Վիսկիի կոկտեյլների բաղադրատոմսեր տոնական երեկույթների համար

Տոները լավագույն ժամանակ են ընտանիքի և ընկերների հետ հավաքվելու, նշելու և յուրահատուկ համերով խմիչքներ փորձելու համար։ Եթե սիրում եք վիսկի, ապա ստորև կգտնեք ամենատարբեր վիսկիներով կոկտեյլների բաղադրատոմսերը, որոնք կհամալրեն ձեր տոնական հավաքույթները։

Հատուկ Զարդարված «Old Fashioned»

Ընդամենը մի քանի հավելում և ունեք դասական «Old Fashioned» վիսկի կոկտեյլ՝ Ձեր տոնական հավաքույթը համալրելու համար։

Բաղադրիչներ

• 60 մլ բուրբոն կամ վիսկի

• 15 մլ մաքուր մեղր

• 2 կաթիլ բիթեր

• 1 կաթիլ նարնջի բիթեր

• Դարչինի փայտիկ և նարնջի կեղև՝ զարդարելու համար

Պատրաստելու եղանակը պարզ է և չի խլում շատ ժամանակ։ Մեծ բաժակի մեջ ավելացրեք վիսկին, մեղրը և բիթերը, լցրեք սառույց և խառնեք մինչև բաղադրիչների սառչելը։ Լցրեք բաժակի մեջ և կրկին ավելացրեք սառույց։ Զարդարեք նարնջի կեղևով և դարչինի փայտիկով։

Պարզ բաղադրությամբ կոկտեյլը կարող եք համադրել շոկոլադե աղանդերի, կարամելային տորթերի կամ նուշով թխվածքների հետ։

Տաք «Hot Toddy»

Անփոխարինելի ընտրություն է հատկապես գարնանային ցուրտ օրերին ընտանիքի հետ տոներ նշելու համար։

Բաղադրիչներ

• 60 մլ շոտլանդական վիսկի կամ բուրբոն

• 1 ճաշի գդալ մեղր

• 15 մլ թարմ կիտրոնի հյութ

• 1 բաժակ տաք ջուր

• 1 դարչինի փայտիկ

• Մեխակով զարդարված կիտրոնի շերտ՝ զարդարելու համար

Պատրաստելու համար պարզապես անհրաժեշտ է խառնել վիսկին մեղրի և կիտրոնի հետ՝ ջերմակայուն բաժակի մեջ։ Լցնել տաք ջուրը և խառնել, մինչև կլուծվի մեղրը։ Իսկ վերջում՝ զարդարել խմիչքը դարչինի փայտիկով և կիտրոնի շերտով։

Խմիչքը կարող եք համադրել պանիրների, դարչինով և խնձորով կարկանդակների հետ։ Այն հիանալիորեն լրացնում է պանրի աղի համին և թխվածքների մեղմ քաղցրությանը։

Վիսկի + Խնձորի Հյութ (Whiskey Apple Spritz)

Թեթև, մրգային և տոնական կոկտեյլ, որը հեշտությամբ կարող է վերածվել յուրաքանչյուր հավաքույթի անփոխարինելի մասը։ Եթե վիսկիի սիրահար եք և մշտապես փորձում եք գտնել տարբեր բաղադրություններ, համեր ու համադրություններ, ապա ժամանակն է փորձել վիսկին և խնձորի հյութը։

Բաղադրիչներ

• 60 մլ բուրբոն կամ շոտլանդական վիսկի

• 120 մլ բնական խնձորի հյութ

• Սառույց

• Խնձորի շերտեր՝ զարդարելու համար

Պատրաստելու համար անհրաժեշտ է լցնել վիսկին սառույցով լի բարձր բաժակի մեջ։ Ավելացնել խնձորի հյութը և խառնել։ Իսկ վերջում՝ պարզապես զարդարել խնձորի բարակ շերտերով։

Համադրել կարելի է տապակած հավի, ընկույզով աղցանների կամ խնձորով կարկանդակի հետ։

Վիսկի + Կոլա (Classic Whiskey & Cola)

Դասական տարբերակ և պարզ վիսկի կոկտեյլ բաղադրատոմս ունեցող տարբերակներից է։ Շատերի կողմից սիրված կոլան նաև կարող ենք համադրել թունդ ու բազմաշերտ ալկոհոլային խմիչքի հետ, ինչպիսին է վիսկին։

Բաղադրիչներ

• 50 մլ բուրբոն կամ շոտլանդական վիսկի

• 150 մլ կոլա

• Սառույց

• Կիտրոնի շերտ կամ լայմ՝ զարդարելու համար

Պատրաստելու համար լցրեք վիսկին սառույցով լի բաժակի մեջ, ավելացրեք կոլան և խառնեք։ Իսկ վերջում՝ զարդարեք կոկտեյլը կիտրոնի կամ լայմի բարակ շերտով՝ խմիչքն էլ ավելի թարմացնող դարձնելու համար։

Համադրել կարող եք տարբեր բուրգերների, տապակած կարտոֆիլի և նույնիսկ պանրով նախուտեստների հետ։ Կոկտեյլն ունի պարզ բաղադրություն և րոպեների ընթացքում կարող է համալրել ընտանեկան տոնական սեղանը։

Ինչպես ընտրել վիսկի

Դեռ հին ժամանակներից վիսկին սիրված ալկոհոլային խմիչք է շատերի համար, սակայն եկեք հասկանանք մի քանի կարևոր գործոն, որոնք կօգնեն կատարել ճիշտ ընտրություն։

Վիսկիին կարող ենք վերագրել երեք ցուցանիշներ՝ արտադրության վայրը, բաղադրիչները և արտադրության գործընթացը։ Օրինակ՝ շոտլանդական վիսկին (Scotch Whisky) հիմնականում պատրաստվում է գարու ածիկից, թորվում է երկու անգամ և հաճախ ծխահամ է։

Իռլանդական վիսկին (Irish Whiskey) ավելի թեթև է, քանի որ թորվում է երեք անգամ, սովորաբար ունի ավելի հարթ և փափուկ համ։ Իսկ ամերիկյան բուրբոնը հիմնականում պատրաստվում է եգիպտացորենից և ունի քաղցր ու վանիլային համ։

Եթե նախընտրում եք ծխահամ և բարդ խառնվածքով ալկոհոլային խմիչքներ, ապա Վինո Վինո ալկոհոլի մասնագիտացված խանութից կարող եք ձեռք բերել WOVEN WHISKY "AWE" N.18 Experience շոտլանդական վիսկին և պատրաստել ամենահամեղ տոնական կոկտեյլները։ Ի դեպ, այն կարող եք նաև ըմպել առանց հավելումների։

Վինո Վինոյից կարող եք ձեռք բերել աշխարհի ամենատարբեր անկյուններից Հայաստան եկած վիսկիները և վայելել դրանք ընտանեկան ջերմ ու տոնական հավաքույթներին։