Հայկական կոնյակները իրենց «ազգության» շնորհիվ աշխարհում համարվում են լավագույն կոնյակներից։
Այդպես եղել է միշտ ոչ միայն կոնյակների դեպքում այլ նաև գինիների։ Լինելով հին ազգ, հայերը համարվում էին լավ գինիների արտադրող ևս։ Գինիների շուրջ շատ պատմություններ ու լեգենդներ կան ոչ միայն աշխարհի այլև հայոց պատմության մեջ։
Համաձայն մի ավանդազրույցի, ջրհեղեղի ժամանակ Նոյան տապանը կանգ է առել Արարատ լեռան վրա։ Նոյն աղավնուն բաց է թողել՝ ցամաք գտնելու, իսկ թռչունը վերադարձել է կտցին ձիթենու ճյուղ։ Երբ ջրերը հետ են քաշվում, Նոյն իջնում է լեռան վրայից և բնակություն հաստատում դաշտում։ Այդ ժամանակ նա վեց հարյուր տարեկան էր։ Իր որդիների հետ նա սկսում է խաղող աճեցնել։ Ենթադրվում է, որ մարդկությունն առաջին անգամ զգացել է գինու համը, երբ Նոյը համտեսել է Արարատի ստորոտում եղած կենարար խմիչքը։
Հնագույն ձեռագրերն ու ժողովրդական ավանդազրույցներն ապացուցում են, որ ժամանակակից Հայաստանի տարածքում գինեգործությամբ և խաղողագործությամբ զբաղվել են մ.թ.ա XV դարից։ Հունական պատմիչներ Հերոդոտոսի, Քսենոփոնի, Ստրաբոնի աշխատություններում հիշատակվում է, որ հայկական կոնյակն արտահանվում էր հարևան երկրներ՝ վաճառելու համար։ Գինին եղել է բարձր որակի, հին և զանազան։ Հայաստանը խաղողի աճեցման ամենահին ավանդույթ ունեցող երկիրն է։
Այսպիսով, հասկանում ենք, որ հայերը շատ ուշադիր են համեղ ուտելիքների և խմիչքների պատրաստման հարցում։
Հայկական կոնյակները հայտնի էին նաև ԽՍՀՄ-ի տարիներին, դրանք արժանանում էին արժեքավոր մրցանակների, զբաղեցնում էին առաջին հորիզոնականները, որի համար մեծ ճանաչում էին գտնում աշխարհի տարբեր երկրներում։
Հիմա, տեսնենք հայկական լավագույն կոնյակի տեսակները որոնք են։
Կոնյակ Դվին
Դվին կոնյակը բավականան երկար տարիների պատմություն ունի։ Այն արտադրվում է 1945 թվականից Երևանում։
Կաղնեփայտե տակառներում լրացուցիչ հնեցված այս փունջն ունի բնափայտե-մշուշանման բույր, մեխակի ու թանկարժեք սիգարի նրբերանգներ և անտառային ընկույզի հագեցած, քիչ քաղցրավուն համ:
Թնդությունը՝ 50 ծավ․ %, շաքարայնությունը՝ 0, 7%։ Մուգ ոսկեգույն է, ունի ներդաշնակ Փայլ, վանիլի նուրբ երանգ։ Պատրաստվում է ավելի քան 10 տարվա հնացրած կոնյակի սպիրտներից։
Կոնյակ Նաիրի
Արարատը լեգենդար անուն է կոնյակների աշխարհում։ Որ երկրում էլ լինես, կարող ես գտնել ամենաքիչը մեկ Արարատ կոնյակ և ամենաքիչը հարյուրավոր մարդիկ, որոնք գիտեն Արարատ կոնյակի մասին։
Արարատ կոնյակը երբեք չի դադարում զարմացնել իր երկրպագուներին, անընդհատ թարմացվում է՝ իր մեջ պահելով հնի ու նորի հետաքրքիր խառնուրդը, որն էլ փոխանցում է մարդկանց։
Կոնյակ Նաիրին 20 տարվա հնեցման կոնյակի սպիրտներից է պատրաստվում։ Այն գեղեցիկ է՝ մուգ երանգով: Սեղաններին փայլում է իր երանգներով: Ներդաշնակ, մետաքսյա, բարդ և նուրբ փունջ է՝ մայրու երանգների վերափոխվող բալասանային բույրով: Կոնյակ Նաիրին ունի հարուստ ու բարդ թվացող համ, սակայն զգացողությունները թեթև են ու երկարատև:
Ախթամար Կոնյակ
Լավագույն կոնյակների շարքի վառ ներկայացուցիչներից է Ախթամար կոնյակը։ 10 տարվա հնեցման այս ալկոհոլը արթնացնում է լեգենդների ու բանահյուսությունների մոռացված պատմությունները։
Այս լեգենդար հայկական կոնյակի յուրաքանչյուր բաժակում ամփոփված է հայկական ազնվական խաղողը, Արարատյան դաշտի օդն ու ջուրը, հայկական աղբյուրների թարմությունը ու կովկասյան կաղնու անմահական համը:
Վասպուրական կոնյակ
Այս հիանալի կոնյակը ուղղակի անմահական է։ Մշակվում է 1980 թվականից, Երևանի կոնյակի գործարանում։ Թունդ լինելու ծավալը 40% է, շաքարայնությունը՝ 10%։ «Վասպուրականը» մուգ ոսկեշող է, հարուստ բուրմունքով, վանիլի և շոկոլադի թավշե երանգով։ Հնացման ընդհանուր ժամկետը՝ 18 տարուց ավելի։
Յուրաքանչյուր բաժակը կպարգևի անմահական զգացողություններ և երկարատև համ։
