Լիմոնչելլո՝ կատարյալ իտալական լիկյոր, որը կարելի է վայելել ամբողջ տարին

Լիմոնչելլո վառ և կենսուրախ իտալական լիկյորը հիմնականում պատրաստվում է կիտրոնի կեղևներից։ Խմիչքը հիանալի կերպով արտացոլում է Ամալֆիի արևոտ ափերի ոգին, որտեղից էլ այն ծագում է։ Իր պայծառ, թթվաշ համով և նուրբ քաղցրությամբ այս ոսկեգույն լիկյորը իտալացիների անբաժանելի մասն է և հաճախ մատուցվում է որպես թարմացնող խմիչք՝ ճաշից հետո։ Սակայն խմիչքն ունի բազմակողմանի կիրառություններ և որոշ դեպքերում ավելանում է տարբեր կոկտեյլների բաղադրություններում։

Ինչպես է պատրաստվում Լիմոնչելլոն

Իտալական լիկյոր պատրաստելու գործընթացը սկսվում է բարձրորակ կիտրոնների ընտրությամբ։ Կիտրոնները զգուշորեն մաքրվում են և օգտագործվում են միայն դեղին կեղևները, հեռացվում են սպիտակ միջուկները՝ դառնությունից ազատվելու համար։ Կեղևը թրմվում է մի քանի շաբաթ՝ բարձր մակարդակի ալկոհոլում, օրինակ՝ հացահատիկային սպիրտում կամ օղիում։ Այս գործընթացը կլանում է եթերային յուղերը՝ ստեղծելով բուրավետ, կիտրոնով հագեցած հիմք։ Այնուհետև թրմված ալկոհոլը խառնվում է շաքարից և ջրից պատրաստված պարզ օշարակի հետ՝ կիտրոնի թթվաշ համին ավելացնելով մի փոքր քաղցրություն։ Խառնուրդը մի քանի օր հանգստանում է, որպեսզի համերը լիովին խառնվեն։

Ավանդաբար, լիմոնչելլո  լիկյոր մատուցում են ճաշից հետո՝ սառեցված փոքր բաժակներում, ապահովելով թարմացնող և բուրավետ ավարտ իտալական հարուստ խմիչքին։ Այն նաև լայնորեն կիրառվում է կոկտեյլների բաղադրություններում, օրինակ՝ Լիմոնչելո Սպրից կամ Լեմոն Դրոփ Մարտինի։ Բացի այդ, իր վառ ցիտրուսային համով այն հաճախ օգտագործվում է տարբեր ուտեստների և թխվածքների մեջ՝ հարստացնելով համային երանգները։

Խմիչքի մշակույթը հարավային Իտալիայում

Իր համից բացի, Լիմոնչելլոն մշակութային մեծ նշանակություն ունի Իտալիայի հարավում և շատ ընտանիքներ այս խմիչքն ըմպում են սերունդներից փոխանցված բաղադրատոմսերով։ Այն սիրելի ավանդույթ է ճաշից հետո և արտացոլում է Իտալիայի ափամերձ շրջանների արևային ոգին։

Լիմոնչելլոն ալկոհոլային կոկտեյլներում

Լիմոնչելլոն հիանալիորեն հավելվում է տարբեր ալկոհոլային կոկտեյլներում։ Այն իր յուրահատուկ թթվաշ և քաղցր համով կարող է դարձնել ցանկացած ըմպելիք ավելի հետաքրքիր և բուրավետ։ Ահա մի քանի հայտնի կոկտեյլներ, որոնք պարունակում են լիմոնչելլո.

1. Լիմոնչելլո Սպրից (Limoncello Spritz)

Կոկտեյլն ունի թեթև ու թարմացնող բնույթ և հիանալի ընտրություն է տոնական երեկոների համար։

Բաղադրությունը՝

• 50 մլ լիմոնչելլո

• 100 մլ պրոսեկո կամ սպիտակ գինի

• 50 մլ հանքային ջուր

• Սառույց և կիտրոնի կտոր՝ զարդարման համար

Բաղադրիչները հարկավոր է խառնել մեծ բաժակի մեջ և ավելացնել սառույց։ Լիմոնչելլոյի բաղադրության վերջնական արդյունքը կարելի է զարդարել կիտրոնի կտորով կամ թարմ անանուխով։

2. Լիմոնչելլո Մարտինի (Limoncello Martini)

Այս տարբերակը կարելի է դիտարկել, հատկապես երբ հյուրերը կամ տան անդամները նախընտրում են թթու և քաղցրահամ համային նոտաների գեղեցիկ համադրությունը։

Բաղադրությունը՝

• 50 մլ լիմոնչելլո

• 30 մլ օղի

• 20 մլ թարմ կիտրոնի հյութ

• Սառույց

Բաղադրիչները խառնել շեյքերի մեջ և լցնել Մարտինիի սառեցված բաժակի մեջ։ Վերջնական արդյունքը կարելի է զարդարել կիտրոնի կեղևով։

3. Լիմոնչելլո Թոնիկ (Limoncello Tonic)

Թեթև ու թարմացնող տարբերակը հիանալի ընտրություն են ցերեկային հավաքույթների համար։

• 50 մլ լիմոնչելլո

• 100 մլ թոնիկ

• Սառույց

• Թարմ Հազրեվարդ կամ կիտրոնի կտոր՝ զարդարման համար

Բաղադրիչները խառնել մեծ բաժակի մեջ և ավելացնել սառույց։ Վերջնական արդյունքը կարելի է զարդարել Հազրեվարդի ճյուղով կամ կիտրոնի կտորով։

Լիմոնչելլոն ամբողջ տարվա ընթացքում

Լիմոնչելլոն այն խմիչքներից է, որը կարելի է վայելել տարվա ցանկացած եղանակին, քանի որ այն ունակ է փոխանցելու հաճելի փորձառություն թե՛ տաք ամառային օրերին, թե՛ ցուրտ ձմռան երեկոներին։ Շատերն ընտրում են իտալական լիկյոր լիմոնչելլո որպես ամառային խմիչք՝ լողավազանի մոտ ջերմ արևից թարմանալու համար, որոշներն էլ այն նախընտրում են ըմպել ձմռան երեկոներին որպես՝ թեթև և համադրելի ալկոհոլային խմիչք։

Սեզոնային համադրություններ՝ լիմոնչելլոյի հետ

Լիմոնչելլոն կարելի է համադրել տարբեր մրգերի, հատապտուղների ու խմիչքների հետ։ Օրինակ, եթե ցանկանում եք է՛լ ավելի ընդգծել խմիչքի ցիտրուսային համը, ապա կարող եք համադրել այն կիտրոնի կամ լայմի հետ։ Եթե ցանկանում եք ստանալ ավելի քաղցրահամ համադրություն, ապա կարող եք համադրել խմիչքը հատապտուղների՝ ազնվամորու կամ հապալասների հետ։

Խմիչքը կարելի է նաև համադրել անանուխի և ռեհանի հետ։ Համադրելիս անհրաժեշտ է մանրացնել խոտաբույսը կամ օգտագործել որպես կոկտեյլի զարդարանք։

Իտալական այս կոկտեյլը հեշտությամբ կարելի է համադրել տարբեր եղանակներով և ստեղծել այն կատարյալ համադրությունը, որ կզարդարի յուրաքանչյուր հավաքույթ։ Լիմոնչելլո կարելի է ձեռք բերել Վինո Վինո ալկոհոլի մասնագիտացված խանութից։