Ի՞նչ է Բրուտ շամպայնը։ Շատերիս կողմից սիրված շամպայնը մինչև 1870 թվականը քաղցր էր անգամ աղանդերից։ Այո, մեր օրերում հայտնի թեթև, փրփրուն ու մի փոքր դառն ալկոհոլային խմիչքն անցյալում ուներ քաղցրության ավելի բարձր մակարդակ, սակայն, պատմության անսպասելի ու ցանկալի փոփոխությունների արդյունքում այն ժամանակի ընթացքում ձեռք բերեց լիովին նոր բաղադրություն ու համ։ Ահա, այսպես էլ դառնահամ ալկոհոլային խմիչքին տրվեց Բրուտ շամպայն անունը․ սովորականից ավելի դառը, թարմացնող ու չոր համային նոտաներով փրփրուն խմիչքը։
Բրուտ շամպայնի ծագումը
Ամեն ինչ սկսվեց Ֆրանսիացի մի կնոջից՝ Մադամ Փոմմերիից, ով ամուսնու մահից հետո, 1858 թվականին, առանց որևէ փորձ ունենալու՝ իր ձեռքը վերցրեց հանգուցյալի գինեգործարանը, որտեղ տարիներ շարունակ արտադրվում էր կարմիր գինի։ Արտադրության ամբողջ պատասխանատվությունն իր ձեռքը վերցնելուց հետո նա սկսեց արտադրել շամպայն, որը գինու արտադրությունից կրկնակի անգամ ավելի բարդ էր։
Գինեգործարանի փոփոխությունները կապված էին Մադամ Փոմմերիի դպրոցական տարիների հետ։ Քանի որ, նա հաճախել էր անգլիական դպրոց՝ գիտեր, որ շատ անգլիացիներ գերադասում էին չոր գինի։ Այսպիսով, ֆրանսիացի կինը սկսեց բրուտ շամպայնի փորձնական արտադրությունը, որը պրակտիկորեն ավելի ռիսկային էր, քանի որ բնական քաղցրություն ունենալու համար խաղողը պետք է լիներ ավելի հասուն, այսինքն՝ հավաքվեր ավելի ուշ։ Մինչդեռ այլ արտադրողներ օգտագործում էին նույնիսկ ոչ հասած խաղողները։
Հասարակության կարծիքը՝ առաջին բրուտի մասին
Երբ չոր շամպայնն առաջին անգամ ներկայացվեց հասարակությանը, շատերն այն չընդունեցին՝ անծանոթ լինելով ալկոհոլային խմիչքի նոր տեսակին։ Սակայն, որակին ու նորարարությանը հետևելով, Մադամ Փոմմերին շատ շուտով բրուտը դարձրեց հայտնի խմիչք անգլիացի սպառողների միջև։ Շամպայնի կյանքում սա զգալի ու հաճելի փոփոխություն էր, որի հիմքում ընկած էր ավանդական քաղցր շամպայնի նոր տեսակը։
Մադամ Փոմմերին մեծ ազդեցություն ունեցավ նաև գինեգործարանի կյանքում, քանզի ստեղծեց տարածաշրջանում ամենամեծ կավճից նկուղները։ Նկուղների իմաստը շամպայնների հնեցման համար օպտիմալ պայմանների ստեղծումն էր։ Սակայն, շատ շուտով կավճից պատրաստված նկուղները գրավեցին նաև զբոսաշրջիկների ուշադրությունը և դարձան զբոսաշրջության ամենահայտնի կետերից մեկը։ Ահա, թե ինչպես կարող ենք վերհիշել բրուտ շամպայնի ծագումը, տարածումը և որոշ տեսակները։
Բրուտ շամպայնի տեսակները
Գոյություն ունեն բրուտի տարբեր տեսակներ, որոնք ունեն դառնության ու քաղցրության տարբեր մակարդակներ։ Հայտնի տեսակներից են հայկականն ու ֆրանսիականը՝ տարբերվող ինչպես արտադրության եղանակներով, այնպես էլ ընրված խաղողի տեսակներով և տարածաշրջանի առանձնահատկություններով։
Բրուտ շամպայն հայկական
Հայաստանը հայտնի է գինեգործության դարավոր պատմությամբ, սակայն երկրում փրփրուն գինիների արտադրությունը բավականին նոր հավելում է։ Հայկական բրուտ արտադրելու համար օգտագործվում են տեղական խաղողի տեսակները, ներառյալ՝ Ոսկեհատն ու Խաթունի, որոնք խմիչքին տալիս են յուրահատուկ նոտաներ։ Հայկական շատ արտադրողներ բրուտը ստեղծում են ավանդական տարբերակով, իսկ ոմանք էլ կիրառում են Charmat եղանակը։ Այսինքն՝ փրփրուն գինին հնեցնում են տակառների մեջ՝ այն ավելի թարմ ու մրգային դարձնելու համար։
Հայկական սիրված տարբերակ է KARAS Extra Brut-ը։ Այն ունի թարմացնող մրգային բույր ու ցիտրուսային համային նոտաներ։ Ըմպելիս նկատելի է մի փոքր թթվայնություն։ Կարող եք համադրել ծովամթերքի ու մրգերի հետ։
Բրուտ ֆրանսիական շամպայն
Ֆրանսիական շամպայնն արտադրվում է զով կլիմայում և ներառում է խաղողի հատուկ տեսակներ, ինչպիսիք են՝ Chardonnay, Pinot Noir և Pinot Meunier-ը։ Ֆրանսիական բրուտը կարող եք նկարագրել համային բարդ ու թթու նոտաներով, ինչպես նաև թարմացնող հատկությամբ, որը գերադասում են շատերը։
Սիրված տեսակ է BODEGA DEL FIN DEL MUNDO Blanc De Noir բրուտը, որն արտադրվում է Chardonnay և Pinot Noir խաղողի տեսակներից։ Ի դեպ, այն կարող եք ձեռք բերել Վինո Վինո ալկոհոլի մասնագիտացված խանութից։
Չնայած, որ բրուտը դառը խմիչք է, այն մեծապես տարբերվում է չոր գինուց և ճիշտ գնելու համար հարկավոր է դրանք տարբերակել։
Բրուտ և էքստրա չոր շամպայնների տարբերությունները
Քանի որ, շամպայնի երկու տեսակներն էլ ունեն դառը համ, եկեք հասկանանք, թե ինչում է կայանում նրանց տարբերությունը։ Բրուտի և չոր շամպայնի հիմնական տարբերությունը քաղցրության մակարդակն է։ Բրուտի մեկ լիտրի մեջ շաքարի պարունակությունը կազմում է 0-12 գրամ, ինչի արդյունքում այն ստանում է չոր համ՝ մի փոքր քաղցրությամբ։
Չոր շամպայնի պարունակության մեջ կա շաքարի ավելի բարձր մակարդակ։ Խմիչքի մեկ լիտրը պարունակում է 12-17 գրամ շաքար, ինչի արդյունքում էլ այն ունի ավելի քաղցր համ՝ համեմատած բրուտ շամպայնի հետ։
Այսպիսով, եթե համեմատենք երկու շամպայնների չորության մակարդակը, ապա Բրուտն ավելի չոր է, իսկ Էքստրա չոր շամպայնն ըմպելիս կարելի է նկատել որոշակի քաղցրություն։
Բրուտի համային նոտաները
Բրուտ ըմպելիս կարելի է նկատել ցիտրուսի, խնձորի և նույնիսկ թխվածքի համային նոտաներ։ Ցիտրուսային նոտաներն ավելի արտահայտված են քաղցրության բացակայության շնորհիվ, ինչի արդյունքում Բրուտ խմիչքն ունի ավելի թարմացնող համ։
Էքստրա չոր շամպայնի համային նոտաները
Ինչպես արդեն գիտենք, էքստրա չոր շամպայնն ունի ավելի քաղցր համ։ Սա երբեմն պայմանավորված է խմիչքի բաղադրությունում ներառվող հասած մրգերով՝ տանձ, ծիրան և նույնիսկ սեխ։ Այն ունի ավելի հարուստ ու քաղցր համ, որը բերանում մնում է ավելի երկար։
Ինչպիսի՞ ուտեստների հետ համադրել Բրուտ խմիչքը
Բրուտը կարող է համադրվել ամենատարբեր ուտեստների հետ։ Հատկապես կարող եք ուշադրություն դարձնել այնպիսի ուտեստներին, որոնք է՛լ ավելի հաճելի են դառը խմիչքի հետ համադրվելիս։ Ահա մի քանի օրինակներ․
-
Ծովամթերք․ Հատկապես՝ ոստրե, սուշի, ծովախեցգետին և այլն։
-
Պանիրներ․ Կարող եք ընտրել փափուկ պանիրներ, օրինակ Բրի և այծի պանիր։ Կարող եք նաև համադրել հնեցված պանիրների հետ, օրինակ՝ Պարմեզանի։
-
Աղանդեր․ Տարատեսակ աղցաններ և խավիար։
Նման ուտեստներն ունեն հարուստ համ և կատարելապես կհամադրվեն Բրուտի դառնության հետ։
Ինչպիսի՞ ուտեստների հետ համադրել էքստրա չոր շամպայնը
Էքստրա չոր շամպայնի մի փոքր քաղցր համը թույլ է տալիս համադրել այն մրգերի, ինչպես նաև՝ կծու ուտեստների հետ։ Ահա մի քանի համադրություններ․
-
Մրգեր․ Կարող եք համադրել թարմ ու քաղցրահամ մրգերի հետ։ Օրինակ՝ ելակի, դեղձի ու մանգոյի հետ։
-
Դեսերտներ․ Կարող եք ընտրել ոչ այնքան քաղցր դեսերտներ, որոնք համադրվելով շամպայնի հետ՝ կստեղծեն հաճելի համադրություններ։
-
Կծու ուտեստներ․ Կարող եք ընտրել ասիական կամ հնդկական ուտեստներ, որոնց կծու համը կկոտրվի շամպայնի թեթև քաղցրությամբ։
Այսպիսով, էքստրա չոր շամպայնն ուտեստին տալիս է որոշակի քաղցրություն։ Այսինքն՝ կարող եք համադրել միջին քաղցրության ուտեստների հետ և ստեղծել ներդաշնակ համադրություն։
Ամփոփում
Բրուտը շամպայնի հայտնի տեսակ է, որը ձևավորվել և տարածվել է ֆրանսուհու շնորհիվ։ Առաջին արտադրությունից ի վեր՝ խմիչքը ենթարկվել է զարգացման տարբեր փուլերի, արտադրվել տարբեր երկրներում ու նորապես ներկայացել ամբողջ աշխարհին։ Այսօր բրուտն արտադրվում է նաև Հայաստանում՝ տեղական քաղցրահամ ու սիրված խաղողի տեսակներից՝ դարավոր խմիչքին տալով հայկական շունչ։ Այսպիսով, ձեռք բերեք բրուտի Ձեր սիրելի տեսակը՝ Վինո Վինո մասնագիտացված խանութից։
