Սպիտակ գինու և սննդի լավագույն համադրությունները

Գինիների աշխարհում կողմնորոշվելը երբեմն կարող է պահանջել գիտելիքների որոշակի պաշար, ինչն էլ տալիս է երկար մտորումների տեղիք։ Այնուամենայնիվ, հնարավոր է ստանալ գինու և ուտեստի այնպիսի համադրություններ, որոնք երկար կհիշվեն յուրաքանչյուրի կողմից։

Գաղտնիք չէ, որ որոշ ուտեստների հետ համադրելի է միայն սպիտակ գինին։ Իսկ ինչպե՞ս առաջնորդվել խմիչքի ընտրության հարցում։ Ստորև կքննարկենք և կուսումնասիրենք։

Սպիտակ Գինու ընտրության մի քանի սկզբունք

Սպիտակ գինի ընտրելիս անհրաժեշտ է հաշվի առնել անհատական նախասիրությունները և հասկանալ տարբեր գինիների առանձնահատկությունները։ Իսկ ամենագլխավորը՝ ուշադրություն դարձնել գինիների համային նոտաներին, որոնցից յուրաքանչյուրը հիանալի համադրություն կկազմի այս կամ այն ուտեստի հետ։ Այսպիսով, սպիտակ գինի ընտրելիս կարող եք առաջնորդվել հետևյալ գործոններով։

• Սպիտակ գինիների տարբերությունը․ Հայտնի է, որ յուրաքանչյուր գինի օժտված է յուրահատուկ համով, որը կարող է լինել ինչպես չոր և բարձր թթվայնությամբ, այնպես էլ թեթև ու քաղցր նոտաներով։ Անձի սեփական նախընտրությունը նույնպես կարևոր դեր ունի։ 

• Գինու համը․ Գինին ընտրելիս անհրաժեշտ է հաշվի առնել մատուցվող սնունդի տեսակը։ Օրինակ նրբահամ ուտեստի դեպքում առավել նախընտրելի է պարզ համահոտային սպիտակ գինի ընտրել, որը կարող է դառնալ կատարյալ համադրություն և լրացնել տվյալ ուտեստը։ Մինչդեռ ծանր բաղադրությամբ ուտեստների դեպքում, ցանկալի է ավելի հարուստ համային նոտաներ պարունակող սպիտակ գինին։

• Թթվայնության մակարդակը․ Սնունդի հետ համադրելիս մեծ ազդեցություն ունի նաև գինու թթվայնության մակարդակը․ բարձր թթվայնությամբ գինիներն ավելի լավ են համակցվում ծովամթերքի և աղցանների հետ, իսկ ցածր թթվայնությամբ գինիները լրացնում են սպիտակուց պարունակող ուտեստները:

• Քաղցրության մակարդակը. Սպիտակ գինիներն ունեն ինչպես չոր, այնպես էլ քաղցր համ։ Չոր և քաղցրահամ գինիները հիանալիորեն համադրվում են կծու սնունդի կամ աղանդերի հետ՝ հաղորդելով սնունդին կատարյալ համային համադրություն։

​Սպիտակ գինիների տեսակները և դրանց համադրությունները

Ստորև կխոսենք գինիների 5 տեսակների մասին, որոնք ընթրիքին հաղորդում են նոր ու նրբերանգ համ։

1. Kris Pinot Grigio. Դասական Ընտրություն

KRIS Pinot Grigio ունի նուրբ և թարմեցնող համ, ծաղիկների և մեղրի նոտաներով։ Բաց դեղնավուն գույնով և կանաչավուն փայլով, գրավիչ ակացիայի ծաղիկների, ցիտրուսային , ծիրանի և նուշի երանգներով։ Խորհուրդ է տրվում համադրել աղցանների, տապակած բանջարեղենների, ռիզոտտոյի, թեթև մակարողենի, սպիտակ մսի կամ սաղմոնի հետ։ 

2. FANTINI Trebbiano D'Abruzzo. Իտալիայի Աստղ

Այս գինին սկիզբ է առել Իտալիայի Աբրուցո շրջանում և առանձնանում է քաղցր նրբերանգներով, մասնավորապես՝ դեղձի և նուշի։ Գինին հրաշալիորեն համադրվում է սպիտակ մսի, հյութալի տապակված հավի հետ։ Հաճելի համադրություն կարելի է ստանալ նաև պանրի նախընտրելի տեսակների հետ։

3. SAN MARZANO Edda Bianco Salento IGP. Հարավի Ջերմություն
 

Ծղոտագույն, ոսկեգույն փայլով, ծաղկային, դեղձի և նուրբ վանիլային բույրերով։ Հարուստ է իր նրբությամբ և թարմությամբ։ Այս գինին հիանալի համադրվում է նախաուտեստների, ձկան և պանրի հետ։ 

4․ YACOUBIAN-HOBBS White Blend. Հայկական Սպիտակ Գինի

Այս գինին կարող է զարմացնել իր բուրմունքի բազմաշերտությամբ՝ շնորհիվ ավանդական և ժամանակակից գինու պատրաստման յուրահատուկ համադրության։ Թարմեցնող սեխին և կանաչ խնձորին փոխարինելու են գալիս նուշի, լայմի բույրերը, որոնք ունեն երկարատև հետհամ։ Գինին կարելի է համադրել Արևելյան ուտեստների, թաբուլեի հետ, որոնք կստեղծեն համերի գեղեցիկ սիմֆոնիա։

5. CAPRAE Dry White. Երիտասարդության շունչ

Գինու համը բացվում է փուլ առ փուլ․ զգում ես գինու բնական ծագումը, աննշան դառնությունը, իսկ հետո՝ երկարատև, անմոռանալի հետհամը։ Սա ընթրիքի Ձեր իդեդալական տարբերակն է՝ լավագույնս համադրելով ծովամթերքի, պանրի և շատ այլ ուտեստների հետ։