Տոնական կոկտեյլներ՝ ձեր ամանորյա երեկոն անմոռանալի դարձնելու համար

Ահա և ժամանակն է կիսվելու տոնական ամենալավ կոկտեյլների բաղադրություններով։ Նոր տարվա հետ շատերը վերակենդանացնում են հին ու բարի խոսքը «Մեկ տարի էլ անցավ» ու միաժամանակ հիշում անցած տարվա կարևոր իրադարձությունները։ Գնահատելով հինը, ցանկանում ենք հիշել բոլոր ժամանակների ամենասիրված ու ամենահամեղ մի քանի ամանորյա կոկտեյլներ, որոնց գլխավոր բաղադրիչ՝ զանազան ալկոհոլային խմիչքները կարող եք ձեռք բերել Վինո Վինո ալկոհոլի մասնագիտացված խանութ սրահից։

Միմոզա կոկտեյլ

Շատերն այս կոկտեյլը համարում են պարզության ու նրբագեղության չափանիշ։ Այն ունի ոսկեգույն ու գեղեցիկ երանգ, որի միայն տեսքն անմիջապես համտեսելու ցանկություն է առաջացնում։ Այսպիսով, ինչպե՞ս պատրաստենք Միմոզա կոկտեյլ։

Անհրաժեշտ բաղադրիչները․

• Նարնջի հյութ

• Փրփրուն գինի

• Նարնջի կեղև (ըստ ցանկության)

Ինչպես արդեն նկատեցինք, Միմոզան թեթև գազավորված կոկտեյլ է՝ փրփրուն գինու հավելմամբ։ Գինին կարելի է ընտրել ըստ ցանկության, սակայն նախապատվություն կարելի է տալ մրգային նոտաներով փրփրուն գինիներին, օրինակ՝ Պրոսեկոյին, շամպայնին, կավային։

Պատրաստելու համար անհրաժեշտ է սառեցված շեյքերի մեջ հավասար չափաբաժիններով ավելացնել նարնջի հյութ և փրփրուն գինի ու խառնել։ Վերջնական արդյունքի վրա կարելի է ավելացնել նարնջի քերած տերևներ՝ ըստ ցանկության։

Ֆրանսիական 75 կոկտեյլ

Եվս մեկ թարմացնող կոկտեյլ՝ հետաքրքիր բաղադրությամբ։ Այս կոկտեյլը կարող եք պատրաստել ինչպես ընտանիքի անդամների հետ, այնպես էլ ընկերների՝ Նոր Տարին նշելիս։ Կոկտեյլի առանձնահատկությունն այն է, որ բացի ալկոհոլի համեղ նոտաներից, կարելի է նաև զգալ խոտաբույսի նոտաներ։ Այսպիսով, եկեք պատրաստենք ֆրանսիական 75 կոկտեյլ․

Անհրաժեշտ բաղադրիչները

• Ջին

• Կիտրոնի հյութ

• Շաքարավազ

• Շամպայն

Ի տարբերություն Միմոզայի, French 75-ը ներառում է երկու տեսակի ալկոհոլային խմիչք: Պատրաստելու համար ավելացրեք 30մլ ջին, 15 մլ կիտրոնի թարմ հյութ, 15 մլ կամ 1 թեյի գդալ շաքարի օշարակ, 60-90 մլ սառեցրած շամպայն ու սառույց։ Խառնեք խմիչքը և պատրաստի կոկտեյլի վրա ավելացրեք կիտրոնի քերած կճեպներ՝ ըստ ցանկության։ Ջինի ընտրության հարցում կարող եք ընտրել չոր, ինչպես նաև մրգային նոտաներով ջին։ Իսկ շամպայնի ընտրության հարցում՝ բրուտ, պրոսեկո, կավա, և այլն։

Սա հիանալի բաղադրություն է հատկապես մսային ու խորոված տոնական ուտեստների հետ համադրելի կոկտեյլներ ընտրելու ժամանակ և կարող է գործել որպես թարմացնող բաղադրիչ՝ առաջացնելով համային հաճելի տեղատարափ։

Kir Royale կոկտեյլ

Նրբագեղության գրավական, որ նախընտրում են համային գերազանց նոտաների նուրբ խառնուրդը գնահատող անձինք։ Եվս մեկ կատարյալ ընտրություն, որ կարող է դառնալ տոնական երեկոյի հիշարժան զարդը։ Եկեք միասին բացահայտենք այս կոկտեյլի բաղադրությունը։

Անհրաժեշտ բաղադրիչները․

• Լիկյոր

• Շամպայն

Ի տարբերություն մնացած կոկտեյլների, Kir Royale կոկտեյլի բաղադրությունը կազմված է միայն երկու ալկոհոլային խմիչքների համադրությունից։ Այն չունի հավելյալ բաղադրիչների կարիք, քանի որ լիկյորի խտությունն ու շամպայնի փրփրուն և թարմացնող հատկությունները միասին ստեղծում են գերազանց արդյունք։ Սակայն, կարող եք ավելացնել կիտրոնի քերած կճեպներ՝ ըստ ցանկության։ Այսպիսով, ինչպե՞ս պատրաստենք այս կոկտեյլը։

Սկսենք լիկյորի ընտրությունից, քանի որ անհրաժեշտ է ընտրել հարուստ և քաղցր տարբերակ։ Սովորաբար Kir Royale-ի բաղադրությունում նախընտրելի է օգտագործել Creme de Cassis լիկյորի տարբերակները՝ մուգ և հյութալի կարմիր երանգով։ Լիկյորի քաղցրությունը կոտրելու ու նոր համային նոտա ստեղծելու համար հարկավոր է ավելացնել շամպայնը։ Համադրության արդյունքում խառնվում են լիկյորի քաղցր և շամպայնի թթու համային երանգները։ Կոկտեյլը կարելի է համադրել տարբեր պանիրների, ծովամթերքի, շոկոլադի ու մրգերի հետ, որոնցից յուրաքանչյուրի հետ համադրվելիս այն ձեզ կտա նոր զգացմունքներ։

Ամփոփե՞նք

Այսօր կարող ենք ստեղծել կոկտեյլների ամենատարբեր տեսակները, համադրել ալկոհոլային խմիչքների ամենավառ նոտաները և տոնական տրամդրությունը դարձնել էլ ավելի ջերմ ու հիշարժան։ Համային տեղատարափի մեջ, կարևոր է ուշադրություն դարձնել կոկտեյլների բաղադրիչների որակին ու հուսալիությանը, հատկապես, երբ խոսքը վերաբերում է ալկոհոլային խմիչքներին։ Խմիչքները գնեք միա՛յն վստահելի ու ճանաչված ալկոհոլային խմիչքներից, խուսափեք կեղծ, կասկածելի կամ արդեն իսկ բացված խմիչքներ գնելուց և ընտրեք միայն լավագույնը՝ լավագույն տոնական հավաքույթների համար։ Եվ այսպես, ո՞ր կոկտեյլից սկսենք։