Նրբագեղություն և դարավոր վարպետություն, ահա թե ինչպես կարող ենք նկարագրել Շոտլանդական իսկական վիսկին։ Այս խմիչքն ի հայտ է եկել 15-րդ դարում, երբ շոտլանդացի վանականներն առաջին անգամ սկսեցին օգտագործել ոգելից խմիչք։
Շոտլանդական վիսկիի պատմությունը
Հին ժամանակներում կելտերը հացահատիկային մշակաբույսի օգնությամբ ստեղծում էին ոգելից խմիչք, որին անվանում էին «կյանքի ջուր»։ Ժամանակի ընթացքում զարգացավ այս խմիչքի արտադրության տեխնիկան և անցյալի կյանքի ջուրը դարձավ իսկական շոտլանդական վիսկի։
Վիսկի արտադրելու սկզբնափուլում տեխնոլոգիան այդքան զարգացած չէր, և արտադրվող խմիչքը շատ թունդ էր ու նույնիսկ վնասակար առողջության համար։ Սակայն շոտլանդացիները շարունակում էին արտադրել և կատարելագործել արտադրության գործընթացը, ինչի արդյունքում 16-ից 17-րդ դարերում այն ձեռք բերեց նոր՝ ավելի կատարյալ բաղադրություն։
Այս խմիչքն արտադրվում է Շոտլանդիայում, սակայն շատերս կարող ենք համաձայնվել, որ այն պատկանում է ամբողջ աշխարհին։
Շոտլանդական վիսկիի տեսակներն այսօր․ Վիսկիի Ձեր ուղեցույցը
Դարեր շարունակ արտադրվող շոտլանդական պրեմիում վիսկին այսօր հասանելի է բազում տեսակներով, որոնցից յուրաքանչյուրը հայտնի է սեփական առանձնահատկություններով, ահա դրանցից մի քանիսը․
Աբերլուր (ABERLOUR)
Վիսկիի արտադրությունը սկսվեց Ջեյմս Ֆլեմինգի կողմից, ով 1879 թվականին Աբերլուր փոքրիկ քաղաքում հիմնեց վիսկիի սեփական գործարանը։ Արտադրությունը սկսելուց մեկ տարի հետո վիսկին մեծ ճանաչում ձեռք բերեց և սիրվեց շատերի կողմից։ Իսկ հաջողության գաղտնիքը այս վիսկիի արտադրության տեղանքն էր՝ շոտլանդական բարձրավանդակը, որը բարձրակարգ վիսկիի համար ուներ նպաստավոր կլիմայական պայմաններ։
Վինո Վինո խմիչքի մասնագիտացված խանութների ցանցը ներկայացնում է Աբերլուր շոտլանդական վիսկիի երեք տեսակ․
- ABERLOUR 16 years Double Cask․ Միածիկային վիսկի՝ 16 տարեկան։ Ալկոհոլը կազմում է 40%։ Այն ունի մրգային և խորը համային նոտաներ, որոնք առաջ են եկել 16 տարի ամերիկյան կաղնեփայտի և խերեսի լավագույն տակառներում պահվելու արդյունքում։ Հնեցման շնորհիվ վիսկին ձեռք է բերել ջերմ և մրգային երանգներ։
- ABERLOUR A'BUNADH Cask Strength. Այս վիսկին ամբողջությամբ պատրաստվում է ձեռքով, ինչը վկայում է հարուստ և բարդ համային նոտաների մասին։ Այն համարվում է ամենաթունդ վիսկիներից մեկը՝ պատրաստված խերեսի տակառներում։
- ABERLOUR 12 years Double Cask․ Պրեմիում վիսկի, որը կարող ենք նկարագրել ցիտրուսային թարմացնող բույրով։ Այն խերեսի տակառներում է պահվում 12 տարի, ինչի արդյունքում ձևավորում է անապակ սպիրտի և ցիտրուսի կատարյալ համադրությունը։
Ահա, թե որոնք են Աբերլուր շոտլանդական վիսկիի երեք հայտնի տեսակները, որոնք հասանելի են նաև Վինո Վինո խմիչքի մասնագիտացված խանութների ցանցերում։
Բելնթայնի վիսկին (BALLANTINE'S)
Վիսկիի այս տեսակն աշխարհում երկրորդ ամենաշատ վաճառվող շոտլանդական վիսկին է։ Արտադրությունը սկսվել է 1827 թվականին Ջորջ Բելնթայնի կողմից, ով 19 տարեկան հասակում բացեց իր խանութը և նշանավոր հաճախորդներին սկսեց վաճառել իր որակյալ վիսկին։
Վինո Վինոն հասանելի է դարձրել շոտլանդական այս վիսկիի վեց տեսակ, ներառյալ երեք սահմանափակ արտադրության տեսակները՝ J. DEMSKY, AC/DC և Queen վիսկիները։
Ինչպես համադրել շոտլանդական վիսկին
Շոտլանդական վիսկին կարելի է համադրել բազում ուտեստների և աղանդերի հետ, որոնցից յուրաքանչյուրը թույլ կտա բացահայտել վիսկին նոր տեսանկյունից։ Ահա մի քանի օրինակներ․
- Պանրի տեսակներ․ Շոտլանդական վիսկին հիանալիորեն համադրվում է չեդդեր և պարմեզան պանիրների հետ, ինչի արդյունքում զգալի է վիսկիի հարուստ համը և պանրի համեղ աղիության համադրությունը։
- Սև շոկոլադ․ Կատարյալ համադրություն ստեղծելու համար անհրաժեշտ է ընտրել դառը շոկոլադ, որը կկարողանա ընդգծել խմիչքի քաղցր համը։
- Սիգար․ Դասական համադրություն՝ սիրված շատերի կողմից, քանզի երկու բաղադրիչներն էլ պարունակում են համային որոշակի բարդություն։
- Ծովամթերք․ Թեթև և նրբահամ շոտլանդական վիսկիները հիանալի համադրություն են ստեղծում ծովամթերքային թեթև ուտեստերի հետ։ Իսկ ավելի բարդ համային նոտաներ պարունակող վիսկիները գերադասելի են խորոված ծովամթերքի հետ։
Շոտլանդական վիսկին կարելի է նաև համադրել ընդեղենի, մրգերի և նույնիսկ ջրի հետ։ Համադրություն ստեղծելիս անհրաժեշտ է կենտրոնանալ սեփական նախընրությունների վրա, քանզի յուրաքանչյուր համադրություն ստեղծում է եզակի համային խառնվածք։
