Ինչպե՞ս համադրել ձիթապտուղները գինիների, ոգելից խմիչքների և կոկտեյլների հետ

Խոհարարությունում ձիթապտուղն ունի ամենաբազմազան կիրառությունները և համադրվելով տարբեր ուտեստների ու խմիչքների հետ, ունակ է ստեղծել եզակի ու թարմացնող համային նոտա, որը հեշտությամբ կդառնա համերի ձեր ամենասիրելի խառնուրդը։ Այս հոդվածով կանդրադառնանք ձիթապտուղ ու խմիչքներ համադրելուն և կառանձնացնենք ալկոհոլային ամենահամեղ կոկտեյլները, որոնց բաղադրությունում անփոխարինելի է ձիթապտուղը։

Ձիթապտուղներ և գինիներ

Այո, ձիթապտուղը նաև համադրվում է գինիների հետ։ Այս խմիչքի սիրահարները ձիթապտուղը կարող են համադրել կարմիր ու սպիտակ գինիների հետ, ինչի արդյունքում կստանան հարմոնիկ խմիչք՝ հաճելի համային նոտաներով։

Եթե նախընտրում եք սպիտակ գինի, ապա կարող եք ընտրել հայկական արտադրության PAPAZIAN VINEYARDS Noush չոր սպիտակ գինին։ Այն ունի որոշակի թթվայնություն ու մրգային թարմացնող նոտաներ և գերազանցորեն կարող է համադրվել նաև ձիթապտղի հետ։

Եթե նախընտրում եք կարմիր գինի, ապա կարող եք ընտրել իսպանական արտադրության BODEGAS RODA Sela Rioja չոր կարմիր գինին, որն ունի փայտե տակառների, չրերի ու որոշակի համեմունքների համադրության հարուստ նոտաներ։ Գինու այս տեսակները կարող եք ձեռք բերել Վինո Վինո ալկոհոլի մասնագիտացված խանութ-սրահից։

Գինու հետ համադրելի են ինչպես սև, այնպես էլ կանաչ ձիթապտուղները։ Այնպես որ, համադրել կարող եք ըստ ձեր նախընտրության։

Ձիթապտուղը և Մարտինին

Չափազանց հայտնի ու համեղ համադրություն, որ կարող է պատրաստվել նույնիսկ ոչ փորձառու անձի կողմից։ Սակայն, եկեք անդրադառնանք մի քանի մանրուքների, որոնք այդքան էլ մանրուք չեն, երբ խոսքը վերաբերում է կատարյալ ալկոհոլային համադրություններ ստեղծելուն։

Մարտինիի և ձիթապտղի համադրությունում մեծ դեր ունի ձիթապտղի ընտրությունը, քանի որ այն անմիջապես ազդում է համադրության համի վրա։ Ընտրություն կատարելիս կարող եք ընտրել սիցիլիական ձիթապտուղներ, որոնք նաև սիրված են բազում բարմենների կողմից և լավ համադրվում են ինչպես ջինի, այնպես էլ օղու մարտինիների հետ։ Հայտնի ընտրություն է նաև իսպանական Մանսանիլյա կանաչ ձիթապտուղը, որը Մարտինիին տալիս է քաղցր ու կծու համային նոտաներ։

Այսպիսով, մեծ ուշադրություն դարձրեք ձիթապտղին, քանի որ հենց ձիթապտղից է կախված համադրության գերազանց արդյունքը։

Ձիթապտուղ և Մարտինի ալկոհոլային կոկտեյլներ

Նախքան ձիթապտուղները կոկտեյլների բաղադրություններում ուսումնասիրելը, եկեք հասկանանք, թե ինչպես դրանք նախապատրաստել կոկտեյլների համար։ Անկախ տեսակից, ձիթապտուղն անհրաժեշտ է լվանալ թարմ ջրով ու չորացնել անձեռոցիկով կամ նուրբ սրբիչով։ Ավելի բազմաշերտ համային նոտաներ ստանալու համար կարող եք փորձարկել լցոնած ձիթապտուղները և մարինացնել դրանք վերմուտի մեջ։

Իսկ հիմա, եկեք անդրադառնանք Մարտինիի տեսակներին՝ տարբեր կոկտեյլների բաղադրություններում, որտեղ ձիթապտուղն անփոխարինելի բաղադրիչ է և ուսումնասիրենք մի քանի ձիթապտուղներ մարտինիի համար։

Դասական Մարտինի

Բոլոր ժամանակների ամենասիրված ալկոհոլային համադրությունը, դասական Մարտինի՝ պատրաստված ջինից կամ օղիի ու չոր վերմուտի համադրությունից։ Սովորաբար նախընտրելի են Կաստելվետրանո կամ Մանսանիլյա ձիթապտուղների տեսակները, քանի որ ունեն փափուկ ու ընկուզային համ։ Կարող եք համադրել նաև այս ձիթապտուղների լցոնած տարբերակները, օրինակ՝ սխտորով կամ պանիրներով։

Կեղտոտ Մարտինի (Dirty Martini)

Կծու, դասական մարտինիի յուրօրինակ տարբերակը՝ Dirty Martini-ն, իր բաղադրության մեջ ներառում է ձիթապտղի աղաջուր, որը խմիչքին հաղորդում է աղի և թեթևակի թթվաշ համ։ Աղի ձիթապտուղները, ինչպիսիք են Dirty Sue կամ այլ բարձրակարգ բրենդերի ձիթապտուղները, հաճախ օգտագործվում են որպես զարդարանք՝ ընդգծելու խմիչքի յուրահատուկ համային նրբությունները։

Բլադի Մերի

Այս խորհրդանշական նախաճաշային կոկտեյլը համադրում է օղին լոլիկի հյութի, համեմունքների և հավելումների հետ։ Կոկտեյլը զարդարվում է կանաչ ձիթապտուղներով, որոնք երբեմն կոկտեյլների հետ համադրելու ամենալավ ընտրությունն են և ավելացնում են նրբահամ հավասարակշռություն խմիչքի կծու և թեթևակի թթվաշ հիմքին։ Զարդարանքի մեջ հաճախ ավելացվում են նաև նեխուր, թթու վարունգ կամ նույնիսկ բեկոն՝ ապահովելու համար համային բազմազանություն։

Ձիթապտուղների դերը՝ ալկոհոլային խմիչքների հետ համադրություններում

Չնայած, որ ձիթապտուղները հայտնի են ալկոհոլային այս կամ այն խմիչքների հետ համադրություններում, դրանք սովորաբար չեն համադրվում ռոմի կամ վիսկիի նման ոգելից խմիչքների հետ։ Սակայն, կարող են օգտագործվել ընդեղենի և այլ նախուտեստների հետ՝ խմիչքն ավելի հետաքրքիր դարձնելու համար։

Ընդհանուր առմամբ, ձիթապտուղները գինիների, ոգելից խմիչքների և կոկտեյլների հետ համադրելու հիմնական գաղտնիքն այն է, որ նրանց աղի և թթվաշ համերը ներդաշնակորեն լրացնում են խմիչքների ամենատարբեր նոտաները։ Անկախ նրանից՝ խոսքը գնում է երիտասարդ սպիտակ գինու, հագեցած կարմիրի կամ նրբաճաշակ մարտինիի մասին, ճիշտ ընտրված ձիթապտուղը կարող է ամբողջությամբ վերափոխել համային փորձառությունը։