Ժամանակի փորձությանը դիմակայել են միայն լավագույն խմիչքները, որոնցից մեկը բոլորիս կողմից սիրված Նեգրոնին է։ Այն ունի նռագույն հարուստ երանգ և բալանսավորված դառնություն, որն ավելի քան մեկ դար հմայել է շատերին։ Այսօր այն դարձել է իտալական ոճի, հմայքի և ճաշակի խորհրդանիշ։ Նեգրոնին կարող եք վայելել ընթրիքից առաջ որպես ապերիտիվ կամ դրսում՝ վայելելով մտերիմների ջերմ միջավայրը։ Այն պարզապես կոկտեյլ չէ, այլ՝ իտալական մշակույթի մի մասը։
Բացահայտենք Նեգրոնի կոկտեյլը
Նեգրոնի կոկտեյլ պատրաստելու համար անհրաժեշտ է երեք հավասար բաղադրիչներ՝ ջին, Կամպարի և քաղցր վերմուտ։ Բաղադրիչները խառնվում են, բայց երբեք հարկավոր չէ թափահարել, իսկ զարդարելիս սովորաբար օգտագործվում է նարնջի կեղև։ Այս կոկտեյլը միաժամանակ թարմացնող է և ունի բազմաշերտ համ։ Կամպարիի դառնությունը, վերմուտի բուսային հոտը և ջինի սրությունը միասին ստեղծում են յուրահատուկ համ՝ որը սիրելի է թե՛ փորձառու կոկտեյլասերների, թե՛ նոր փորձողների համար։
Թեև պարզ բաղադրատոմս ունի, Նեգրոնին այն կոկտեյլներից է, որին պետք է լուրջ վերաբերվել։ Այն թունդ խմիչք է, որին շատերը նաև կկոչեին համարձակ։
Նեգրոնիի ծագում
Նեգրոնի կոկտեյլը ստեղծվել է Իտալիայի Ֆլորենցիա քաղաքում՝ 1919 թվականին։ Ըստ հայտնի պատմության՝ կոմս Կամիլո Նեգրոնին այցելել է Caffè Casoni սրճարանը (այժմ՝ Caffè Giacosa) և բարմեն Ֆոսկո Սկարսելլիին խնդրել է ուժեղացնել իր սովորական Ամերիկանոն՝ գազավորված ջուրը փոխարինելով ջինով։ Բարմենը կատարել է խնդրանքը և նարնջի կեղևով է զարդարել ըմպելիքը՝ ցույց տալու համար, որ այն նոր տարբերակ է։
Նոր կոկտեյլը շատ արագ հայտնի է դարձել կոմսի ընկերների և քաղաքի բարձր խավի շրջանակներում։ Շուտով մարդիկ սկսել են պատվիրել «Նեգրոնի», ի պատիվ կոմսի։ Այդպես ծնվել է նոր ըմպելիք՝ որը մարմնավորում է 20-րդ դարասկզբի իտալական նրբաճաշակ ոճն ու պարզությունը։
Նեգրոնին ժամանակակից իրականությունում
Նեգրոնին պատրաստվում է երեք հավասար մասերով, ինչի արդյունքում ստացվում է խմիչք՝ համեմված քաղցր, դառը և ուժեղ համերի կատարյալ համադրությամբ։
Շատերը Նեգրոնին օգտագործում են նաև ալկոհոլային խմիչքների այլ բաղադրատոմսերում, ավելացնում են այս կամ այն խմիչքը, համեմունքը կամ դետալը։ Շատերն էլ պարզապես վայելում են իտալական ջերմությամբ լի պարզ կոկտեյլը։
Ինչպես արդեն գիտենք, Նեգրոնին ունի վառ կարմիր գույն, այդ իսկ պատճառով մեր օրերում բազմիցս կնկատեք սոց․ հարթակներում այս խմիչքով լի լուսանկարներ։ Այն իսկապես գեղեցկության ու պատմության կատարյալ համադրություն է։
որը վայելում ենք մինչ այսօր Եթե հետաքրքրված եք Նեգրոնի խմիչքով, ապա լսած կլինեք ամբողջ աշխարհում Negroni Week-ի (Նեգրոնիի շաբաթ) մասին։ Այս շաբաթվա ընթացքում Նեգրոնիի սիրահարները միավորվում են՝ տոնելու այս լեգենդար կոկտեյլի արմատները։ Այս շաբաթվա խրախճանքին մասնակցում են նաև ամբողջ աշխարհի ուշադրությունը վայելող ռեստորաններն ու բարերը և առաջարկում են թե՛ դասական, թե՛ այլընտրանքային տարբերակներ, իսկ հավաքված հասույթը ուղարկում են բարեգործության։
Լոս Անջելեսում, Տոկիոյում, Փարիզում և այլ քաղաքներում Նեգրոնին շարունակում է տեղ գտնել լավագույն կոկտեյլների մենյուներում և վայելվում է նոր սերնդի ըմպելիք սիրահարների կողմից, ովքեր գնահատում են նրա պատմությունն ու նրբագեղությունը։
Եկեք պատրաստենք դասական Նեգրոնի
Եթե ցանկանում եք փորձել այն խմիչքը, ահա ավանդական բաղադրատոմսը։
Բաղադրիչներ
● 30 մլ ջին
● 30 մլ Կամպարի
● 30 մլ քաղցր վերմուտ
● Նարնջի կեղև՝ զարդարման համար
Պատրաստման եղանակը
● Բոլոր բաղադրիչները լցրեք սառույցով լի շեյքերի մեջ։
● Խառնեք այնքան ժամանակ, մինչև խառնուրդը սառչի։
● Զարդարեք նարնջի կեղևով։
Ահա և պատրաստ է իտալական խմիչքը։
Նեգրոնին ավելին է, քան պարզապես ըմպելիք։ Այն իտալական նրբաճաշակության, նորարարության և ոճի մշտական խորհրդանիշն է։
Դե, իսկ Նեգրոնիի բաղադրիչներն ընտրեք միայն ամենաորակյալը, որպեսզի վերջնական արդյունքը լինի կատարյալ։ Դրա համար, այցելեք Վինո Վինո ալկոհոլի մասնագիտացված խանութ սրահ, որտեղ կգտնեք ձեզ անհրաժեշտ լավագույն տեսականին։
Պատրաստե՛ք իտալական խմիչքը հենց ձեր ձեռքերով։
