Rouge” (the Red Ribbon): 1876 թ. նոյեմբերի 16-ին Ջորջ Հերման Մումը պաշտոնապես և օրինապես գրանցեց “Condon Rouge” անունը Ռեյմսի համապատասխան մարմինների գրանցամատյանում. մի անուն, որ այժմ գերազանց որակի հոմանիշ է հանդիսանում: 2000 թվականից ի վեր "Mumm"-ը "Formula-1"-ի պաշտոնական հովանավորն է հանդիսանում: Տարեկան վաճառելով մոտավորապես 8 մլն շիշ`”G.H Mumm”-ն աշխարհի շամպայնի արտադրությամբ զբաղվող ամենախոշոր ընկերությունն է. վերջինիս վաճառքի 60%-ն արտահանվում է այլ երկրներ: “G.H. Mumm” շամպայնը վաճառվում է աշխարհի ավելի քան 100 երկրներում և համարվում է առաջատար ապրանքանիշ Եվրոպայում, հատկապես Ֆրանսիայում և Իտալիայում:
