Վարդագույն փրփրուն գինի` ուղեցույց նրա էլեգանտության, համի և կատարյալ համադրման համար

Տոնակատարությունների ժամանակ հաճախ ենք մտածում փրփրուն գինիների մասին։ Փրփրուն գինիների հարուստ տեսականու մեջ շատերը հաճախ են ընտրում վարդագույն փրփրուն գինի՝ նուրբ, կենսուրախ և լի անհատականությամբ։ Այս խմիչքն առաջարկում է նրբաճաշակ փորձառություն, որը հաճույք է պատճառում թե՛ պատահական սիրահարներին, թե՛ փորձառուներին։

Այսպիսով, որո՞նք են փրփրուն գինիների յուրահատությունները և ինչպե՞ս ընտրել փրփրուն գինի։

Ի՞նչ է վարդագույն փրփրուն գինին

Պարզ ասած՝ դա վարդագույն երանգով գինի է, որն ունի գազային պղպջակներ և պատրաստվում է կարմիր, կամ կարմիր ու սպիտակ խաղողի խառնուրդից։ Գույնը՝ բաց վարդագույնից մինչև հարուստ սաղմոնի վարդագույն, ստացվում է երկու ձևով.

• Մացերացիա. կարմիր խաղողի կեղևը որոշ ժամանակ թողնում են հյութի մեջ, որպեսզի փոխանցի գույն և նուրբ տանիններ։

• Կուպաժ. սպիտակ փրփրուն գինուն ավելացնում են մի քիչ կարմիր գինի՝ ստանալու համար գեղեցիկ երանգ և խորություն։

Թեպետ աշխարհում ամենահայտնի վարդագույն շամպայնները գալիս են Ֆրանսիայի Շամպայն շրջանից, այսօր նման գինիներ կարելի է գտնել աշխարհի տարբեր անկյուններում՝ Իտալիայի Ֆրանչակորտայից և Իսպանիայի Կավայից մինչև Կալիֆոռնիայի և Ավստրալիայի թարմ ու մրգային տարբերակները։

Ինչո՞ւ է վարդագույն փրփրուն գինին այդքան նրբաճաշակ

Վարդագույն փրփրուն գինին մարմնավորում է նրբագեղությունը՝ համադրելով իր տեսքն ու համը։ Նրա նուրբ վարդագույն շողքն անմիջապես փոխանցում է շքեղության և ռոմանտիկայի զգացողություն՝ գրավելով աչքը դեռ առաջին հայացքից։ Այդ գեղեցիկ պատկերը լրացնում են նուրբ և կայուն պղպջակները, որոնք բարձրորակ փրփրուն գինու իրական ցուցանիշն են։

Համային բազմազանությունն էլ իր հերթին դարձնում է վարդագույն փրփրուն գինին յուրահատուկ։ Կախված խաղողի տեսակներից և պատրաստման եղանակից, այն կարող է լինել թարմ և ցիտրուսային կամ ավելի հյութեղ՝ հատապտղային նոտաներով։ Լավագույն վարդագույն գազավորված գինիներն ունեն խորքային համային շերտեր և չեն առաջացնում ծանրության զգացողություն։ Հրաշալի ընտրություն են թե՛ խնջույքների, թե՛ տաք ու ջերմ ընտանեկան պահերի համար։

Համային նոտաները

Վարդագույն փրփրուն գինին գրավում է իր համային նոտաների նուրբ խաղով, որտեղ պտղային, ծաղկային և երբեմն նույնիսկ աղի նոտաները միմյանց լրացնում են։ Ամենից հաճախ համի մեջ զգացվում են կարմիր հատապտղային երանգներ՝ ելակ, ազնվամորի և բալ, որոնք ձևավորում են գինու հիմնական կերպարը։ Դրանց թարմությունը լրացվում է ցիտրուսային նրբերանգներով՝ կիտրոնի կամ գրեյպֆրուտի թեթևակի դառնությամբ։

Հաճախ հանդիպում են նաև նուրբ ծաղկային ակնարկներ՝ վարդի թերթիկների, հիբիսկուսի կամ մանուշակի բույրերով, որոնք գինուն տալիս են ռոմանտիկ և նրբանկատ շունչ։ Բարձրորակ վարդագույն գազավորված գինիներում կարելի է զգալ նաև թեթև հանքայնություն, որը խորը և բարդ կառուցվածք է հաղորդում համին։ Իսկ երկար պահված նմուշներում բացվում են հրաշալի թխվածքային և կրեմային նոտաներ՝ բրիոշի, նուշի կամ թեթևակի քսուքային շերտերով։

Ռոզեի և ուտեստների համադրությունները

Ռոզեն համադրելի է բազմաթիվ ուտեստների հետ։ Շնորհիվ թթվայնության, պտղային համերի և թեթև կառուցվածքի, այն հեշտությամբ ընդգծում է ամենատարբեր համային պրոֆիլները։

Նախուտեստների շարքից այն հրաշալի է համադրվում ապխտած սաղմոնի կանապեների, այծի պանրով կռոստինիի և պրոշուտոյով փաթաթված սեխի հետ։

Հիմնական ուտեստների համար վարդագույն փրփրուն գինին հիանալի ուղեկից է սուշիի և սաշիմիի հետ, հատկապես թունայի և սաղմոնի ռոլլերի։ Այն հիանալի կերպով լրացնում է թեթև մսային ուտեստներին, ինչպիսիք են խորոված հավը կամ հնդկահավը։ Ծովամթերքի սիրահարների համար էլ լավ ընտրություն է՝ խեցգետնի կամ օմարի գրիլը, որոնք ընդգծում են գինու թարմությունը և նրբությունը։

Բուսական ուտեստների շարքում վարդագույն փրփրուն գինին հրաշալի կերպով համադրվում է ձմերուկի և ֆետա պանրի աղցանի, սունկով ռիզոտոյի կամ տապակած ճակնդեղի կարպաչոյի հետ։

Պանրի տեսականու հետ այն փայլում է Բրի, Կամամբեր կամ թարմ այծի պանրի ուղեկցությամբ։

Եվ իհարկե, աղանդերի հետ վարդագույն փրփրուն գինին պարզապես անթերի է. ելակով շորթքեյքի, ազնվամորու տարտի կամ նուրբ մակարոնների հետ այն ստեղծում է համային կատարյալ ներդաշնակություն։

Գինին նաև համադրելի է աղի ուտեստների հետ։

Ինչպես ընտրել վարդագույն փրփրուն գինի

Նախևառաջ, հաշվի առեք գինու մեջ շաքարի պարունակության մակարդակը։ Եթե սիրում եք չոր գինիներ, ընտրեք «Brut» պիտակով տարբերակներ։ Եթե նախընտրում եք մի փոքր ավելի մեղմ տարբերակ, փնտրեք «Extra Dry» պիտակը, իսկ քաղցր գինիների սիրահարները կարող են ըտնրել «Demi-Sec» տեսակի վարդագույն փրփրուն գինիները։

Կարևոր է նաև գինու ծագման երկիրը։ Շամպայնի շրջանից արտադրված վարդագույն շամպայնները սովորաբար ավելի բարդ և շքեղ են, մինչդեռ իսպանական Կավան կամ իտալական Պրոսեկոն ունեն ավելի թեթև և պտղային բնույթ։

Որոշիչ դեր են խաղում նաև խաղողի տեսակները։ Ֆրանսիայում գերակշռում են Պինո Նուարը, Շարդոնեն և Պինո Մենյեն, մինչդեռ Իտալիայում փայլում են Սանգիովեզեն և տեղական այլ խաղողատեսակները։

Անկախ առիթից, լավագույն ընտրությունը կատարելու համար, այցելեք Վինո Վինո ալկոհոլի մասնագիտացված խանութ-սրահ, որտեղ նաև կարող եք ստանալ մասնագիտացված օգնություն։