Ջինի արտադրության պատմությունն ու էվոլյուցիան

Գրավելով համաշխարհային շուկան, ասում են, որ առաջիկա հինգ տարիների ընթացքում ջին խմիչքի համաշխարհային ծավալը կհասնի մինչև 152,9 միլյոն լիտրի։ Ջինը հաճախ վերագրվում է մշակույթի զարգացման, նորարարության և ադապտացիայի հետ։ Այս խմիչքն ի սկզբանե օգտագործվում էր Հոլանդիայում՝ որպես դեղամիջոց, ապա ենթարկվեց մշակման և դարձավ մեր օրերի ամենասիրված ալկոհոլային խմիչքներից մեկը։ Այսպիսով, ստորև կպարզենք մեր օրերում ամենասիրված ալկոհոլային խմիչքներից մեկի պատմությունը, ինչպես նաև կուսումնասիրենք մի քանի հետաքրքիր ջին կոկտեյլներ։

Խմիչք ջին, սկզբնաղբյուրն ու պատմությունը

Թե որտեղ է Ջինն առաջին անգամ արտադրվել՝ հայտնի չէ, և շատերն այս հարցի համար ունեն տարբեր պատասխաններ։ Սակայն, հայտնի է, որ այս խմիչքն առաջին անգամ արտադրվել է միջին դարերում՝ որպես դեղամիջոց։ Այն արտադրվում էր գիհու հատապտուղներից՝ հայտնի իրենց բուժիչ հատկություններով։

Ջինի զարգացման գործընթացում մեծ ազդեցություն ուներ Հոլանդիան՝ իր գենևեր (genever) գիհուց պատրաստված խմիչքով։

16-րդ դարում Հոլանդացի բժիշկ Ֆրանցիսկոս Սիլվիուսն իր ազդեցությունն ուներ մեր օրերում հայտնի ջինի զարգացման գործում, նա բարելավեց խմիչքի համը և թույլ տվեց խմիչքը դիտարկել որպես ավելին՝ քան հասարակ դեղամիջոցը։ Խմիչքը տարածվեց հոլանդացի վաճառականների ու նավաստիների կողմից, երբ տարբեր երկրներ գնալիս, նրանք իրենց հետ տանում էին նաև ջին։

Ջինը Մեծ Բրիտանիայում

Ջինի տարածումը Բրիտանիայում փոխկապակցված է քաղաքական և մշակութային տեղաշարժերով: Բժշկական օշարակը, գենևերը, ուշադրության արժանացավ հոլանդացի Ուիլյամ Օրանժի անգլիական գահ բարձրանալուց հետո։ Այս ընթացքում կառավարությունը մեծ հարկեր սահմանեց ոգելից խմիչքների ներկրման վրա, ինչի արդյունքում տեղացիները սկսեցին արտադրել սեփական ջինը։ Արտադրության սկզբնական շրջանում ջինը նման էր հոլանդականին, իսկ հետո նրանք ինտեգրեցին նաև արտադրության սեփական եղանակները և զարգացրին խմիչքի առանձնահատկությունները։

Ոգելից խմիչքների ապակարգավորման ընթացքում ջինի արտադրությունը դարձավ համատարած։ Խմիչքը դարձավ ավելի մատչելի և հասանելի։ Երկու դար հետո՝ 18-րդ դարում, Բրիտանիան բախվեց ջինի հանդեպ կախվածության, որը պայմանավորված էր խմիչքի արտադրության և սպառման զանգվածային աճով։ Այս կտրուկ փոփոխությունը մեծապես կապված էր սոցիալական խնդիրների՝ ալկոհոլիզմի և բռնության հետ։

Որպես լուծում, Բրիտանիան նվազեցրեց խմիչքի արտադրությունն ու սպառումը, ինչի սկզբանական ազդեցությունն այդքան էլ նկատելի չէր։ Սակայն 1751 թվականին այս օրենքը սահմանեց ավելի խիստ պատժամիջոցներ, որն էլ նպաստեց ջինի արտադրության անկմանը։

Ջինի արտադրությունը 19-րդ դարում

Ահա, թե ինչ ճանապարհով է զարգացել մեր օրերի հայտնի ջինի արտադրությունը։ Ի տարբերություն գենևերի, ժամանակակից ջինն ունի ավելի պարզ բաղադրություն, ավելի թեթև և չոր համային նոտաներ։

Արտադրությունն է՛լ ավելի զարգացավ երբ, 19-րդ դարում, հայտնագործվեցին շարունակական աշխատանք ապահովող մեքենաները, որոնք նաև սկսեցին կիրառվել ջինի արտադրության գործընթացում։ Արդյունքում ստեղծվեց ավելի մաքուր բաղադրությամբ խմիչք, որը ժամանակաշրջանի ամենամեծ հայտնագործություններից մեկն էր, քանզի թույլ էր տալիս մեծ քանակությամբ արտադրել բոլորի կողմից սիրված խմիչքը։

Ջինը 21-րդ դարում

Ժամանակի ընթացքում արտադրության գործընթացն է՛լ ավելի զարգացավ, ի հայտ եկավ ջինից պատրաստված կոկտեյլների հարուստ տեսականի, որոնցից յուրաքանչյուրն ուներ ինչ-որ յուրահատկություն։ Մեր օրերում ջինը ոչ միայն համեղ ալկոհոլային խմիչք է, այլ նաև դասական ու ժամանակակից մի շարք կոկտեյլների անբաժանելի մասը․ Մարտինի, Ջին և Տոնիկ, Նեգրոնի և այլն։ Այսպիսով, ջինը սիրված է նաև կոկտեյլների սիրահարների կողմից, քանզի թույլ է տալիս ոչ միայն պատրաստել բոլոր ժամանակաների սիրված կոկտեյլները, այլ նաև ունենալ բաղադրատոմսերի շարունակական աճ։

Մեր օրերում ջինի հանդեպ սերը տարածված է ամբողջ աշխարհում, գոյություն ունեն ջինի բազում տեսակներ՝ Իտալիայից, Ֆրանսիայից, Գերմանիայից և, իհարկե, Միացյալ Թագավորությունից։ Ահա մի քանի օրինակներ․

• WINDSPIEL "Van Volxem" Premium Dry Gin. Չոր ջինն ունի գերմանական արտադրություն և կարելի է ըմպել ինչպես առանձին, այնպես էլ ներառել կոկտեյլների բաղադրություններում (Pink Gin Tonic, Cucumber Gimlet կամ Green Apple Mule):

• BEEFEATER London Dry Gin. Չոր ջինն արտադրված է Միացյալ Թագավորություններում՝ Լոնդոնում։ Այն ունի ծաղկային բույր և ցիտրուսային համային նոտաներ։ Կարելի է ներառել Ջին և Տոնիկ կոկտեյլի բաղադրությունում։ Ջինի այս տեսակն ունի մի քանի համեր․ ելակ, նարինջ և դասական։

• MALFY "Gin Rosa"․ Իտալական չոր ջինն արտադրվում է Սիցիլիայի վարդագույն թուրինջներից և, արդյունքում, ստանում է թուրինջի հյութալի վարդագույն երանգը։

Ջինի յուրաքանչյուր տեսակ առանձնանում է իր յուրահատկությամբ, որոշ տեսակներ նախատեսված են կոկտեյլների համար, իսկ մյուսները կարելի է ըմպել ինչպես առանձին, այնպես էլ որպես կոկտեյլ։

Ամփոփում

Հասարակ դեղամիջոցից մինչև ամենասիրված ալկոհոլային խմիչքը։ Ջինը պատկանում է հարուստ պատմություն ունեցող խմիչքների դասին, որոնք դարեր շարունակ ականատես են եղել զարգացման ամենատարբեր փուլերին, մշակույթներին ու ավանդույթներին, իսկ վերջում, մեզ են հասել որպես ամենաորակյալ խմիչք՝ վայելելու նրանց արտասովոր և ազդեցիկ էությունը։