Մարգարիտա կոկտեյլի լավագույն տարբերակները՝ զովացուցիչ երեկոների համար

Պարզ համադրություն՝ տեկիլա, լայմ, մի փոքր քաղցրություն և թարմություն, որը պարզապես անհրաժեշտ է ամառվա տապին։ Մարգարիտա կոկտեյլ​ կարող եք պատրաստել նաև տանը՝ համադրելով լավագույն բաղադրիչները։ Այն կարող է լինել ցանկացած հավաքույթի հավելումը, ներառյալ ընտանեկան հավաքույթների և ընկերների հետ։

Մարգարիտա կոկտեյլը հայտնի է իր տարբեր տեսակներով, որոնք պատրաստվում են տարբեր բաղադրիչների ներգրավմամբ։ Եկեք սկսենք սկզբից՝ դասականից։

Դասական Մարգարիտայի բաղադրատոմսը, ինչպես պատրաստել

Ամենասիրված կոկտեյլներից մեկն իրականում ներառում է ամենապարզ բաղադրիչները՝

• 50 մլ տեկիլա

• 25 մլ տրիպլ սեկ

• 25 մլ թարմ լայմի հյութ

• Աղ՝ բաժակի եզրերը պատելու համար

• Սառույցի խորանարդներ

Պատրաստման եղանակը՝

Բոլոր բաղադրիչները պետք է լցնել շեյքերի մեջ՝ սառույցի հետ, լավ խառնել և լցնել աղով պատված բաժակի մեջ Հավելել լայմի կտորով և վայելել։

Հատապտղային Մարգարիտա

Մեզ հասանելի են բազում ամառային կոկտեյլներ, բայց Մարգարիտան շարունակում է մնալ ամենասիրվածներից մեկը՝ իր տեսակների բազմազանությամբ և յուրահատուկ նրբագեղությամբ։ Մարգարիտա կարելի է պատրաստել նաև հատապտուղների միջոցով։ Այս տեսակը պատրաստելու ամենակարևոր բաղադրիչներից մեկը եղանակն է և Ձեր նախընտրությունները։ Օրինակ՝ օգտագործվում են սալորաչրեր, մանգո, վարունգ և այլն։ Բաղադրիչներն ավելացնում են բնական քաղցրություն և հաճելի երանգ։ Կարող եք վայելել հատկապես ամառային երեկոների ընթացքում։

Կծու Մարգարիտա

Եթե սիրում եք կծու, ապա պետք է փորձեք Մարգարիտայի այս տարբերակը։ Համատեղել կարելի է հատկապես խորոված ուտեստների և տակոյի հետ։

Մարգարիտա կոկտեյլ բաղադրատոմս

• 50մլ Հալապենյոյի տեկիլա

• 25մլ տրիպլ սեկ

• 25մլ լայմի հյութ

• 1-2 կտոր թարմ Հալապենյո

• Սառույցի խորանարդիկներ

Հալապենյոյի կտորները նրբորեն քամեք, խառնեք մյուս բաղադրիչների և սառույցի հետ, ապա քամեք բաժակի մեջ։ Օգտագործեք հալապենյոյի կտոր կամ լայմի շեղբ՝ հավելյալ թունդության համար։

Տրոպիկական Մարգարիտա․ Ձեր փոքրիկ արձակուրդը մեկ բաժակում

Տրոպիկական համերը, ինչպիսիք են անանուխը, կոկոսը կամ մարակույան, ստեղծում են արձակուրդային տրամադրություն ցանկացած երեկոյի ընթացքում։ Սա ամառային կոկտեյլ է՝ համերի քաղցր, թթվաշ և կատարյալ համադրությամբ։

Պատրաստման եղանակը

• 50մլ տեկիլա

• 25մլ կոկոսի կրեմ

• 25մլ անանուխի հյութ

• 15մլ լայմի հյութ

• Սառույցի խորանարդիկներ

Խառնեք բոլոր բաղադրիչները սառույցի հետ և լցրեք սառեցված բաժակի մեջ։ Զարդարեք անանուխի կտորով կամ մի փոքր տապակած կոկոսի շերտով։ Ահա և վերջ, Ձեր մեկ բաժակ արձակուրդը պատրաստ է։

Սառեցված Մարգարիտա

Շոգ ամառային օրերին սառեցված Մարգարիտան պարզապես անհրաժեշտություն է։ Սառեցված Մարգարիտա կարող եք պատրաստել գրեթե ցանկացած համով՝ դասական լայմ, հատապտուղներ կամ էկզոտիկ մրգեր։

Պատրաստման եղանակը

• 50մլ տեկիլա

• 25մլ տրիպլ սեկ

• 25մլ լայմի կամ այլ հատապտղի հյութ

• 50գ հատապտուղներ

• 1 բաժակ կոտրած սառույց

Բոլոր բաղադրիչները խառնեք  մինչև համասեռ զանգված ստանալը։ Մատուցեք սառեցված բաժակի մեջ, աղով ծածկված եզրով և զարդարեք թարմ հատապտուղներով։

Մարգարիտա կոկտեյլների գաղտնիքը միայն հատապտուղները չեն, այն այսքան յուրահատուկ և սիրված է նաև ձևավորման և մատուցման շնորհիվ։ Հաճախ կարող եք նկատել, թե որքան ուշադրությամբ են այն զարդարում փորձառուները, իսկ վերջնական արդյունքը պարզապես տպավորիչ է և ցանկալի։ Մարգարիտա կոկտեյլները մեկ բաժակի մեջ համադրում են ալկոհոլային կոկտեյլի նրբագեղությունը, հաճելի բույրը և անկրկնելի համը։

Բաժակների եզրերի ձևավորումը

Մարգարիտա պատրաստելիս բաժակների ձևավորումն ամենակարևոր քայլերից մեկն է, որը շրջանցել չեք կարող։ Սովորաբար, Մարգարիտայի բաժակների եզրերը պատվում են աղով կամ շաքարով՝ կախված տվյալ Մարգարիտայի տեսակից և Ձեր նախընտրությունից։ Օրինակ՝ շաքար օգտագործվում է, երբ Մարգարիտան պատրաստված է հատապտուղներով և ունի քաղցր համային նոտաներ, մինչդեռ աղ օգտագործվում է, երբ Մարգարիտան պատրաստվում է ցիտրուսային բաղադրիչներով։

Մրգեր և ցիտրուսներ

Արդեն պատրաստ Մարգարիտան նաև կարելի է զարդարել թարմ մրգերով և ցիտրուսով։ Մրգերի դեպքում կարող եք օգտագործել հատապտուղներ, հավելել անանուխի կտորներով։ Դրանք կարող եք ամրացնել փայտիկների վրա և դնել բաժակի մեջ կամ վրա՝ կոկտեյլն ավելի հետաքրքիր դարձնելու համար։

Ցիտրուսների դեպքում կարող եք օգտագործել ցիտրուսի կեղևների շերտեր կամ ոլորումներ, ու նույնիսկ քերել դրանք։ Այս կերպ Մարգարիտան ստանում է ցիտրուսային հավելյալ բույր և թարմություն։

Մարգարիտան հասարակ կոկտեյլ չէ, այն համերի և մատուցման գեղեցիկ համադրություն է՝ սիրված շատերի կողմից։ Մարգարիտա պատրաստելիս ընտրեք միայն լավագույն բաղադրիչները, այդ թվում՝ հատապտուղները և ալկոհոլը։