Փրփրուն գինի և լարային երաժշտություն, վիսկի և բլյուզ՝ ընտրված նվագացանկեր յուրաքանչյուր ըմպելիքի համար

Նուրբ համեր ու ներդաշնակ ակորդներ, ըմպելիքներն ու երաժշտությունն այն երկու արվեստ են, որոնք կարող են միմյանց փոխլրացնել։ Բարձրորակ վիսկի կամ գինի համտեսելիս, մեզ հարկավոր է ոչ միայն ճիշտ ջերմաստիճանը կամ բաժակը, այլև՝ ճիշտ հնչյունային միջավայրը։ Այսպիսով, ինչպե՞ս ստեղծել փրփրուն գինու, վիսկիի ու գինու և երաժշտության համադրություն։

Փրփրուն գինիներն ու լարային երաժշտությունները

Փրփրուն գինիները՝ շամպայնը, պրոսեկոն կամ կավան, թեթև ըմպելիքներ են, որոնք ինքնաբերաբար բերում են տոնական տրամադրություն։ Այս գինիներն առավելապես գեղեցիկ համադրվում են լարային երաժշտության նրբագեղության հետ։ Հնչող վիոլոնչելը, ջութակը կամ դաշնամուրի միջոցով կարելի է ստանալ նուրբ հնչողություն, որը կընդգծի խմիչքի ամբողջ էությունը։

Փրփրուն գինիների երգացանկ

• Ludovico Einaudi – "Nuvole Bianche"

• Ólafur Arnalds – "Near Light"

• Yiruma – "Kiss the Rain"

• Max Richter – "On the Nature of Daylight"

• Balmorhea – "Remembrance"

Իսկ ինչպե՞ս ընտրել փրփրուն գինինե

Ընտրեք փրփրուն գինիներ՝ նուրբ պղպջակներով։ Որքան պղպջակներն ավելի մանր են, այնքան նրբագեղ է տպավորությունը։ Խուսափեք չափազանց քաղցր (Demi-Sec կամ Doux) տարբերակներից։ Brut կամ Extra Brut տեսակներն առավել համահունչ են նուրբ երեկոներին երաժշտություն վայելելու համար։

Մատուցման ջերմաստիճանը նույնպես կարևոր է, այն պետք է լինի մոտ 6–8°C։

Վիսկի և բլյուզ երաժշտություն

Վիսկին՝ իր խորությամբ, մոխրագույն երանգներով ու երկարավուն հետհամով, պահանջում է երաժշտություն, որն ունի նման հոգևոր խորություն։ Իսկ ի՞նչն է ավելի հարմար և «ծանր»՝ եթե ոչ բլյուզը։ Բլյուզը խոսում է կյանքի փորձառությունների, զգացմունքային վերելքների ու անկումների մասին՝ ճիշտ այնպես, ինչպես վիսկին՝ իր տարիքով ու ծագմամբ։

Վիսկի ըմպելիս, կարող եք փորձել հենց այս երգացանկը՝

• B.B. King – "The Thrill Is Gone"

• Gary Clark Jr. – "Bright Lights"

• Etta James – "I'd Rather Go Blind"

• Muddy Waters – "Mannish Boy"

• Joe Bonamassa – "Driving Towards the Daylight"

Խորհուրդ՝ վայելեք այս նվագացանկը միայնակ կամ մտերմիկ զրույցների ժամանակ՝ բուրգեր կամ համեղ մսային ճաշացանկեր փորձելիս։

Վիսկիի ընտրությունը

Հնեցման տարիքը դիտարկեք որպես երաժշտական «խորություն»։ 12-15 տարեկան վիսկիները զգալիորեն ավելի հարուստ են։

Համային նոտաներ ընտրեք ըստ տրամադրության. Եթե ցանկանում եք վայելել ավելի զգացմունքային երաժշտություն, ապա ընտրեք խորը ու ծխային վիկի, իսկ մեղմ երաժշտության դեպքում՝ ընտրեք նուրբ նոտաներով վիսկիները։

Կարմիր և սպիտակ գինի՝ ըստ տրամադրության

Գինու  բազմազանությունը երբեմն թույլ է տալիս վայելել ամենատարբեր երաժշտական ոճերը։ Կարմիր գինին՝ հարուստ և խոր, հաճախ պահանջում է ջազ կամ ինդի երաժշտություն, մինչդեռ սպիտակը՝ թեթև և թարմացնող, հրաշալիորեն զուգակցվում է փոփ կամ բոսանովայով։

Կարմիր գինի ընտրելու դեպքում, կարող եք դիտարկել հետևյալ երգացանկը՝

• Norah Jones – "Come Away With Me"

• Chet Baker – "My Funny Valentine"

• Amy Winehouse – "Love Is a Losing Game"

• The Cinematic Orchestra – "To Build a Home"

• Melody Gardot – "Baby I'm a Fool"

Իսկ սպիտակ գինի ընտրելու դեպքում՝

• João Gilberto – "Desafinado"

• Corinne Bailey Rae – "Put Your Records On"

• Jack Johnson – "Banana Pancakes"

• Feist – "1234"

• Jason Mraz – "I'm Yours"

Ինչպես ընտրել կարմիր և սպիտակ գինիներ

Կարմիր գինի ընտրելիս կարևոր է հաշվի առնել դրա մարմինը, թթվայնությունը և տարիքը։ Թեթև մարմնեղությամբ կարմիրները, ինչպես Pinot Noir-ը, հարմար են թեթև ուտեստների և բանջարեղենի հետ, մինչդեռ լի մարմնեղությամբ՝ Cabernet Sauvignon կամ Syrah-ը լավագույնն են խիտ մսային ուտեստների համար։ Գինու տարիքը նույնպես կարևոր է՝ երիտասարդ գինիները թարմ ու մրգային են, իսկ հնացածները՝ շատ տանիններով։ Սպիտակ գինիների դեպքում կարևոր է ընտրել ըստ համային բնույթի և մարմնեղության. թարմ, թթվաշ Sauvignon Blanc-ը հարմար է ծովամթերքի և աղցանների հետ, իսկ հնեցված Chardonnay-ն՝ յուղոտ ուտեստների։

Ընդհանուր առմամբ, գինու ընտրությունը պետք է հարմարեցված լինի ձեր նախասիրություններին և ուտեստներին, որոնց հետ այն համադրվում է։ Կարևոր է ուշադրություն դարձնել նաև գինու սառեցման և մատուցման ջերմաստիճանին, քանի որ դա զգալիորեն ազդում է համի վրա։ Եթե նոր եք գինու աշխարհում, խորհուրդ է տրվում փորձել տարբեր տեսակներ և հարցնել մասնագետների խորհուրդները՝ ավելի լավ հասկանալու համար ձեր ճաշակը։ Ի դեպ, մասնագիտացված խորհրդատվություն կարող եք ստանալ Վինո Վինո խանութ սրահում։

Երբ հաջորդ անգամ բացեք փրփրուն գինու շիշ կամ լցնեք վիսկի՝ մի մտածեք միայն համի մասին։ Մտածեք նաև հնչյունների մասին։ Թող յուրաքանչյուր ակորդ ու կում դառնան ձեր լավագույն ժամանցի անբաժանելի մասը։