Լիկյորով կոկտեյլների համեղ բաղադրատոմսեր, որոնք կարող եք փորձել նաև տանը

Լիկյորն օժտված է հարուստ համային նոտաներով, ինչի շնորհիվ արդեն տարիներ շարունակ ներառվում է բազում ալկոհոլային կոկտեյլների բաղադրատոմսերում։ Սկսած դասական կոկտեյլներից մինչև ստեղծարար մտքի արտացոլանք, գոյություն ունեն բազում համադրություններ, որոնք կուսումնասիրենք ստորև։

Լիկյորով կոկտեյլներ, որոնք կարող եք պատրաստել նույնիսկ տանը

Լիկյորն ունակ է կոկտեյլին ավելացնել նրբագեղություն և համային որոշակի բարդություն։ Այս խմիչքն ունի բազում տարբերակներ, որոնցից յուրաքանչյուրն առանձնանում է որոշակի յուրահատկությամբ։
 

Սուրճի լիկյոր
 

Լիկյոր KAHLUA, կարող ենք բնութագրել սուրճի և վանիլինի դյութիչ բուրմունքով, որոնք հավելում են ալկոհոլին։ Համտեսելիս զգալի է սուրճի հարուստ համ և ռոմի թեթև նոտաներ։ Ահա կոկտեյլների մի քանի բաղադրատոմսեր, որոնք կարող եք փորձել՝ խմիչքն ավելի արտահայտիչ դարձնելու համար։
 

Widow Maker
 

Կոկտեյլը ստանալու համար անհրաժեշտ է սուրճի լիկյորին ավելացնել օղի և գրենադին (անհրաժեշտ է ավելացնել երկու կաթիլ)։ Արդյունքում ստացվում է հետաքրքիր և պարզ բաղադրությամբ մարտինի հիշեցնող խմիչք։
 

Talking Monkey
 

Եկեք պատկերացնենք շոկոլադի և բանանի համադրությունը՝ իր ամբողջ քաղցրահամությամբ և մրգային թարմությամբ, որը կարող եք համտեսել անուշաբույր սուրճի հետ։ Իսկ հիմա եկեք պատկերացնենք այս համադրությունը՝ ալկոհոլային կոկտեյլի տեսքով։

Նման համադրություն ստանալու համար հարկավոր են․

• 28․35 գ (մոտ․ 1 ունցիա) շոկոլադե օղի

• 0.625 մլ էսպրեսո օղի

• 28․35 գ (մոտ․ 1 ունցիա) բանանի լիկյոր

• 0.625 մլ սուրճի լիկյոր

• 28․35 գ (մոտ․ 1 ունցիա) սերուցք

Կոկտեյլը պատրաստելու համար անհրաժեշտ է շեյքերի մեջ ավելացնել օղիները, լիկյորների երկու տեսակները և սերուցքը, այնուհետև պահել 5 վայրկյան, ավելացնել սառույց և թափահարել։ Խմիչքը կարող եք մատուցել։
 

Liqueur creme
 

Կամ կրեմային լիկյոր, որն աղանդերային ալկոհոլային խմիչք է։ Գոյություն ունեն կրեմային լիկյորի բազում տեսակներ, որոնք մյուս լիկյորների տեսակներից առանձնանում են ավելի հարուստ համով։

Կրեմի առկայությունը մատնանշում է թավշյա զգացողությունը՝ դարձնելով այն կոկտեյլների անբաժանելի մասնիկներից մեկը։ Հարկ է նշել, որ լիկյորի այս տեսակները պարունակում են ալկոհոլի ավելի ցածր մակարդակ՝ 15 - 20% և կարելի է ըմպել նաև սառույցով։
 

Mudslide
 

Աղանդերային խմիչքի տեսակ, որը շատ հաճախ մատուցվում է հենց ընթրիքից հետո։ Ըմպելիս նկատելի են քաղցրության նոտաներ։ Պատրաստելու համար անհրաժեշտ են․

• 1 մլ օղի

• 1 մլ սուրճի լիկյոր (ցանկալի է KAHLUA տեսակը)

• 1 մլ կրեմային լիկյոր (ցանկալի է ընտրել որոշակի համ պարունակող տեսակ, օրինակ՝ մրգային նոտաներ պարունակող MAISON TRENEL Crème de Framboise de Bourgogne-ը)

• 1 ½ սերուցք

Պատրաստելու համար անհրաժեշտ է ավելացնել բոլոր բաղադրիչները շեյքերի մեջ, ավելացնել սառույց և թափահարել։ Մատուցել կարող եք նախապես սառեցված բաժակով՝ զարդարելով այն շոկոլադով։
 

Chocolate Covered Fruit Martini. Շոկոլադե լիկյորի բաղադրատոմս
 

Կոկտեյլի այս տեսակը պատրաստվում է երկու խմիչքներից՝ օղիից և լիկյորից։ Բաղադրատոմսը պարունակում է․

• 28․35 գ (մոտ․ 1 ունցիա) շոկոլադե լիկյոր

• 28․35 գ (մոտ․ 1 ունցիա) օղի

• 28․35 գ (մոտ․ 1 ունցիա) մրգային լիկյոր

• 28․35 գ (մոտ․ 1 ունցիա) կրեմային լիկյոր

• Թարմ մրգեր՝ խմիչքը զարդարելու համար

Լիկյոր MALIBU

Եկեք պատկերացնենք արևադարձային մրգերի համադրությունը՝ մեկ շշի մեջ։ Ահա թե ինչպես է նկարագրվում MALIBU լիկյորը, որը համտեսելիս կարելի է նկատել կոկոսի, անանասի, մանգոյի և հասուն բանանի նուրբ համադրությունը։

Նման համային նոտաների շնորհիվ, լիկյորի այս տեսակը ներառվում է բազում ալկոհոլային կոկտեյլների բաղադրություններում։ Ահա մի քանիսը․
 

Malibu Sunset
 

Արևադարձային ալկոհոլային կոկտեյլ, որը պարունակում է․

• Malibu լիկյոր

• Անանասի հյութ

• Նարնջի հյութ

• Գրենադին

Պատրաստելու համար անհրաժեշտ է սառույցով լի շեյքերի մեջ ավելացնել լիկյորն ու հյութերը և թափահարել։ Ստացված խառնուրդը լցնել բաժակի մեջ, այնուհետև ավելացնել գրենադին՝ հենց հյութի մեջտեղի հատվածից։ Գործողությունն անհրաժեշտ է կատարել դանդաղորեն, որպեսզի գրենադինը հայտնվի բաժակի ստորին հատվածում։

Վերջնական արդյունք ստանալու համար անհրաժեշտ է կոկտեյլը մի փոքր խառնել, ինչի շնորհիվ այն կստանա գունային հետաքրքիր խառնուրդ։
 

Malibu and Pineapple
 

Կոկոսի լիկյոր և թարմ անանասի հյութ, հիանալի համադրություն՝ յուրաքանչյուր առիթի համար։

Պատրաստելու համար անհրաժեշտ է խառնել Malibu լիկյորը անանասի հյութի հետ, թողնել մի փոքր, այնուհետև ավելացնել սառույց և մատուցել։
 

Ամփոփում․ Լիկյոր և ալկոհոլային կոկտեյլ

Ալկոհոլային կոկտեյլի ամբողջ էությունը մտքի ստեղծարարությունն է, երբ հնարավոր է ստանալ յուրահատուկ խմիչք՝ խառնելով թարմ մրգերն ու բազմազան ալկոհոլային խմիչքները, ներառյալ ամենալավ լիկյորները։ Բացառություն չէ լիկյորն իր բոլոր տեսակներով։ Այսպիսով, լիկյորային կոկտեյլների  այս բաղադրատոմսերը կարող եք օգտագործել յուրաքանչյուր հավաքույթի ընթացքում՝ շրջապատված ընկերների կամ ընտանիքի հետ։