...Ցույց տալ ավելին Ցույց տալ ավելի քիչ
Ֆիլտրեր
Տեսակավորել ըստ
Երկիր (ռոմ)
Ծավալ (ռոմ)
Ալկոհոլ (ռոմ)
Գին

HAVANA CLUB

HAVANA CLUB

HAVANA CLUB

Կուբան հայտնի է դարձել որպես "ռոմի կղզի" շնորհիվ աշխարհով մեկ մեծ համբավ ունեցող կուբայական շաքարեղեգի (որը 1493թ. կղզի է ներմուծել հենց ինքը` Քրիստոֆոր Կոլումբոսը), անչափ բարենպաստ կուբայական կլիմայի, պարարտ հողի և " Մաեստրո Ռոնյերոների" (ռոմագործ վարպետներ): Նավաստիները, ծովահենները և տեղաբնակները դեռ դարեր առաջ այս բացառիկ շաքարեղեգից պատրաստում էին խմորված ներկտար և "տաֆիա" (ռոմի վաղ տարբերակը): Պատրաստվող խմիչքների որակը էապես բարելավվեց 1800-ական թթ. թորման պղնձե սարքերի կիրառման և հնեցման առաջին փորձերի շնորհիվ: Սրա պատիվը պատկանում է Պեդրո Դիագոյին, որը հայտնի է որպես կուբայական ռոմի ստեղծող: Նրա մոտ ծագեց "ագուարդյենտես"-ները (երիտասարդ սպիրտները) գետնի տակ թաղված կաթսաներում պահելու միտքը: 19-րդ դարի երկրորդ կեսին սկիզբ առավ համեմատաբար ավելի թեթև և զտված ռոմի արտադրությունը, որն հայտնի է որպես "ռոմ սուպերիոր": Այն ստեղծվել է Իսպանիայի գահակալների հրամանով, ովքեր ցանկանում էին վայելել ավելի նրբահամ ռոմ. ռոմ, որը կբավարարեր արքունիքի և կայսրության վերնախավի ճաշակը: Ռոմ սուպերիորը այսօրվա կուբայական ռոմի նախահայրն է` թեթև, փափուկ, նրբահամ, թարմ և բացառիկ ինչպես անխառն, այնպես էլ կոկտեյլներում օգտագործելու համար: "Havana Club"-ի պատմությունը սկսվել է 1878թ., երբ նրա հիմնադիր Հոսե Արեչաբալան Կուբայի ափին` Կարդենասում բացեց Լա Վիսկայա խմիչքների գործարանը: Այնտեղ արտադրվող ռոմի անվանումն ընտրվեց նշանավորելու համար ռոմի պատրաստման կուբայական ավանդույթը և դրա մայրաքաղաք Հավանայի յուրահատուկ մթնոլորտը: Այսօր "Havana Club"-ը` Կուբայում և ողջ աշխարհում առաջատար կուբայական ռոմը, շարունակում է մարմնավորել ռոմի պատրաստման կուբայական ավանդույթները: Կուբայի բերրի հողի վրա բացառիկ կլիմայական պայմաններում աճեցվող շաքարեղեգը հավելվում է Մաեստրո Ռոնյերորների վարպետությամբ և կրքով. ահա այսպես է ստեղծվում "Havana Club"-ը: Մաեստրո Ռոնյերոների բացառիկ գիտելիքների և փորձի շնորհիվ "Havana Club"-ը պահպանել է պրեմիալ ռոմերի թորման, հնեցման և կուպաժավորման (փնջավորման) արվեստը, թե սպիտակ, և թե մուգ հնեցված ռոմերի մասով: "Havana Club"-ը սերտաճել է կուբայական մշակույթում, և կուբացիները հպարտորեն այն համարում են հիրավի ազգային խորհրդանիշ: Նրանք այն դիտում են որպես աշխարհում Կուբայի լավագույն դեսպաններից մեկը: