Ապերիտիվոյի Պատմությունը` Դասական Իտալական Խմիչք

Ապերիտիվ խմիչքի հիմքն ի սկզբանե դրվել է Հռոմում, երբ հռոմեացիներն արոմատով հարուստ Գուստատիո խմիչքը վայելում էին աղի ուտեստների հետ։ Ասում են, որ այդ ժամանակներում այն դիտարկվում էր որպես ախորժակ բացող խմիչք։ Միջնադարի վանականներն էլ օգտագործում էին լիկյորներ և տարբեր սպիրտեր, որոնք նույնպես ազդեցություն են ունեցել մեր օրերում հայտնի ապերիտիվոյի ձևավորման գործում։

Ապերիտիվոյի զարգացումն Իտալիայում

18-19-րդ դարերում, Իտալիայի հյուսիսային փոքրիկ քաղաքում՝ Թուրինում, ապերիտիվոն զարգացավ և վերածվեց մեր օրերում հայտնի խմիչքի։ Ամեն ինչ սկսվեց Անտոնիո Բենեդետտո Կարպանոյից, ով 1786 թվականին ստեղծեց վերմոնտ խմիչքի տեսակը՝ թունդ գինին խառնելով բույսերի ու համեմունքների հետ։ Նրա հայտնագործությունից հետո իտալական շատ սրճարաններ սկսեցին վերմոնտը մատուցել որպես ընթրիքից առաջ ախորժակ բացող խմիչք։

Այս ժամանակաշրջանում (ավելի կոնկրետ՝ 19-րդ դարում) Իտալիայում նաև հայտնի դարձան Նեգրոնի և Ամերիկանո կոկտեյլները, որոնց բաղադրության անբաժանելի մասն էր Ապերիտիվոն։ Ոգեվորված նոր հայտնագործությունից՝ ալկոհոլային շատ բրենդներ, այդ թվում նաև՝ Կամպարին ու Մարտինի և Ռոսսին, ներկայացրեցին իրենց բնորոշ՝ դառը, խոտաբույսերից պատրաստված ​​ոգելից ապերիտիվ խմիչք: 

Ապերիտիվոյի տարածումը

Չնայած, որ ապերիտիվոն հայտնագործվել է Թուրինում, այն շատ արագ տարածում է գտել Իտալիայի այլ քաղաքներում, որոնցից մեկն էր Միլանը։ Հենց Միլանում էլ ձևավորվել է ապերիտիվոն ընթրիքից առաջ խմելու համեղ ավանդույթը։

Այսպիսով, արդեն 20-րդ դարում ապերիտիվոն իտալական մշակույթի անբաժանելի մասն էր։ Ահա, թե ինչպես է ի սկզբանե բժշկության նպատակներով օգտագործվող սպիրտը զարգացել և վերածվել սիրված ալկոհոլային խմիչքի։

Ապերիտիվոն մեր օրերում

Մեր օրերում ապերիտիվոյի հանդեպ սերը տարածված է ամբողջ Իտալիայում։ Սակայն խմիչքը վայելելու համար ամեն քաղաք ներդրել է սեփական փոքրիկ ավանդույթները։

Թուրինում ապերիտիվոն մինչև այսօր դասական ընտրություն է ու լայնորեն օգտագործվում է դառը և քաղցր նոտաներով կոկտեյլների բաղադրությունում, օրինակ՝ Նեգրոնի և Ամերիկանո։

Միլանում այն ամեն անկյունում է և նախընտրելի է ինչպես սառը, այնպես էլ տաք ուտեստների, փոքրիկ պիցցաների, աղցանների և նույնիսկ այլ խմիչքների համադրությամբ։

Վենետիկում տեղացիները նախընտրում են Սպրիտզ կոկտեյլը՝ պատրաստված Ապերոլ և Կամպարի խմիչքներից։

Իսկ Հռոմում ապերիտիվոն նույնիսկ տրամադրում են չիպսերի, ձիթապտղի ու գետնանուշի հետ։

Ապերիտիվը Հայաստանում

Այո, Հայաստանում հասանելի են ապերիտիվ խմիչքի տարբեր տեսակներ, որոնք լայնորեն օգտագործվում են ամենատարբեր ալկոհոլային խմիչքների բաղադրությունում։ Ահա մի քանի ապերիտիվ բաղադրատոմսեր , որոնք կարող եք պատրաստել նույնիսկ տանը։

Moscato Aperol Spritz

Սա դասական Ապերոլ Սպրիտզի նոր տարբերակ է, որը պատրաստելու համար օգտագործվում է մոսկատո՝ պրոսեկոյի փոխարեն։ Այն խմիչքին տալիս է թեթև քաղցրություն և նոր համային նոտաներ։

Բաղադրություն

• Ապերոլ

• Մոսկատո (կարող եք օգտագործել PIERRE HUET Pays D'Auge Cidre տարբերակը)

• Գազավորված ջուր

• Սառույց

Պատրաստելու համար պարզապես անհրաժեշտ է խառնել բոլոր բաղադրիչները։

Ginger Bramble Fizz

Ավելի թեթև բաղադրությամբ թարմացնող կոկտեյլ, որը կատարյալ համադրություն է ամառային շոգի հետ։

Բաղադրություն

• Ջին

• Կիտրոնի հյութ

• Մեկ ճաշի գդալ կոճապղպեղ պարունակող օշարակ

• Վարդագույն ապերիտիվ

• Գազավորված ջուր կամ հյութ

Պատրաստելու համար խառնեք բոլոր բաղադրիչները գազավորված ջրի կամ հյութի հետ։

Anise White Negroni

Սա հայտնի Նեգրոնի կոկտեյլի նոր տարբերակ է և ներառում է սպիտակ խմիչքներ ու անիսի համային նոտաներ։

Բաղադրություն

• Ջին

• Լիկյոր (կարող եք ընտրել DOMAINE DUPONT "Creme Dupont" տեսակը, որը հիմնականում համադրվում է ապերիտիվների հետ)։

• Lillet Blanc Ֆրանսիական ապերիտիվ

• Նարնջի հյութ

Պատրաստելու համար խառնեք բաղադրիչները։