Ճանապարհորդություն գինու աշխարհում

Գինին ալկոհոլային այն խմիչքներից է, որն ունի դարավոր պատմություն ու տարբեր տեսակներ։ Այս յուրահատուկ խմիչքի պատմությունը սկիզբ է առել Հայաստանից, Սիցիլիայից, Վրաստանից և Իրանից։ Սովորաբար գինու բնական թնդությունը կազմում է 9-16 %, իսկ թնդեցումից հետո այն հասնում է 16-22 %-ի։ Թնդեցումն իրականացվում է սպիրտի կամ այլ նյութերի ավելացմամբ՝ խաղողի կամ մրգապտղային հյութի ամբողջական կամ մասնակի խմորման միջոցով, որի արդյունքում արտադրվում է յուրահատուկ գինի ։ Գինու հարուստ աշխարհում ճիշտ և արագ կողմնորոշվելու համար ամենաառաջին քայլերից մեկը ճանաչելն է գինու տարբեր բնութագրերը, իսկ հետո, գինու ընդհանուր տեսակները՝ ըստ երանգների։

Սեղանի գինիներ

Գինիների մշակույթում, սեղանի գինիներ են համարվում ամենօրյա օգտագործման գինիները, որոնք հաճախ մատուցվում են նաև ուտեստների հետ։ Դրանք սովորաբար ունեն ալկոհոլի պարունակության ավելի չափավոր մակարդակ (8%-ից 15%) և արտադրության տարբեր եղանակներ։ Ահա մի քանի տարբերակներ։

• Կարմիր սեղանի գինիներ - Արտադրվում են կարմիր խաղողներից և ունեն մրգի, խաղողի ու որոշակի համեմունքների համային նոտաներ։ Ընթրիքի հետ համադրելիս՝ կիսաչոր և չոր կարմիր գինիները գերազանց համադրություն են կազմում մսային ուտեստների հետ։
• Սպիտակ սեղանի գինիներ - Արտադրվում են սպիտակ կամ կարմիր խաղողներից՝ առանձնացնելով կեղևը։ Սպիտակ գինիներն ունեն թեթև ու թարմացնող համային նոտաներ և ծառայում են որպես ապերիտիվ կամ զուգակցվում թեթև ուտեստների հետ։
• Վարդագույն սեղանի գինիներ (Rose) - Արտադրվում են կարմիր խաղողից և ունեն թեթև մրգային բույր։ Հիանալի ընտրություն են ինչպես տաք եղանակների, այնպես էլ թեթև նախուտեստների հետ համադրելու համար։

Վինո Վինո ալկոհոլի մասնագիտացված խանութ սրահում կգտնեք սեղանի գինիների լայն տեսականի, որը թույլ կտա ընտրել Ձեր նախընտրություններին համապատասխանող տարբերակ։

Անապակ գինիներ

Անապակ են համարվում գինիների այն տեսակները, որոնց արտադրության ընթացքում շաքարը ենթարկվում է խմորման։ Գինի պատմություն և հարուստ համային նոտաներ․ խմիչքի շաքարի ընդհանուր պարունակությունը կազմում է ոչ ավել՝ քան 0,3 % (3 գր/լիտր), իսկ սպիրտը՝ 9-13 %։

Անապակ հատուկ գինիներ կամ թնդեցված գինիներ

Հատուկ գինիների տեսակ են՝ պատրաստված բնական գինու հիմքով ու ալկոհոլի և շաքարի հավելումով։ Դրանց օգնությամբ բարձրանում են ալկոհոլի պարունակությունը և պահման ժամկետը։ Գինիների այս տեսակը հաճախ ունի ինտենսիվ համ և բուրմունք։ Սպիրտի մակարդակը՝ 14-16 %, շաքարի մակարդակը՝ մինչև 3 գր/լիտր։ Ահա մի քանի տարբերակներ․

• Պորտո գինիներ - Պորտուգալական քաղցրահամ գինիներ, որոնք ըմպելիս հաճախ նկատելի են մրգային նոտաներ։ Նախընտրելի տարբերակ են աղանդերի հետ և նույնիսկ առանձին ըմպելու համար։ Վինո Վինո ալկոհոլային մասնագիտացված խանութ սրահում կարող եք գտնել Պորտո գինիների տարբեր տեսակներ և համադրել դրանք Ձեր ընթրիքի և աղանդերի հետ։
• Շերի գինիներ - Իսպանական գինի, որի համային նոտաները տատանվում են քաղցրահամից մինչև չոր՝ կախված տեսակից։ Կարող է օգտագործվել նախուտեստների հետ, ինչպես նաև որպես ապերիտիվ։
• Մադեյրա գինիներ - Ծագած Մադեյրա կղզիներից, գինու այս տեսակն ունի կիսաչորից մինչև քաղցր համային նոտաներ։ Վինո Վինոյում հասանելի է VINHOS BARBEITO Madeira տարբերակը՝ ալկոհոլի 19 % պարունակությամբ։ Կարելի է համադրել պանիրների, ծխեցրած հնդկահավի ու աղանդերի հետ։

Կիսաանապակ գինիներ

Կիսաանապակ գինիները պարունակում են որոշակի քանակությամբ մնացորդային շաքար։ Համեմատած կիսաքաղցր կամ քաղցր գինիների, մնացորդային շաքարի պարունակությունն ավելի քիչ է, իսկ համեմատած չոր գինիների՝ ավելի շատ։ Մեկ լիտր գինին սովորաբար պարունակում է 4-12գ շաքար և 9-13 % սպիրտ։ Խմիչքն ունի նուրբ մրգային կամ ծաղկային բուրմունք՝ կախված տեսակից։

• Կիսաանապակ կարմիր գինիներ - Պատրաստվում են մուգ երանգ ունեցող խաղողներից, համային նոտաները պարունակում են բալ, սալոր և որոշակի հատապտուղներ։ Հիանալի համադրություն են կազմում մսի, պանրային տեսականու և թեթև աղանդերի հետ։
• Կիսաանապակ սպիտակ գինիներ - Արտադրվում են սպիտակ կամ կանաչ խաղողից և հիշեցնում են խնձորի, տանձի ու կիտրոնի համային նոտաները։ Գերազանց համադրություն են կազմում թռչնամսի, ձկների կամ թեթև աղցանների հետ։
• Կիսաանապակ վարդագույն գինիներ - Պատրաստվում են կարմիր խաղողից և ունեն արտադրության հատուկ ընթացակարգ, ինչի արդյունքում էլ ստացվում է յուրահատուկ վարդագույն երանգը։ Համային նոտաները հիշեցնում են ելակ, ազնվամորի և որոշակի ծաղիկներ։ Թարմացնող հատկանիշների շնորհիվ կարող է համադրվել աղանդերի հետ կամ մատուցվել ինքնուրույն՝ առանց համադրությունների։

Վինո Վինոյում կգտնեք հայկական և միջազգային արտադրության կիսաանապակ գինիների հարուստ տեսականի։

Կիսաքաղցր գինիներ

Այսօր հայտնի են գինու տեսակներ՝ ունակ համադրվելու ամենատարբեր ուտեստների հետ։ Լայն ու բազմաշերտ ընտրության մեջ տարբերվում են նաև կիսաքացր գինիները, որոնք հատկապես նախընտրելի են նրանց համար, ովքեր կարևորում են ոգելից խմիչքների քաղցրությունը։ Կիսաքաղցր գինիները սովորաբար ունեն 12-45 գ/լիտր շաքարի պարունակություն և զուգակցված թթվայնություն՝ թարմության համար։

• Կիսաքաղցր կարմիր գինիներ - Արտադրվում են կարմիր խաղողից և պարունակում մրգային նոտաներ (բալ, սալոր, հաղարջ)։ Կարող են համադրվել մսային ուտեստների և թեթև աղանդերի հետ։
• Կիսաքաղցր սպիտակ գինիներ - Կիսաքաղցր գինիների այս տարբերակը նույնպես պատրաստվում է սպիտակ կամ կանաչ խաղողի տեսակներից և պարունակում է խնձորի, տանձի ու արքայախնձորի համային նոտաներ։
• Կիսաքաղցր վարդագույն գինիներ - Արտադրվում է կարմիր խաղողից և ունի ելակի, ազնվամորու ու կարմիր հաղարջի համային նոտաներ։

Գինու այլ տեսակներ

Սեղանի գինիներից բացի, գոյություն ունեն նաև հատուկ, բուրավետացված և փրփրուն գինիներ։ Հատուկ գինիները բաժանվում են մի քանի ենթաբաժինների՝ կախված ալկոհոլի և շաքարի պարունակությունից։ Օրինակ՝ հատուկ թունդ գինիներն ունեն սպիրտի 17-21 % և շաքարի՝ 30-120 գր/լիտր պարունակություն։ Հատուկ քաղցր գինիներն ունեն սպիրտի՝ 14-20 % և շաքարի՝ մինչև 15գր/լիտր պարունակություն։

Բուրավետացված գինիներն ունեն կարմիր, սպիտակ կամ վարդագույն հիմք։ Արտադրության ընթացքում օգտագործվում են խոտաբույսեր, համեմունքներ և մրգային էքստրակտներ (ցիտրուս, դարչին, վանիլ)։ Գինիների այս տեսակներն ունեն մեղմ կամ արտահայտված քաղցրություն։

Խմորման ժամանակ փրփրուն գինիները հարստացվում են ածխաթթու գազով։ Ամենահայտնի տեսակներից է շամպայնը, որն արտադրվում է Ֆրանսիայի Շամպայն նահանգում հայտնաբերված տեխնոլոգիայի կիրառմամբ։

Գինու աշխարհում կարևոր է տարբերակել դրանց տեսակները, ինչի արդյունքում էլ կկարողանաք կազմել ուտեստի և ոգելից խմիչքի լավագույն համադրությունները։ Իսկ արագ ընտրություն կատարելու համար կարող եք այցելել Վինո Վինո ալկոհոլի մասնագիտացված խանութ-սրահ, որտեղ մասնագետները կօգնեն ընտրել Ձեր նախընտրություններին համապատասխանող գինի։