Փրփրուն գինիների և ճաշատեսակների ճիշտ համադրման ուղեցույց, ձեր ամառային երեկույթների կատարյալ անցկացման համար

Ամառն արդեն այստեղ է, ինչը նշանակում է ավելի շատ հավաքույթներ, տոնական երեկոներ և ուրախ ժամանց։ Նման դեպքերում անբաժանելի մաս են որակյալ և նրբաճաշակ ոգելից խմիչքները, որոնք կարող են հասարակ հավաքույթը վերածել իսկական տոնի՝ ընթրիքը դարձնելով համային գլուխգործոց։

Ամառային ոգելից խմիչքներ

Ամառվա տապին հաճախ հուսադրում են սառը և թարմացնող խմիչքները, հատկապես փրփրուն գինու տարբերվող համերը։ Դրանք ինչպես թարմացնում են, այնպես էլ ուտեստը դարձնում ավելի հաճելի, լինի դա աղանդեր, թե ընթրիք։ Այսպիսով, ստորև կքննարկենք ոգելից խմիչքների մի քանի տեսակներ, որոնք հիանալիորեն կարող են համադրվել Ձեր ամառային ընթրիքների հետ։

Պրոսեկո իտալական փրփրուն գինի

Շատերի կողմից սիրված պրոսեկո իտալական փրփրուն գինին  ամառային ամենատարածված ընտրություններից մեկն է։ Խմիչքը կարող ենք նկարագրել փխրուն թթվայնությամբ և նուրբ պղպջակներով, որոնք հիանալիորեն համադրվում են թեթև ու թարմ ուտեստների հետ։

Այն կարող եք համադրել աղի նախուտեստների հետ, օրինակ պրոշուտոյով փաթաթված սեխը, կամ, իտալական նախուտեստ՝ բրուսքետան պատրաստված լոլիկով ու ռեհանով։

Որպես հիմնական ուտեստ կարող եք համադրել խորոված ծովամթերքի հետ։ Այս դեպքում Պրոսեկոն կարող եք ըմպել ինչպես առանձին, այնպես էլ պատրաստել զանազան ալկոհոլային կոկտեյլներ, օրինակ՝ Bellini կամ Aperol Spritz։

Ահա իտալական պրոսեկոյի մի քանի տեսակներ, որոնք կարող եք դիտարկել ձեր հաջորդ ընթրիքի համար․

• ASTORIA "Butterfly" Prosecco DOC․ Էքստրա չոր փրփրուն գինի, որն ունի սեխի ու դեղձի նուրբ բույր, ինչպես նաև թեթև համային նոտաներով։ Կարող է համադրվել նախուտեստների և ձկների հետ։

• ASTORIA "Butterfly Rose" Prosecco DOC․ Վարդագույն փրփրուն գինի օժտված հատապտուղների նրբագեղ բույրով և թարմացնող համային նոտաներով։ Կարող է համադրվել նախուտեստների, ինչպես նաև պիցցայի հետ։

• ASTORIA "Corderie" Valdobbiadene Prosecco Superiore DOCG․ Բրուտ փրփրուն գինի, որն ունի մրգային հաճելի բույր, իսկ համը կարող ենք նկարագրել թեթևակի թթվայնությամբ։ Կարող է համադրվել նախուտեստների, ինչպես նաև խորոված ծովամթերքների հետ։

Փրփրուն գինիների այս տարբերակները կարող եք ձեռք բերել Վինո Վինո ոգելից խմիչքների մասնագիտացված խանութից։

Ֆրանսիական փրփրուն գինի

Ֆրանսիական փրփրուն գինին՝ շամպայնը, հագեցած է շքեղ և բարդ համային նոտաներով և կատարյալ հավելում է զուգադրվելով տարբեր ուտեստների հետ։ Խմիչքի այս տեսակը հայտնի է բարձր որակով և էլեգանտ համային նոտաներով, ինչի շնորհիվ էլ նախընտրելի տարբերակ է ինչպես Ֆրանսիայում, այնպես էլ Ֆրանսիայից դուրս։

Գաղտնիքն այն է, որ ֆրանսիական փրփրուն գինին մարմնավորում է գինեգործության հարուստ ավանդույթը, ինչի արդյունքում ստեղծվում է բազմակողմանի խմիչք՝ ունակ համադրվել ամենատարբեր ուտեստների հետ։ Օրինակ՝ սերուցքային պանիրների, ծովամթերքի, ինչպիսիք են ոստրեներն ու խավիարը, որոնք բարձրացնում են խմիչքի համային նոտաները և տալիս ավելի հաճելի թթվայնություն։

• JULES LAROSE Blanc de Blancs Brut․ Ոսկեգույն բրուտ փրփրուն գինի, օժտված ծիրանի և սպիտակ դեղձի հյութալի համային նոտաներով։ Կարող է համադրվել թեթև ուտեստների, տապակած ձկների, ինչպես նաև բանջարեղենի հետ։

• JULES LAROSE Blanc de Blancs Demi-Sec․ Ոսկեգույն փրփրուն գինի՝ արտադրված խաղողի մի քանի տեսակներից, ներառյալ Շենին բլան և Կոլոմբար։ Խմիչքն ունի թարմացնող հատկություն, իսկ ճաշակելիս կզգաք ծիրանի և սպիտակ դեղձի համային նոտաներ։ Կարող է համադրվել նախուտեստների և թեթև ճաշատեսակների հետ։

Փրփրուն գինիների այս տեսակները կարելի է ըմպել ինչպես ուտեստների զուգակցմամբ, այնպես էլ առանձին, քանի որ նրանք ունակ են հաղորդել տոնական և նրբագեղության շունչ՝ յուրաքանչյուր հավաքույթին։

Յուրաքանչյուր փրփրուն գինի ունի յուրօրինակ բաղադրություն և արտադրության հատուկ ընթացակարգ, որոնք էլ հենց սահմանում են նրանց անհատականությունը։ Այպիսով, ձեր նախընտրելի տարբերակը կարող եք ձեռք բերել Վինո Վինո ոգելից խմիչքի մասնագիտացված խանութ-սրահից կամ պատվիրել առցանց՝ Վինո Վինոյի պաշտոնական կայքից։