«Վարդագույն քաղաքը», որն այս անվանումը ձեռք է բերել տուֆից կերտած անգերազանցելի ճարտարապետության շնորհիվ, մարմնավորում է ժամանակի վեհությունը և արդիականության թրթռացող ռիթմը: Վառ, գունագեղ, հագեցած և բազմակողմանի Երևան. անվերջ հյուրասիրության, անհավատալի առատաձեռնության և անսպառ մարդկային ջերմության քաղաքն այս տարի նշում է 2800-ամյակը: Պատմական հոբելյանի կապակցությամբ Երևանի կոնյակի գործարանը՝ մայրաքաղաքի անփոխարինելի խորհրդանիշներից մեկը, ներկայացնում է լեգենդար Երևան կոնյակի վերածնունդը: Կոնյակագործության անգերազանցելի վարպետ Մարգար Սեդրակյանի կուպաժը ստեղծվել է 1947թվ.-ին՝ նոր շեմ սահմանելով համաշխարհային կոնյակագործության մեջ: 57% թնդությամբ կոնյակն իր ժամանակների նորարարությունն էր: Բազմաթիվ մրցանակների արժանացած 10 տարվա հնացման Երևան կոնյակը վերստեղծվել է վարպետի օրիգինալ կուպաժի հիման վրա և ունի հագեցած սաթի գույն անկրկնելի ոսկե երանգներով: ԱՐԱՐԱՏ Երևանն առանձնանում է սերուցքային կարամելի, լորենու մեղրի, նուշի և սալորաչրի բույրով: Չորամրգերի և բոված ընկույզի երանգներով աշխույժ, մարմնեղ համը փոխակերպվում է հաճելի այրոցով և ցիտրուսային նրբերանգներով հետհամի: «Կոնյակի վերածնունդը նման է ռեստավրացիոն գործընթացին: Այնքան ուշադիր պետք է լինես օրիգինալը վերստեղծելիս, որ ոչ մի գույն կամ նրբերանգ չխամրի: Դա իհարկե միշտ էլ հետաքրքիր է, բայց և նաև չափազանց պատասխանատու», - նշում է Երևանի կոնյակի գործարանի արտադրության տնօրեն Համլետ Անտոնյանը: Հաշվի առնելով կոնյակի օրգանոլեպտիկ առանձնահատկությունները՝ մասնագետները առաջարկում են բացահայտել այն մատուցման երկու յուրահատուկ եղանակով՝ կոնյակը նախապես մինչև 12 – 140 C աստիճանը սառեցնելով կամ էլ կոնյակով գավաթի մեջ մի կտոր սառույց ավելացնելով: Քաղաքի հոբելյանին արված նվերը՝ վերստեղծված Երևան կուպաժը ներկայացված կլինի մայրաքաղաքի ամենահայտնի վայրերի պատկերներով նկարազարդված էլեգանտ փաթեթավորմամբ: Երևանի համայնապատկերը կբացահայտվի նաև Երևանի պիտակի վրա: Այս կոնյակը կլրացնի միայն միայն Երևանի բնակիչների և մայրաքաղաքի հյուրերի համար հասանելի ԱՐԱՐԱՏ-ի վինտաժ հավաքածուն: «Յուրաքանչյուրն ունի իր Երևանը» հայտնի գաղափարին հետևելով՝ Երևանի կոնյակի գործարանի ԱՐԱՐԱՏ թանգարանում կգործի «քո Երևանը» ստեղծելու բացառիկ առաջարկ, համաձայն որի հնարավոր կլինի պատվիրել սեփական անունի գրառումը կոնյակը լրացնող հատուկ պիտակի վրա: Լեգենդար կուպաժի մայրաքաղաքի հոբելյանի կապակցությամբ վերածնունդը ոչ միայն ընդգծում է Երևանի մշակութային և պատմական ժառանգության հետ ԱՐԱՐԱՏ-ի անբաժանելի կապը, այլ նաև բացահայտում է հին քաղաքի նոր եզրերը: Չէ՞ որ բացառիկ թանգարանների, գողտրիկ փողոցների, հետաքրքիր մարդկանց և իհարկե անգերազանցելի ջազի ժամանակակից քաղաքը միշտ էլ եղել է հարուստ պատմության և ավանգարդի կենտրոնը: ԱՐԱՐԱՏ-ի վինտաժ հավաքածուն տարբեր ժամանակներում Երևանի կոնյակի գործարանի կողմից վերաթողարկվող կոնյակների շարք է: Վինտաժ հավաքածուի բոլոր կուպաժները վերստեղծվում են օրիգինալ բաղադրատոմսերով և վերարտադրում են հանրահայտ կոնյակների էտալոն նմուշները: 2015թվ.-ին սահմանափակ քանակությամբ ներկայացվեց հավաքածուի առաջին կոնյակը՝ լեգենդար Հայաստանը:
