Ինչպե՞ս պատրաստել կատարյալ Գլինտվեյն աշնանային տոնական երեկույթների համար

Գլինտվեյն mulled wine (անգ․) ալկոհոլային կոկտեյլ է՝ պատրաստված կարմիր կամ սպիտակ չոր գինուց։ Տարբեր երկրներում այն ունի տարբեր անվանումներ, հայտնիներից մեկն է՝ վինո կալիենտեն (իսպ․՝ տաք գինի)։ Առաջին անգամ խմիչքն օգտագործվել է Հին Հռոմում, երբ այն խառնում էին համեմունքների հետ՝ առանց տաքացնելու։ Այնուհետև՝ Հյուսիսային ու Կենտրոնական Եվրոպայի երկրներում այն հայտնի դարձավ պատրաստման նոր եղանակով, որը ներառում էր նաև գինու տաքացումը։

Ավանդաբար, Գլինտվեյն օգտագործում են Ավստրիայում, Գերմանիայում, Չեխիայում՝ Սուրբծննդյան տոնավաճառների ու բացօթյա տոնակատարությունների ընթացքում։ Երբեմն նաև՝ Հելոուինի ժամանակ։

Գլինտվեյն բաղադրատոմս․ Գինու ընտրությունը

Հատկապես աշնանային տոների ու ցուրտ երեկոների ընթացքում հավաքույթների ժամանակ տաք ու ալկոհոլային կոկտեյլը կարող է դառնալ անփոխարինելի բաղադրիչ՝ ջերմ միջավայր ստեղծելու համար։ Այսպիսով, առաջին բաղադրիչը գինին է, սակայն ոչ թե որևէ գինի, այլ հենց չոր կարմիր կամ չոր սպիտակ գինին։

Գինու ընտրության հարցում կարող եք ընտրել ինչպես թանկարժեք, այնպես էլ միջին արժեքի չոր կարմիր ու սպիտակ գինիները։ Ահա մի քանի տարբերակներ՝

Սպիտակ չոր գինիներ

• CASA ROJO "Tokyo Gomez-Rojo La Malpagada" - Ալկոհոլի պարունակությունը՝ 13%։ Անուշաբույր ու բարդ բույրով իսպանական սպիտակ չոր գինի։ Կարելի է նկատել դեղձի, հացաբուլկեղենի, բրիոշի ու քաղցր մեղրի նոտաներ։ Կարելի է համադրել ձկների ու այլ ծովամթերքի հետ։
• CASA ROJO "La Marimorena" - Ալկոհոլի պարունակությունը՝ 12.5%։ Եվս մեկ իսպանական սպիտակ գինու տեսակ, որն ունի յուրահատուկ բուրմունք՝ բնորոշ ցիտրուսային մրգերին, խնձորին, սպիտակ ծաղիկներին ու մանգոլիային։ Կարելի է համադրել նախուտեստների, ձկների ու ծովամթերքի այլ տեսակների, բանջարեղենային ուտեստների ու պանիրների հետ։
• CHATEAU MARGAUX "Pavillon" Blanc - Ալկոհոլի մակարդակը՝ 13%։ Ունի կանաչ խնձորի, սպիտակ դեղձի ու դեղին սալորի, հասմիկի ու չոր ծաղիկների բույր։ Կարելի է համադրել տարբեր ուտեստների հետ, այդ թվում նաև՝ ծովամթերքի։

Կարմիր չոր գինիներ

• CASA ROJO "Tokyo Gomez-Rojo Cuvee Minami II" - Ալկոհոլի պարունակությունը՝ 15%։ Ունի համեղ բուրմունք՝ լի հասած կարմիր ու սև մրգերով, որոնք համադրված են բալզամիկի ու կծվի բույրերով։ Համադրել կարելի է տավարի, ճագարի ու խոզի մսերի, ինչպես նաև հնեցրած պանիրների տեսականու հետ։
• CASA ROJO "Cuvee Minami" - Ալկոհոլի պարունակությունը՝ 15.5%։ Իսպանական կարմիր չոր գինին ունի խորքային ու բարդ բույր, որտեղ գերակշռում են հասած ու նույնիսկ շոգեխաշած սև մրգերը՝ խառնված կծու նոտաների հետ։ Համադրել կարելի է տավարի, ճագարի, խոզի մսերի ու հնեցրած պանիրների հետ։
• PAUL HOBBS WINERY "Cristina's Signature" - Ալկոհոլի մակարդակը՝ 15%։ Խմիչքի բույրն ունի մուգ մոշի, կարմիր հաղարջի, թարմ եղեսպակի, ուրցի տերևների ու կակաոյի անուշահամ նոտաներ։ Համադրել կարելի է տավարի, ճագարի, խոզի մսերի ու հնեցրած պանիրների հետ։

Գինիների այս տեսակներից կարելի է պատրաստել գերազանց թարմությամբ Գլինտվեյն և, քանի որ, դրանցից որոշները պարունակում են մրգային նոտաներ, ապա կարող են հիանալի բաղադրիչ դառնալ թուրինջով կամ նարնջով եվ մեղրով գլինտվեյն ստեղծելիս։ Կարող եք նաև ընտրել սպիտակ ու կարմիր չոր գինիների Ձեր սիրելի տարբերակները՝ անկախ վերոնշյալ տարբերակներից։

Գլիտվեյնի ամբողջական բաղադրությունը

Եվ այսպես, ժամանակն է անդրադառնալու գլիտվեյի բաղադրատոմսի այլ բաղադրիչներին։ Բացի կարմիր գինուց, կոկտեյլը նաև ընդգրկում է բրենդի՝ ըստ Ձեր իսկ նախընտրության։ Սակայն կարող եք նաև ընտրել ԱՐԱՐԱՏ Ախթամար կամ Անի տարբերակները։

Թե ինչպիսի համեմունքներ է ներառում գլիտվեյնը, կախված է Ձեր ընտրած բաղադրությունից։ Օրինակ՝ դասական Գլիտվեյնի բաղադրությունը ներառում է՝

• 1 շիշ (750 մլ) կարմիր կամ սպիտակ չոր գինի

• 1/4 բաժակ բրենդի

• 1 հատ նարինջ (բաժանած շերտերի)

• 8 հատիկ մեխակ

• 2 հատ դարչնի ձողիկներ

• 2 հատ աստղակերպ անիսոն

• 2-4 թեյի գդալ շաքարավազ, մեղր կամ թխկու օշարակ (ըստ նախընտրության)

Ինչպես պատրաստել

Պատրաստելու համար անհրաժեշտ է խառնել բոլոր բաղադրիչները․ մեծ կաթսայում լցրեք գինին, բրենդին, նարնջի շերտերը, մեխակի հատիկները, դարչինի ձողիկները, աստղակերպ անիսոնները և քաղցրության համար՝ երկու գդալ շաքարավազը, մեղրը, կամ թխկու օշարակը։

Բաղադրիչները մեկ կաթսայում լցնելուց հետո անհրաժեշտ է եփել խառնուրդը՝ մինչև եռալու մակարդակին հասելը։ Այնուհետև՝ նվազեցնել ջերմաստիճանը և փակել կաթսան։ Թողեք եփվի սկսած 15 րոպեից մինչև 3 ժամ տևողությամբ։

Եփվելուց հետո կարող եք քամել ստացված խմիչքը և մատուցել։ Մատուցելու համար օգտագործեք հերմետիկ բաժակներ, որտեղ՝ ըստ ցանկության, կարող եք նաև ավելացնել թարմ նարնջի շերտեր ու դարչնի ձողեր։

Ամփոփում 

Գլիտվեյնը մշտապես սիրված ալկոհոլային կոկտեյլ է՝ հատկապես ցուրտ օրերին։ Դե, իսկ աշնանային մռայլ եղանակն արդեն մոտ է․ Վինո Վինո ալկոհոլային խմիչքների մասնագիտացված խանութ-սրահի հետ պատրաստվեք դիմավորել աշունը՝ որակյալ ու համեղ խմիչքների տեսականիով ու ալկոհոլային կոկտոյլների հարուստ բաղադրատոմսերով։