Դասականից մինչև կրեատիվ՝ կոնյակով կոկտեյլներ յուրաքանչյուր առիթի համար

Կոնյակի պարունակությամբ կոկտեյլները մշտապես դասական ընտրություն են ցանկացած հավաքույթի համար։ Դրանք հիմնականում ունեն մրգային համեր՝ խնձորի, ծիրանի, դեղձի ու հատապտուղների և կարող են հեշտությամբ պատրաստվել նույնիսկ տնային պայմաններում։ Այսօր մեզ հայտնի են բազում կոնյակով կոկտեյլներ, որոնցից շատերը ստեղծվել են դասական կոկտեյլների հիմքով։ Այսպիսով, ստորև կքննարկենք մի շարք կոնյակով կոկտեյլների բաղադրատոմսեր, սկսած դասականից, մինչև կրեատիվ նորությունները։

Կոնյակի բաղադրությամբ դասական կոկտեյլներ

Կոնյակի Ալեքսանդր կոկտեյլ

Դասական կոկտեյլը հայտնի է հարուստ, կրեմային ու համեղ համային նոտաներով։ Կոկտեյլի ճշգրիտ արմատները հայտնի չեն, սակայն, ասում են, որ այն առաջին անգամ պատրաստվել է 20-րդ դարում, և կոնյակի փոխարեն օգտագործվել է ջին։ 

Խմիչքը հայտնի դարձավ 20-րդ դարում՝ Միացյալ Նահանգներում, երբ ի հայտ եկավ ոգելից խմիչքն արգելող օրենքը։ Գաղտնիքն այն էր, որ հին ոճ ունեցող կոկտեյլն ուներ կրեմային ու քաղցր համ և հեշտությամբ քողարկում էր այդ ժամանակաշրջանում հասանելի անորակ ալկոհոլի պարունակությունը։ Ահա այսպես, The Brandy Alexander կոկտեյլը դարձավ ընթրիքից հետո նախընտրելի խմիչք, որը նաև սկսեցին մատուցել բարձրակարգ ռեստորաններում։

Կոկտեյլը մեր օրերում նույնպես սիրված է և նախընտրելի ընտրություն է քաղցր համային նոտաներ ընտրող անձանց համար։ Այն կարող եք պատրաստել նույնիսկ տանը՝ առանց մասնագիտացված օգնություն։

Բաղադրություն

Կոկտեյլի բաղադրությունը ներառում է մի քանի պարզ բաղադրիչներ, որոնք կարող եք ձեռք բերել մոտակա սուպերմարկետից։

• Մոտ 15մլ կոնյակ (կարող եք ընտրել Արարատ կոնյակ)

• Մոտ 29․5 մլ dark crème de cacao լիկյոր

• Մոտ 29․5 մլ սերուցք

• Մշկընկույզ (ձևավորման համար)

Ինչպես պատրաստել

Կոնյակը, լիկյորն ու սերուցքը լցրեք շեյքերի մեջ ու ավելացրեք սառույց։ Խառնեք և լցրեք այն բաժակի մեջ։ Իսկ վերջում, գեղեցիկ տեսք ստանալու համար զարդարեք խմիչքը քերած Մշկընկույզով։

Ջեք Ռոուզ խնձորի կոկտեյլ կոնյակով

Եվս մեկ կոկտեյլ, որի հիմքը դրվել է 20-րդ դարում, երբ արգելվեց ալկոհոլային խմիչքների օգտագործումը։ Այն պարունակում է խնձորի կոնյակ, կիտրոնի կամ լայմի հյութ և գրենադին՝ գեղեցիկ վարդագույն երանգ ստանալու համար։ Ալկոհոլային կոկտեյլը սիրված էր շատերի կողմից, այդ թվում նաև հայտնի գրողներից՝ Ջոն Ստայնբեքի ու Էռնեստ Հեմինգուեյի։

Բաղադրությունը

• Մոտ 15մլ խնձորի կոնյակ

• Մոտ 100մգ/5մլ կիտրոնի կամ լայմի հյութ

• Գրենադին

Ինչպես պատրաստել

Պատրաստելու համար խառնեք կոնյակը կիտրոնի կամ լայմի հյութի հետ։ Արդյունքում կստացվի որոշակի թթվայնություն պարունակող ալկոհոլային կոկտեյլ, որին կարող եք ավելացնել նաև գրենադին՝ հաճելի երանգ ստանալու համար։

Ժամանակակից կրեատիվ կոկտեյլներ

Մեր օրերում կրեատիվ կոկտեյլներն ամենուր են և կան նաև պարզ բաղադրություններ, որոնք կարող եք պատրաստել նույնիսկ տնային պայմաններում։Հատուկ ուշադրություն են գրավում որոշակի Արարատ կոնյակի կոկտեյլներ և արդեն իսկ սիրված են շատերի կողմից։

Chocolate Cherry

Կոկտեյլի անվանումն արդեն իսկ հուշում է բաղադրության մասին։ Սա պարզ կոկտեյլ է և պարունակում է հաշված բաղադրիչներ։

Բաղադրությունը

• 50 մլ Արարատ կոնյակ

• Շաքարի օշարակ

• Շոկոլադի մեջ պահված բալ (ձևավորման համար) 

Ինչպես պատրաստել

Բաղադրիչները խառնելու հատուկ հերթականություն չկա։ Բոլոր բաղադրիչները կարող եք լցնել շեյքերի մեջ ու խառնել։ Վերջնական արդյունքը կարող եք զարդարել շոկոլադի մեջ պահված բալով։

Armenian 5 o’clock

Նորարարական կոկտեյլը բացահայտում է սև թեյի ու կոնյակի գեղեցիկ համադրությունը։

Բաղադրություն

• 100 մլ Արարատ կոնյակ

• 300 մլ սև թեյ՝ միջին թնդության

• 1 գ թարմ ուրց

• 4 կտոր Կումկվատ

• 150 մլ լորամրգի հյութ

• 50 գ ծաղկային մեղր

Ինչպես պատրաստել 

Կտրատեք կումկվատը և թարմ ուրցը և մրգի հյութի, մեղրի ու կոնյակի հետ տաքացրեք թեյնիկի օգնությամբ։ Մատուցել կարող եք թեյի բաժակով։

Glamway

Կոկտեյլն ունի նուրբ համային նոտաներ և դուր կգա նրբաոճ խմիչքներ նախընտրողներին։ Այն կարող է նաև մատուցվել խնջույքների ընթացքում՝ որպես էլեգանտ և կրեատիվ խմիչք։

Բաղադրությունը

• 30 մլ Արարատ կոնյակ

• 15 մլ ազնվամորու օշարակ կամ շաքարած ոսկեգույն ազնվամորիներ

• 2 կաթիլ նարնջի բիթեր

• 100 մլ չոր փրփրուն գինի

• Կարմիր վարդի թերթիկներ (ձևավորման համար)

Ինչպես պատրաստել

Կոկտեյլը կարող եք պատրաստել նույնիսկ մեկ րոպեում․ բոլոր բաղադրիչները լցրեք բաժակի մեջ և խառնեք ձողիկի օգնությամբ։ Մատուցել կարող եք շամպայնի բաժակով։

Ինչպե՞ս են ծագել կոկտեյլները

Երբևէ մտածե՞լ եք, թե ինչու են կոկտեյլներն այդքան տարածված խնջույքների ժամանակ։ Սա պայմանավորված է նրանով, որ կոկտեյլ կարելի է ստեղծել գրեթե ամեն ինչից և հարմարացնել այն հյուրերի նախընտրություններին։

Մեր օրերում հասարակ կոկտեյլները վերածվել են իրական գլուխգործոցների և ունեն ամենատարբեր տեսակները, սկսած հին ու դասական տարբերակներից, մինչև ստեղծարարության վերջին համալրումները, որոնք հեշտությամբ կվերածեն ձեր հավաքույթներն իսկական տոնի։

Այսպիսով, կոնյակի բաղադրությամբ համեղ կոկտեյլներ պատրաստելու համար ընտրեք որակյալ բաղադրիչներ, իսկ ալկոհոլային խմիչքները ձեռք բերեք միայն վստահելի աղբյուրներից։

Ամփոփում

Կոնյակը հին ու ամենասիրված խմիչքներից մեկն է, որը նախորդ դարերում նախընտրում էին նաև որոշ պատմական հայտնի դեմքեր։ Խմիչքը վայելել կարող եք ինչպես առանձին՝ առանց հավելումների, այնպես էլ հավելումներով՝ կոկտեյլների տեսքով։ Եվ այսպես, ձեր կոկտեյլի ամենակարևոր բաղադրիչը ձեռք բերեք Վինո Վինո ալկոհոլային խմիչքների մասնագիտացված խանութ սրահից։