Թեթև սառնություն, հատուկ մթնոլորտ ու ջերմ ընտանեկան երեկոներ։ Ահա այսպես կարող ենք նկարագրել աշնանային կատարյալ երեկոները։
Շատերն աշնան սկսվելու հետ մեկտեղ պատրաստում են իրենց ամենասիրելի թեյը, իսկ ոմանք բաց չեն թողնում այս եղանակը՝ վայելելու մեկ գավաթ գինի, բայց ոչ թե հասարակ գինի, այլ՝ Կաբերնե գինի։ Ինչո՞ւ է Կաբերնե գինին այսքան սիրված և ինչո՞ւ են այն ըմպում հենց աշնանը։
Կաբերնե գինի, աշնան լավագույն ընտրությունը
Կաբերնեն աշխարհում ամենահայտնի կարմիր գինիներից մեկն է, որին բնորոշ է մուգ կարմիր երանգը, արտահայտված բույրն ու երկար պահպանվող համային երանգները։ Կաբերնեն հատկապես գնահատվում է իր բազմաշերտությամբ․ մեկ բաժակում կարելի է զգալ մուգ հատապտուղների, բալի, երբեմն նաև համեմունքների նուրբ երանգներ։
Գինին ունի հավասարակշռված թթվայնություն և հարուստ տանիններ, որոնց շնորհիվ էլ այն վերածվում է աշնանային կատարյալ ընտրության։
Մի փոքր Կաբերնեի մասին
Կաբերնե սովինյոն խաղողի տեսակը ծագել է Ֆրանսիայի Բորդո շրջանից։ 17-րդ դարում այն առաջացել է Կաբերնե ֆրանի և սովինյոն բլանի խաչասերման արդյունքում։ Այս հետաքրքիր համադրությունն էլ ստեղծել է այն խաղողը, որը հետագայում դարձավ աշխարհում ամենաշատ մշակվող կարմիր սորտերից մեկը։
Այսօր Կաբերնեն աճեցվում է գրեթե բոլոր գինեգործական տարածաշրջաններում՝ Եվրոպայից մինչև Ամերիկա և Ավստրալիա։ Այն համարվում է «միջազգային» խաղող, քանի որ հարմարվում է տարբեր կլիմայական պայմաններին և տալիս է որակյալ գինի։ Հենց այս խաղողից էլ արտադրվում է Կաբերնե գինին։
Ինչպես համադրել Կաբերնե գինին
Գինու և ուտեստի համադրություն ստեղծելիս հաճախ ենք կանգնում բարդ ընտրության առջև։ Սա պայմանավորված է այս երկու բաղադրիչների ամենաբազմազան համային նոտաների, երանգների ու համտեսողի սեփական նախասիրությունների հետ։ Իսկ երբ խոսքը վերաբերում է Կաբերնե գինուն, ապա հատկապես կարևոր է հաշվի առնել համադրությունների բաղադրիչները։ Այսպիսով, ինչպե՞ս համադրել այս առեղծվածային գինին։
Կաբերնե և կարմիր միս
Կաբերնե գինին ունի ուժեղ բնավորություն և, մինչդեռ շատերը նախընտրում են համադրել այն աղանդերի կամ այլ ավելի թեթև սնունդի հետ, ոմանք այն համադրում են տավարի, խոզի և գառան մսի հետ։ Գաղտնիքն այն է, որ երկու բաղադրիչներն էլ ունեն համային ուժգին նոտաներ, որոնք կատարելապես լրացնում են միմյանց։
Պանիր
Հատկապես նախընտրելի տարբերակներ են կոշտ և հնացած պանիրները, այդ թվում՝ պարմեզանը, գաուդան և չեդարը։ Պանիրները կարողանում են բացահայտել հատկապես գինիների համային նոտաները և ըմպելու կամ համտեսելու ամբողջ ընթացքը վերածում են իրական փորձառության։ Այս համադրությանը կարող եք ավելացնել նաև թարմ հաց։
Շոկոլադ և մուգ հատապտուղներ
Քաղցր կամ թեթևակի դառը համային նոտաների միջոցով կարելի է ստեղծել լիովին այլ ու նոր փորձառություն։ Եթե գինին նախընտրում եք համադրել աղանդերի հետ, ապա այս տարբերակը հենց Ձեզ համար է։
Այլ հետաքրքիր համադրություններ
Կաբերնեն նաև համադրելի է սնկով, պղպեղներով կամ սմբուկով պատրաստված ուտեստների հետ։ Այս դեպքում խմիչքն ուտեստին տալիս է թեթև թթվայնություն։
Այն նաև համադրելի է թռչնամսի հետ։ Չնայած Կաբերնեն ավանդաբար մատուցվում է կարմիր մսի հետ, այն նաև հետաքրքիր է հավի կամ հնդկահավի համեղ բաղադրատոմսերի հետ համադրելիս, հատկապես եթե դրանք պատրաստված են լցոնով կամ հատուկ սոուսներով։
Այսպիսով, Կաբերնե գինու համադրություն կարելի է գտնել թե՛ տոնական սեղանի, թե՛ առօրյա ընթրիքի համար։ Ամենակարևորը՝ փորձել և բացահայտել այն համերը, որոնք ամենաշատն են համապատասխանում ձեր ճաշակին։
Ինչպես մատուցել Կաբերնե գինին
Գինին լիովին բացահայտելու և վայելելու համար, կարևոր է այն մատուցել ճիշտ ջերմաստիճանում։ Կաբերնեն սովորաբար մատուցվում է 16-18°C-ում։ Եթե գինին չափից շատ սառը լինի, նրա համերը չեն բացահայտվի, իսկ եթե չափազանց տաք լինի՝ կզգացվի միայն ալկոհոլի ուժեղությունը։
Բաժակը նույնպես կարևոր է․ կարմիր գինու լայն բաժակները թույլ են տալիս, որ գինին շփվի օդի հետ և ամբողջությամբ բացի թաքնված նոտաները։
Կաբերնե գինին առանձնահատուկ է ոչ միայն իր խորը գույնով ու հարուստ բույրերով, այլև այն պատմությամբ, որ կրում է յուրաքանչյուր բաժակում։ Որպես համաշխարհային գինեգործության իրական խորհրդանիշ, այս գինին միավորում է գինու հարուստ համային նոտաները և նրբագեղ համը՝ բնորոշ միայն իրական գինուն։
Հատկապես աշնանային երեկոներին Կաբերնեն լավագույն ուղեկիցն է, քանի որ համադրվում է ինչպես ընտանեկան ընթրիքի, այնպես էլ տոնական սեղանի հետ։ Կաբերնեի յուրահատկությունն այն է, որ այն երբեք չի կորցնում իր արժեքը և միշտ մնում է ժամանակակից՝ անկախ սերունդներից ու նախասիրություններից։
Իսկ Կաբերնեի Ձեր շիշը կարող եք ձեռք բերել Վինո Վինո ալկոհոլի մասնագիտացված խանութների ցանցից։
