Վայելեք ամառը այն դարձնելով յուրահատուկ, գինու իդեալական տարբերակներ սեզոնային խորովածի հետ կատարյալ համադրման համար

Երբևէ հետաքրքրե՞լ է, թե ինչո՞ւ են շատերը խորովածը համադրում ոգելից խմիչքների հետ։ Ո՞չ։ Ահա, թե ինչու։ Խորոված կարող է լինել ինչպես միսը, այնպես էլ բանջարեղենը, որոնցից երկուսն էլ կատարելապես համադրվում են ոգելից խմիչքների հետ՝ լինի դա գինի , թե թարմացնող շամպայն։ Իսկ ամառային կատարյալ եղանակին շատերս ենք շտապում կրկնել բնության գրկում խորոված վայելելու հին ավանդույթը։

Ամառ և ոգելից խմիչքներ

Ամռանը ոգելից խմիչքներ օգտագործելիս հարկավոր է հաշվի առնել շոգ եղանակը, ինչը երբեմն ալկոհոլի հետ համադրվելիս առաջացնում է ջրազրկում և սրտի արագ աշխատանք։ Նման դեպքերից խուսափելու համար կարող եք ընտրել թեթև՝ ամառային խմիչքներ, որոնք նույնիսկ ամենաշոգ օրերին վնաս չեն հասցնի ձեր ինքնազգացողությանը։

Ինչպե՞ս ընտրել գինի՝ ամռան ընթացքում

Անհրաժեշտ է ընտրել ալկոհոլի ցածր մակարդակ (12%) պարունակող խմիչքներ, որոնք օրգանիզմում չեն առաջացնում ջրազրկում և ավելի թեթև են՝ խորովածների հետ համադրելու համար։ Օրինակ՝ եթե գինու մեծ սիրահար եք, ապա կարող եք ընտրել սպիտակ, վարդագույն, կամ՝ կարմիր գինի։ Ահա, թե ինչպես կատարել ընտրություն։

Սպիտակ գինի

Սպիտակ գինին հայտնի ընտրություն է ամռան ընթացքում։ Այն սովորաբար ունի ալկոհոլի ավելի քիչ մակարդակ և թարմացնող հատկություններ։ Ստորև կքննարկենք սպիտակ գինիների մի քանի տեսակներ և կօգնենք ձեզ կատարել ճիշտ ընտրություն՝ համապատասխան ձեր նախընտրությանը։

• Sauvignon Blanc․ Այս տեսակին բնորոշ է հատուկ թթվայնությունը և թարմացնող ցիտրուսի ու կանաչ խնձորի համային նոտաները։ Վինո Վինո խմիչքի մասնագիտացված խանութ-սրահում կարող եք գտնել Sauvignon Blanc-ի մի քանի տեսակներ, արտադրված Նոր Զելանդիայում, Իտալիայում, Ավստիայում, Չիլիում և Ֆրանսիայում։ Կարող եք համադրել խորոված բանջարեղենի, ինչպես նաև պանրային տեսակների հետ։
• Pinot Grigio․ Թեթև սպիտակ գինի՝ տանձի, ցիտրուսային մրգերի և կանաչ խնձորի համային նոտաներով։ Այն համարվում է Pinot Noir խաղողի մուտացիոն կլոն, որն առաջին անգամ աճել է Բուրգունդիայում, Ֆրանսիա։ Այսօր այն լայնորեն տարածված է Միացյալ Նահանգներում, Իտալիայում, Ֆրանսիայում, Գերմանիայում և գինեգործական այլ շրջաններում։ Նրբերանգ համային նոտաների շնորհիվ կարող է համադրվել հավի խորոված կրծքամսի, խոզի փափկամսի, ձկների և այլ ծովամթերքի հետ։

Սպիտակ գինիների թեթև մրգային ու ցիտրուսային համային երանգները երբեմն հենց այն է, ինչ կարող է իսկապես ստեղծել կատարյալ հանգիստ՝ համադրելով դրանք համեղ խորոված մսի կամ բանջարեղենի հետ։

Վարդագույն գինի

Վարդագույն գինին ունի ավելի յուրահատուկ համային նոտաներ, ուստի՝ ընտրություն կատարելիս անհրաժեշտ է հաշվի առնել համային նոտաները, ալկոհոլի պարունակությունը և ուտեստի տեսակը, որի հետ ցանկանում եք ստեղծել գինու համադրություն ։ Ահա, վարդագույն գինու երկու տեսակ․​

• Provence Rosé․ Ունի թույլ վարդագույն երանգ և համային չոր նոտաներ։ Հայտնի է իր նրբագեղության, կարմիր մրգերի ու ցիտրուսի համային նոտաներով։ Գինին ունի ֆրանսիական արմատներ՝ առաջին անգամ արտադրվել է Պրովանս շրջանում, որը հայտնի է վարդագույն գինիների արտադրությամբ։ Կարող եք համադրել խորոված սաղմոնի, հնդկահավի, կարտոֆիլի, և այլ խորոված ուտեստների հետ։
• Novel Rose. Հայկական ծագում ունեցող վարդագույն գինին հայտնի է դաշտային ծաղիկների, մրգերի և հատապտուղների համային երանգներով։ Կարող եք համադրել խորոված ծովամթերքի, ինչպես նաև պանրի ու աղանդերի հետ։

Վարդագույն գինիները մշտապես գերազանց ընտրություն են ամառային շոգին թարմանալու և յուրահատուկ համադրություններ ստեղծելու համար։ Այսպիսով, եթե ցանկցանում եք փորձել նոր համային նոտաներ, ապա կարող եք ընտրել վարդագույն գինիների լայն տեսականուց ձեր նախընտրելին՝ Վինո Վինոյից։

Կարմիր գինի

Բոլորիս հայտնի կարմիր գինին ունի ամենաբազմազան համային նոտաները, բնութագրերը և արտադրող երկրները։ Այն սիրված ընտրություն է բազում սոմելիերների կողմից, ինչպես նաև նրանց կողմից, ովքեր մշտապես գերադասում են դասական ընտրությունը։ Այսպիսով, ահա կարմիր գինիների երկու տեսակ, որոնք կհամադրեն ձեր ամառային ուտեստը։

• Cabernet Sauvignon․ Կարմիր գինու հայտնի տեսակն արտադրվում է Իտալիայում, Չիլիում, Ֆրանսիայում, Բուլգարիայում, Ավսրտալիայում, Միացյալ Նահանգներում և այլ երկրներում։ Գինին սովորաբար ունենում է տարբերվող երանգներ, սկսած գունատ ռուբի քարի երանգից, մինչև մուգ մանուշակագույն։ Կարող է համադրվել կարմիր մսի, ինչպես նաև պաստաների ու պանիրների հետ։
• Merlot․ Խմիչքի անունը հուշում է խաղողի տեսակը․ հենց Merlot խաղողից արտադրվող կարմիր գինին ստեղծում է այս գինու յուրահատուկ համային նոտաները։ Այն ըմպելիս կարող եք զգալ մրգային խառնվածքի նոտաներ։ Կարող է համադրվել խորոված սաղմոնի և հավի մսի հետ։

Կարմիր գինին նաև լայնորեն արտադրվում է Հայաստանում և ներկայացնում համային ամենատարբեր տեսակները։ Սկսած կիսաքաղցր տեսակից, մինչև քաղցրն ու չորը։ Այսպիսով, ձեր ամառային հավաքույթի կարմիր գինին ձեռք բերեք Վինո Վինո ալկոհոլի վստահված խանութ-սրահից։

Ամփոփում

Գինին դասական ընտրություն է ալկոհոլային խմիչքների լայն տեսականիում։ Այն ունի տարբեր տեսակներ և համային ամենահարուստ նոտաները, որոնք կարող են համադրվել ամենաբազմազան ուտեստների հետ։ Այսպիսով, այս ամառ վայելեք ամենատարբեր գինիները՝ Վինո Վինոյից։