Ձմեռային ցուրտ ամիսներին տաքացնող կոկտեյլներն ավելի քան անհրաժեշտություն են։ Իսկ երբ գիտենք, թե ինչ կոկտեյլներ են կարող փոխանցել այդ ջերմությունը, յուրաքանչյուր հավաքույթ, այդ թվում՝ ընտանիքի ու մտերիմների հետ ջերմ երեկոները վերածվում են իսկապես արժեքավոր հիշողությունների։ Այսպիսով, ստորև կուսումնասիրենք հինգ տաքացնող ձմեռային կոկտեյլներ, որոնց ամենակարևոր բաղադրիչը ռոմն է, վիսկին, կամ տեկիլան․
1․ Hot Buttered Rum
Փափուկ, սահուն ու կրեմային կոկտեյլներ կարելի է ստանալ նաև այս տարբերակով։ Ահա ինչպես ստանալ այս նուրբ կոկտեյլը՝ իսկական ձմեռային ցրտի համար։
Բաղադրիչներ՝
-
60 մլ համեմված ռոմ
-
1 ճ․գ․ առանց աղի կարագ
-
1 թ․գ․ շագանակագույն շաքար
-
1 կաթիլ վանիլի էքստրակտ
-
1 պտղունց աղացած դարչին
-
1 պտղունց աղացած մշկընկույզ
-
120 մլ տաք ջուր
Մեկ բաժակի մեջ խառնեք կարագը, շագանակագույն շաքարը, վանիլի էքստրակտը, դարչինն ու մշկընկույզը։ Ավելացրեք համեմված ռոմն ու լավ խառնեք։ Ապա լցրեք տաք ջուրը և խառնեք, մինչև կարագը լիովին հալվի։ Զարդարեք դարչինի ձողիկով և վայելեք։
Այս խմիչքն իսկապես շքեղ հաճույք է, հատկապես՝ ձմռան ցրտին։
2․ Maple Whisky Sour
Դասական Whisky Sour-ի սեզոնային տարբերակ, որը հարստացված է թխկու օշարակի կարամելային քաղցրությամբ։ Եթե նախընտրում եք կոկտեյլներ վիսկիով, ապա կարող եք փորձել այս բաղադրությունը։
Բաղադրիչներ՝
-
60 մլ վիսկի (բուրբոն կամ ռեյ վիսկի)
-
22 մլ թարմ կիտրոնի հյութ
-
15 մլ մաքուր թխկու օշարակ
-
1 ձվի սպիտակուց (ըստ ցանկության՝ փրփուրի համար)
-
Սառույց
-
Մեկ կտոր կիտրոն (զարդարման համար)
Շեյքերի մեջ խառնեք վիսկին, կիտրոնի հյութը, թխկու օշարակն ու ձվի սպիտակուցը։ Թափահարեք առանց սառույցի մոտ 15 վայրկյան՝ փրփուր ստանալու համար։ Ավելացրեք սառույց և կրկին թափահարեք 15 վայրկյան։ Քամեք կոկտեյլը՝ նախապես սառեցված բաժակի մեջ։ Վերջնական արդյունքի վրա դրեք կիտրոնը՝ գեղեցիկ տեսքի համար։ Եվ ահա, ևս մեկ ձմեռային կոկտեյլ, որ կարող եք պատրաստել նույնիսկ տանը։
3․ Mexican Hot Chocolate with Tequila
Այս կոկտեյլը տարբերվում է նախորդ երկուսից, քանի որ համադրում է շոկոլադն ու տեկիլան, ինչպես նաև ունի որոշակի կծվություն։
Բաղադրիչներ՝
-
60 մլ տեկիլա (ցանկալի է՝ Reposado)
-
180 մլ կաթ
-
60 գ մուգ շոկոլադ (կտրատված)
-
1 ճ․գ․ կակաոյի փոշի
-
1 ճ․գ․ շագանակագույն շաքար
-
1/4 թ․գ․ դարչին
-
1/8 թ․գ․ պղպեղ (ըստ ցանկության՝ կծվության համար)
-
1/2 թ․գ․ վանիլի էքստրակտ
-
Սերուցքի փրփուր և շոկոլադի փշուրներ (զարդարման համար)
Կաթսայի մեջ միջին ջերմության վրա տաքացրեք կաթը՝ խուսափելով եռացնելուց։ Ավելացրեք շոկոլադը, կակաոյի փոշին, շագանակագույն շաքարը, դարչինն ու պղպեղը։ Խառնեք, մինչև ստացվի միատարր զանգված։ Հանեք կրակից և խառնեք տեկիլան ու վանիլի էքստրակտը։ Լցրեք բաժակի մեջ, ավելացրեք սերուցքի փրփուր և շոկոլադի փշուրներ։
Եվ վուալյա՜, թունդ ու տաքացնող խմիչքը պատրաստ է։
4․ Spiced Apple Rum Punch
Ձմեռային հավաքույթների համար ևս մեկ ալկոհոլային տաքացնող կոկտեյլ՝ եթե նախընտրում եք կոկտեյլներ ռոմով։ Այս անգամ համադրում ենք ռոմի ջերմությունն ու սիդրի համերը։
Բաղադրիչներ՝
-
120 մլ համեմված ռոմ
-
240 մլ սիդր
-
30 մլ թարմ կիտրոնի հյութ
-
15 մլ մեղր կամ շաքարի օշարակ
-
1 դարչինի ձողիկ
-
3-4 ամբողջական մեխակ
-
1 խնձոր (կտրտած, զարդարման համար)
-
Անիսոն (ըստ ցանկության՝ զարդարման համար)
Կաթսայի մեջ մեղմ կրակի վրա տաքացրեք սիդրը, դարչինը և մեխակը։ Երբ տաքանա (խուսափեք եռացնելուց), հանեք կրակից և ավելացրեք ռոմը, կիտրոնի հյութն ու մեղրը։ Քամեք բաժակների մեջ և զարդարեք խնձորի շերտերով ու անիսոնով։
Խմիչքն ունի յուրահատուկ տոնական բույր։
5․ Smoky Tequila Old Fashioned
Եվ ահա, մեր վերջին տաքացնող ալկոհոլային կոկտեյլը, որը պետք է փորձեք մինչև ձմեռվա ավարտը։
Բաղադրիչներ՝
-
45 մլ Reposado տեկիլա
-
15 մլ մեսկալ
-
15 մլ ագավայի օշարակ
-
2 կաթիլ Angostura բիտեր
-
1 մեծ սառույցի խորանարդ
-
Նարնջի կեղև (զարդարման համար)
Շեյքերի մեջ լցրեք տեկիլան, մեսկալը, ագավայի օշարակը և բիտերը։ Ավելացրեք սառույց և խառնեք մոտ 20 վայրկյան։ Քամեք բաժակի մեջ՝ մեծ սառույցի խորանարդի վրա։ Քամեք նարնջի կեղևը և գցեք այն խմիչքի մեջ։ Եվ ահա, ևս մեկ յուրահատուկ բաղադրություն։
Մինչ ձմեռվա ավարտը՝ հասցրեք փորձել այս կոկտեյլները, դե, իսկ ալկոհոլային խմիչքները ձեռք բերեք Վինո Վինո ալկոհոլի մասնագիտացված խանութ սրահից։
