Հայկական կոնյակի հարուստ պատմությունը

Հայկական կոնյակի արմատները սկիզբ են առել 19-րդ դարից, երբ երկու եղբայրներ՝ Վասիլի ու Ներսես Թաիրյանը սկսել են կոնյակի արտադրության մեկնարկը։ Խմիչքը արտադրել են ֆրանսիական տեխնոլոգիաների օգնությամբ, որոնք այն ժամանակ համարվում էին ժամանակաշրջանի ամենաարդի տարբերակները։
 

Կոնյակի արտադրության սկիզբը Երևանում
 

Նոր խմիչքի արտադրությամբ ոգեշնչված, Ներսես Թաիրյանը Երևանի բերդում գնել է որոշակի հողատարածքներ, վերածել դրանք խաղողի հարուստ այգիների, դարձնելով դրանք հայկական խաղողի անբաժանելի բաղադրիչը։

Հասուն խաղողների և անհրաժեշտ տեխնոլոգիայի շնորհիվ, Թաիրյանը 1874 թվականին հիմնել է գինու և օղու արտադրության գործընթացը Երևանում։ Արդյունքում հիմնված գործարանը համարվել է առաջին մասնագիտացված և կատարելագործված արտադրողը։
 

Հայկական կոնյակն արտերկրում
 

Նոր բարձունքներ գրավելու համար Թաիրյանը սկսեց համագործակցել Ռուսական Կայսրությունում հայտնի՝ «Շուստով և որդիներ» ընկերության հետ։ Հայկական կոնյակը շատ արագ արժանացավ միջազգային ճանաչման՝ արժանանալով մրցանակների տարբեր ցուցահանդեսներում ու մրցույթներում։

Սակայն կոնյակի վերելքի սկիզբը դրվեց 1900 թվականին, երբ «Շուստով և որդիներ» ընկերությունը ստացավ Փարիզի համաշխարհային ցուցահանդեսի Գրան պրին։
 

Անցյալի հայտնիները և հայկական կոնյակը
 

Գաղտնիք չէ, որ անցյալում բազում հայտնի անձինք նախընտրում էին հենց հայկական կոնյակն՝ իր բազմազան տեսակներով։ Ամենահայտնի օրինակը Վինստոն Չերչիլն էր, ում համար կոնյակի առաջին ընտրությունը հայկական ԱՐԱՐԱՏ կոնյակն էր։

Ըստ Չերչիլի դստեր՝ բրիտանացի վարչապետն առաջին անգամ համտեսել է հայկական կոնյակը Ստալինի գրասենյակում՝ Ղրիմի կոնֆերանսի ժամանակ, 1945 թվականին։ Կոնյակը փորձելուց հետո, Չերչիլն այնքան է հավանել խմիչքը, որ հարցրել է Ստալինին, թե ինչպես գնի մի քանի շիշ հայկական կոնյակ։ Ի պատասխան ինչի, Ստալինն ամեն տարի վարչապետին ուղարկում էր 12 շիշ հայկական կոնյակ։ Դարձնելով այն հայկական ամենահայտնի կոնյակներից մեկը։
 

Հայկական կոնյակի տեսակներն այսօր
 

Հայկական կոնյակն առանձնանում է արտադրության յուրահատուկ գործընթացով՝ համատեղելով տեղական խաղողը և կրկնակի թորման ավանդական գործընթացը։ Կոնյակի արտադրության գործընթացում նաև կարևոր է խմիչքի հնեցումը․ տակառները հաճախ պահվում են ստորգետնյա նկուղներում, որտեղ ոգելից խմիչքը նրբագեղորեն հասունանում է՝ ձեռք բերելով համային հարուստ շերտեր։

Այսօր հասանելի են հայկական կոնյակի բազում տեսակներ, որոնք սիրված են ինչպես Հայաստանում, այնպես էլ Հայաստանի սահմաններից դուրս։
 

ԱՐԱՐԱՏ կոնյակ
 

ԱՐԱՐԱՏ կոնյակը պատրաստվում է հայկական խաղողից՝ կենտրոնանալով բնիկ սորտերի վրա, ինչպիսիք են Ոսկեհատը և Կանգունը: Կոնյակն անցնում է ավանդական կրկնակի թորման գործընթաց՝ նպաստելով դրա առանձնահատուկ համին։ Հնեցման գործընթացը վճռորոշ գործոն է, քանի որ կոնյակը հասունանում է կաղնե տակառներում, որոնք պահվում են ընկերության հնագույն նկուղներում: