Հայտնի ալկոհոլային խմիչքներ ամբողջ աշխարհում

Լավագույն միջոցը նոր մարդկանց հետ ծանոթանալու և օտարազգի ընկերներ ձեռք բերելու խմիչքն է։ Իհարկե, կան այլ միջոցներ, բայց ամենաարագը և ամենահաճելին խմիչքի միջոցով ծանոթանալն է։ Դու կպատմես քո երկրի խմիչքներից, ինքը ՝ համապատասխանաբար իր երկրի ու սիրելի խմիչքներից և, ահա, առաջին քայլը արված է։

Յուրաքանչյուր երկիր ինչպես ունի իր ազգային խոհանոցը ու առանձին ուտեսները, ունի նաև այսպես կոչված ազգային խմիչքները։ Սակայն երբեմն այս թեմայի շուրջ լինում են բախումներ, քանի որ մի քանի ազգ պայքարում է առաջինը արտադրողի համբավի համար։

Ազգային խմիչքները հետաքրքիր են նրանով նաև, որ ունենում են տվյալ ազգին մոտ, նրանց լեզվով հորինված ինչ-որ անուն։ Օրինակ՝ իսպանական սանգրիան, սլավոնական կվասը, բորովիչկան, ճապոնական սակեն և այլն։ Ինչքան էլ տարօրինակ լինի խմիչքները և դրանց բաղադրատոմսերը արագ են տարածվում, հիմա առավել ևս, քանի որ համացանցում կարելի է գտնել յուրաքանչյուր բաղադրատոմս և պատրաստել ինչ խմիչք որ ուզում ես։ Այսպես, շատ խմիչքներ ձեռք են բերել միջազգային խմիչքների համբավ, օրինակ բոլոր երկրներում կան ճապոնական ռեստորաններ, որտեղ կարող ենք գտնել սակե, կամ յուրաքանչյուր խնջույք, որ երկրում էլ լինի ուղեկցվում է իսպանական սանգրիայի լիքը բաժակներով։

Հիմա, եկեք խոսենք մի քանի հայտնի ալկոհոլային խմիչքներից, որոնք հայտնի են ամբողջ աշխարհում։

Հայտնի ալկոհոլային խմիչքներ

Chivas Regal

Համոզված եմ, որ լսել եք Chivas Regal-ի մասին, եթե բախտներդ բերել է, նույնիսկ փորձել եք այն: Ով փորձում է Chivas Regal-ը, երբեք չի մոռանում դրա համը և երբեք չի շփոթում այն որևէ այլ ալկոհոլի հետ: Օրինակ դժվար է շփոթել Chivas Regal բրենդի վիսկիները վիսկի մակալան բրենդի հետ։

Եվ հարց է առաջանում, ինչո՞ւ է Chivas Regal-ն այդքան հայտնի ամբողջ աշխարհում:

Բոլոր մայրցամաքներում տարեկան մոտ 50 միլիոն շիշ Chivas Regal է վաճառվում, որն էլ համարվում է աշխարհի ամենահեղինակավոր պրեմիում խառը շոտլանդական վիսկին:

Ստեղծվել է այս վիսկին  Աբերդինիում, որը մատուցում էր ամենալավ ուտելիքները, լիկյորները և գինիները քաղաքի արիստոկրատիայի համար 1801 թվականին:

Թագուհի Վիկտորիան սիրում էր Chivas Regal-ը, ինչպես բոլորս: Նա սիրում էր իր արձակուրդները անցկացնել Շոտլանդիայում, և հենց այդ արձակուրդներից մեկի ժամանակ էր, երբ նա համտեսեց Chivas Regal վիսկին:

Չիվաս եղբայրները թագուհուն մատակարարում էին բարձրորակ կերակուրներ և խմիչքներ, և 1843-ին թագուհին նրանց շնորհեց թագավորական մատակարարի տիտղոսը՝ գովաբանելով վիսկիի անզուգական գերազանցությունը:

Մեր օրերում կարելի է գտնել 12, 15, 18, 25 տարեկան Chivas Regal վիսկիներ։ Եթե ​​դուք երբեք չեք փորձել դրանք, և դրա փոխարեն փորձել եք իռլանդական վիսկի, ապա շտապե՛ք փորձել շոտլանդականը, քանի որ դրանք երկու տարբեր վիսկիներ են։

Դվին կոնյակ

Հայկական կոնյակներ խմելիս պատկերացնում ես քեզ Սարյանի բնապատկերներում, ականջիդ լսվում է Կոմիտասի մեղեդիները և վերանալով աշխարհից հայտնվում ես մի հեռավոր վայրում, մի խրճիթում, որտեղ հայ տատիկը լավաշ է պատրաստում և լեգենդներ պատմում Սասունցի Դավթի մասին։

Դվին կոնյակը, որը 10 տարվա հնեցման է, քեզ պտտում է պատմության բոլոր ոլորաններով և դարձնում խմելու ընթացքը մի ամբողջ ճանապարհորդություն, ողողված Հայաստանի բնության համերով։

Այս հիանալի կոնյակը խմելիս, կզգաս՝ մեխակի, ընկույզի, սիգարի և այլ համեր, որոնք քո կյանքին կբերեն նոր գույներ։

Absolut

Օղու սիրահարներ կա՞ն։ Եթե ​​այո, ապա հաստատ գիտեք աշխարհի լավագույն օղու ապրանքանիշի մասին: Հիմա կմտածեք, որ օղու պատրաստման գործընթացը այնքան էլ դժվար չէ, և քանի որ Absolut օղին այդքան տարբերվում է մյուսներից և այդքան հայտնի է միգուցե ինչ-որ գաղտնիք ունի: Ես կասեմ, որ կարևորը պատրաստման ձևն է, և ներդրած ոգին։ Absolut օղիները պատրաստում են այսպես։

Ջուրն ու ցորենը Absolut Vodka-ի հիմնական բաղադրիչներն են: Հուսում ջուրը վերցվում է խորը ջրհորից, որտեղ այն պաշտպանված է աղտոտիչներից: Աշնանը ձմեռային ցորենի տնկման ժամանակն է, իսկ հաջորդ տարվա բերքահավաքը տեղի է ունենում աշնանը։ Ցորենը զարգացնում է իր ամուր կեղևը, երբ այն աճում է ամբողջ տարվա ընթացքում Շվեդիայի ձյան և արևի տակ: Absolut Vodka-ն անսովոր մաքուր է, քանի որ այն թորվում է ավելի քան հարյուր անգամ և չունի շաքարի ավելացում:

Այս կախարդական օղու բաղադրատոմսի համար մենք պետք է շնորհակալ լինենք Լարս Օլսոն Սմիթին, ով պատրաստել է այս բաղադրատոմսը 1879 թվականին և այն անվանել «Absolut rent Brannvin», որը նշանակում է «բացարձակապես մաքուր օղի»:

Հայտնի խմիչքներ շատ կան, սակայն յուրաքանչյուրը պետք է ընտրի իր սիրելի խմիչքը և հավատարիմ մնա դրան, իհարկե շարունակելով համտեսել այլ խմիչքներ նույնպես, օրինակ եթե միշտ խմում եք վիսկի այսօր փորձեք բալի գինի, կամ օղի։ Կարելի է որոշ ժամանակը մեկ այցելել գինիների խանութ, և ընտրել սովորականից տարբեր խմիչքներ, միգուցե ձեր սիրելի և կյանքի ընկեր խմիչքը այսօր ձեզ է սպասում։