Զատկային Նախաճաշ և Ընթրիք: Լավագույն Գինիները Յուրաքանչյուր Ուտեստի Համար

Հայաստանում ամենասիրված և ամենաընտանեկան տոներից մեկը, Զատիկը, բերում է ջերմություն, ավելի շատ ժամանակ մտերիմների ու ընտանիքի հետ և շա՜տ համեղ ուտեստներ։ Այս հատուկ օրվա ամբողջ ճաշացանկը տարբերվում է առօրյա ճաշացանկերից։ Այս ամենին մեկտեղ, Զատիկը նաև լավագույն  գինի ընտրելու և յուրաքանչյուր ուտեստն է՛լ ավելի գունեղ դարձնելու մասին է։

Այսպիսով, ինչպե՞ս ընտրել Զատկի գինի։

Զատկի նախաճաշ և լավագույն գինիներ

 Զատկի գինի ընտրելու դեպքում հարկավոր է հաշվի առնել համադրելիք ուտեստները, այս դեպքում՝ Զատկային նախաճաշը, որը սովորաբար պարունակում է ձու, թարմ աղցաններ, պանիրներ ու մրգեր։ Ձվի հետ համադրելու համար, կարող եք ընտրել Պինո Գրիջո կամ Սավինյոն Բլան․ թարմ, թեթև սպիտակ գինիներ, որոնք համեղ են հատկապես նման ուտեստների հետ համադրելիս։

Թեթև ու թարմ, երբեմն՝ մի փոքր թթվաշ սոուսով աղցանների համար, կարող եք ընտրել Ռոզե, Պինո Բլան կամ Մուսկատ գինիներից որևէ մեկը։ Գինիների այս տեսակներն առանձնանում են գարնանային ու նրբագեղ, երբեմն նաև մրգային նոտաներով։

Կարմիր գինիներ և Զատկային բրանչ

Կարմիր գինիները կարող են շատ տարբեր լինել՝ կախված խաղողի տեսակից, արտադրության ձևից ու նույնիսկ գինու տարիքից։ Որոշ տեսակներ թեթև են ու մրգային, մյուսները՝ խորը, համով լի և թունդ։

Եթե նախընտրում եք թեթև խմիչքներ, որոնք կարող եք պարզապես համադրել տոնական բրանչի հետ, ապա կարող եք ընտրել Պինո Նուարը։ Այն ունի նուրբ նոտաներ, որոնք նաև ներառում են մրգեր ու մի փոքր թթվայնություն։ Գինու այս տեսակը կարող եք համադրել աղցանների ու ձվի հետ և զգալ խմիչքի ներդաշնակությունը։ Ի դեպ, Վինո Վինո ալկոհոլի խանութում կարող եք գտնել Պինո Նուարի տարբեր տեսակներ։

Եթե նախընտրում եք ավելի հագեցած ու թունդ նոտաներ, ապա կարող եք ընտրել Կաբերնե Սավինյոն, Շիրազ կամ Մալբեկ։ Այս գինիները պարունակում են մուգ պտուղների նոտաներ, օրինակ՝ սև հաղարջ, սալոր։ Համտեսելիս նաև կարելի է նկատել դառը շոկոլադի ու որոշակի համեմունքների նոտաներ։ Այսպիսով,  հիանալի ընտրություն է Զատկի գինիների համադրություն ստեղծելիս։

Կարևոր խորհուրդներ, գինին ճիշտ համադրելու համար

Դիետաներ և հատուկ սննդակարգ

Եթե սնվում եք միայն բուսական սննդակարգով, ապա Զատկին նույնպես կարող եք պահպանել ձեր նախընտրությունները։ Ընտրեք գինիներ, որոնք լավ են համադրվում բուսական աղցանների հետ, օրինակ՝ ջեռոցային բանջարեղենի հետ կարող եք համադրել Պինո Նուարը, Տեմպրանիլյոն կամ նույնիսկ փրփրուն գինին։

Գլուտենազերծ ճաշատեսակների հետ կարող եք համադրել Սավինյոն Բլանը, Շարդոնե կամ թեթև կարմիր գինիներ, օրինակ՝ Պինո Նուարը:

Տարածաշրջանային գինիներ և Զատկային ուտեստներ

Գինիներ ընտրելիս կարող եք հաշվի առնել նաև տարածաշրջանը։ Օրինակ՝ Ֆրանսիական գինիներից կարող եք ընտրել ROSSO NOBILE, PARIS SEDUCTION Sauvignon Blanc և այլ տեսակները։

Իտալական գինիներից կարող եք ընտրել Կիանտին, Բրունելլո դի Մոնտալչինոն կամ Պրոսեկոն։ Այս գինիներն ընդգծում են ցանկացած ուտեստի համը։

Իսկ հայկական գինիներից, կարող եք ընտրել Փափազյան, Շորոր կամ այլ տարբերակներ։

Գինու համադրման հիմնական սխալները

Գինու ընտրության, համադրության ու համտեսելու ընթացքում երբեմն կարող ենք  կատարել որոշակի սխալներ, որոնք ամբողջովին փոխում են համային նոտաները։ Ահա դրանցից մի քանիսը․

Գինու չափազանց տաք կամ սառը մատուցումը

Սխալ ջերմաստիճանի դեպքում գինին փոխում է համային նոտաները։ Նման դեպքերից խուսափելու համար՝

• Սպիտակ գինին պետք է մատուցվի թեթև սառեցված (մոտ 8-12°C),

• Կարմիր գինին՝ սենյակային ջերմաստիճանին մոտ (մոտ 15-18°C),

• Շամպայնը կամ փրփրուն գինին՝ լավ սառեցված (6-8°C)։

Այսպիսով, սառեցրած կարմիր գինին կորցնում է իր բնորոշ համերն ու կառուցվածքը, մինչդեռ շատ տաք սպիտակ գինին կորցնում է իր թարմությունն ու թթվայնությունը։

Նուրբ ուտեստները ծանր կարմիր գինիներով "ծածկելը"

Եթե ուտեստն ունի նուրբ և թեթև համային երանգներ, ապա խուսափեք ծանր գինիներ ընտրելուց, քանի որ գինին կգերակայի ուտեստի համին և արդյունքում կզգաք միայն գինու համը։

Գինու և աղանդերի քաղցրության անհամապատասխանություն

Քաղցր աղանդերը, ինչպես տորթերը կամ շոկոլադը, պահանջում են նմանապես քաղցր կամ նույնիսկ ավելի քաղցր գինի՝ Մուսկատ, Պորտ կամ կիսաքաղցր Ռիսլինգ։

Ուտեստի և խմիչքի միջև հարկավոր է մշտապես ընտրել համապատասխան և ոչ գերակայող համային նոտաներ։ Իսկ նախընտրելի գինին ձեռք բերեք Վինո Վինո ալկոհոլի խանութ-սրահից։