Սակե՝ ճապոնական յուրահատուկ ալկոհոլային խմիչք ավանդական համային հատկանիշների միաձուլմամբ

Սովորական բրնձի տեսակները, որոնք օգտագործվում են սննդի համար, այնքան էլ համապատասխան չեն Սակե արտադրելու համար, քանի որ դրանք պարունակում են օսլայի ցածր մակարդակ։ Այդ իսկ պատճառով Սակե խմիչքը պատրաստվում է հատուկ ընտրված «Սակամեյի» բրնձից, որը պարունակում է օսլայի բարձր մակարդակ, ինչն էլ դրական ազդեցություն ունի արտադրանքի վերջնական համի վրա։

Ճապոնական Խմիչքի Դասակարգումը

Սակե խմիչքի որակը և մաքրությունը կախված է բրնձի հղկման մակարդակից։ Այսպիսով, ամենաբարձրակարգ և պրեմիում դասին պատկանող Սակե խմիչքների հղկման հարաբերակցությունը կազմում է 50% և ցածր, մինչդեռ ավելի մատչելի Սակեները կարող են ունենալ հղկման 70% կամ ավելի բարձր հարաբերակցություն։

Համերի Դասակարգման Եղանակը

Սակե խմիչքն ունի  համերի հարուստ տեսականի, որոնցից յուրաքանչյուրն առանձնանում է ինչպես համային երանգների բարդությամբ, այնպես էլ դրանց նրբությամբ։ Համային տարբերությունները հիմնականում նկարագրվում են երկու տեսակով՝ քաղցր և չոր։ Իսկ քաղցրության մակարդակը որոշելու համար շատերն օգտագործում են մետրային համակարգ, որտեղ -15-ը վերագրվում է խմիչքի քաղցրության ամենաբարձր մակարդակին, իսկ +15-ը՝ ամենաչոր մակարդակին։

Ինչպես Ըմպել Սակե Խմիչքը

Սովորաբար, այս խմիչքը հիանալի համադրություն է կազմում նախուտեստների հետ։ Այն նաև կարող է համադրվել սուշիի որոշակի տեսակների (Սաշիմի, Նագիրի) հետ, որոնց կհաղորդի նոր համ, շնորհիվ իր համային նուրբ նոտաների։

Խմիչքի այս տեսակը հարկավոր է ըմպել դանդաղ, քանզի այդ կերպով կարելի է զգալ համային հարուստ նրբերանգները, բացի այդ այն դասվում է երկար վայելվող խմիչքների շարքին։ Իսկ այն «ճիշտ» ըմպելու համար անհրաժեշտ է օգտագործել փոքր բաժակ։ Բաժակի չափսի ընտրությունը պատահական չէ, քանզի հենց այդ միջոցով է հնարավոր վայելել խմիչքի համային ամբողջականությունը։ Բացի այդ, որպես հարգանքի և հյուրընկալության նշան, Ճապոնիայում ընդունված է լցնել խմիչքը մեկ ուրիշի համար։ Իսկ եթե ինքներդ եք ցանկանում փորձել խմիչքը, ապա այն պիտի ձեզ համար լցնի մեկ ուրիշը։